Jenesis 29:17 - Holy Bible Nigerian Pidgin English

¹⁷ Leah eyes fine well-well, but Rashel get betta body with fine shape.)

Jenesis 29:17 ပူးပေါင်းရင်းမြစ်များ

Jenesis 12:11

As e near Egypt, e kon tell en wife Sarai sey, “Si o-o, I know sey yu bi fine woman

Jenesis 12:14

Wen Abram enter Egypt, Egypt pipol si as di woman fine well-well.

Jenesis 24:16

Di girl fine well-well. E neva sleep with anybody for en life. Rebekah go di well, fetch wota put for en pot kon dey kom back.

Jenesis 26:7

Wen di men for di place ask am about en wife, e kon tell dem sey, “Na my sista.” Fear nor fit let am sey, “Na my wife,” bikos e tink for en mind sey, “If I sey na my wife, di men for dis place go kill mi make dem for fit get Rebekah, bikos e too fine.”

Jenesis 29:16

(Laban get two girl pikin; di senior one name na Leah and di yonga one na Rashel.

Jenesis 29:18

Since Jakob don love Rashel well-well, e kon sey, “I go serve yu for seven years, so dat I go fit marry yor yonga dota, Rashel.”

Jenesis 29:30

Jakob kon sleep with Rashel too. E love Rashel pass Leah, so e work for Laban for anoda seven years.

Jenesis 30:22

Den God sorry for Rashel. E hear en prayer kon make am get belle.

Jenesis 35:24

Di sons wey Rashel born na Josef and Benjamin.

Jenesis 39:6

So Potifa leave evritin wey e get for Josef make e kare for dem. So di only tin wey koncern Potifa for di house, na to chop. Josef fine well-well and e get betta karata.

Jenesis 48:7

But for mi, wen I dey kom back from Paddan, Rashel die kon make mi kry for Kanaan. E die for road, wen wi still dey far from Efratah. So I beri am for di road wey dem dey pass go Efrat (wey bi Betlehem naw).”

Proverbs 31:30

Gold dey deceive pipol and beauti dey disappear, but make pipol praiz woman wey dey honor and fear God.

Jeremaya 31:15

God sey, “Pipol hear kry and shaut for Rama. Rashel dey kry for en pikin dem wey don die and nor-tin wey pipol tok, fit konfort am.”

Matiu 2:18

“Pipol hear kry and shaut for Rama. Rashel dey kry for en pikin dem wey don die and nor-tin wey pipol tok, fit make en heart strong.”

1 Samuel 10:2

Wen yu leave mi today, yu go si two men near Rashel Grave for Benjamin borda wey dey Zelzah. Dem go tell yu, ‘Di donkey dem wey yu dey fine, dem don si dem. Yor papa nor dey worry for di donkey again, but e dey worry for una too. E dey ask sey, “Wetin I go do naw wey I nor si my pikin?” ’