Jenesis 26:12 - Holy Bible Nigerian Pidgin English

¹² Isaak harvest plenty well-well and e rish hundred times of wetin e plant dat same year, bikos God don bless am.

Jenesis 26:12 ပူးပေါင်းရင်းမြစ်များ

Jenesis 24:1

Abraham don old well-well and God don bless am for evritin.

Jenesis 24:35

God don really bless my oga and e get evritin wey e wont. Oga God don gi-am sheep, kattle, gold, silva, man and woman savants, kamel and donkey.

Jenesis 25:11

Afta Abraham don die, God kon bless en pikin Isaak. Isaak dey stay near Beer Lahai Roi.

Jenesis 26:29

so dat yu nor go ponish us, just as wi nor ponish yu, but wi dey always trit yu well, before wi even porshu yu with peace. Naw God don bless yu.”

Jenesis 26:3

Stay for dis land. Den I go dey with yu kon bless yu, bikos I go give all dis land to yu and yor shidren-shidren. I go do wetin I promise yor papa Abraham.

Jenesis 30:30

True-true, dem nor many wen I kom, but naw, wetin yu get don plenty well-well. God don bless yu for evriwhere wey I for work for yu. But naw, how long e go take before I go do sometin for my own family?”

Job 42:12

God bless di remainin days wey Job stay for dis eart pass wen dem born am. Job kom get 14,000 sheep, 6,000 kamel, 2,000 kattle and 1,000 donkey.

Psalms 67:6

All di seed wey dem plant dey grow well for di eart, so make di Oga awa God, bless us!

Psalms 72:16

Food go many for di land and seeds go even dey grow well on-top mountins. Make trees bear betta fruit like di trees for Lebanon and make pipol for di land dey grow well like betta grass for di field.

Proverbs 10:22

Wen God bless pesin, e dey get enough and nor-tin go make am regret.

Ekklesiastes 11:6

So, make yu go plant yor seed for morning and nor stop to work until evening; bikos yu nor know di one wey yu do wey go bring gain for yu; weda na dis one, dat one or di two.

Zekaraya 8:12

Nobody go wahala dem wen dem dey plant dia seed. Dia vine go get many fruits; di groun go produce food and rain go always dey fall for dem. I go give all dis blessings to my pipol wey remain.

Matiu 13:23

But di seed wey fall for betta groun, na pesin wey hear and undastand God word. E kom bear fruit wey rish hundred, sixty and thirty.’ ”

Matiu 13:8

But some seed fall for betta groun. Dem grow well kon bear oda seeds, some bear rish hundred, some sixty and some thirty.

Mark 4:8

But odas fall for betta groun. Dem grow well kon bear oda seeds, some bear rish thirty, some sixty and some hundred.”

1 Korintians 3:6

I dey plant di seed and Apollos dey wota dem, but na God dey make di seed grow.