Jenesis 22:11 - Holy Bible Nigerian Pidgin English

¹¹ But God angel koll am from heaven, “Abraham! Abraham!” Abraham ansa, “Si mi for here!”

Jenesis 22:11 ပူးပေါင်းရင်းမြစ်များ

Jenesis 16:7

So God angel kon si Hagar near one wota for wildaness, di wota dey rush go Shur.

Jenesis 21:17

But God hear di boy vois. God angel koll Hagar from heaven kon ask am, “Hagar! Na wetin happen? Make yu nor fear, bikos God don hear di boy vois from where e for dey kry.

Jenesis 21:18

So get up! Go help di boy stand make yu hold am for hand, bikos I go make en shidren-shidren plenty well-well.”

Jenesis 22:1

So afta sometaim, God kon test Abraham. God koll am, “Abraham!” Abraham ansa, “Na mi bi dis!”

Jenesis 22:10

Den Abraham take di knife won kon kill en pikin.

Jenesis 22:12

Di angel kon sey, “Make yu nor do di boy anytin, nor wound am. Naw! I don know sey yu dey fear God, bikos yu even ready to kill yor only pikin for mi.”

Jenesis 22:16

kon tell am, “God sey, ‘I promise yu with my own name sey, bikos yu don do like dis kon give mi yor son, yor only pikin,

Jenesis 24:7

Oga wey bi di God for heaven wey take mi komot from my papa house and di land wey my pipol dey, naim promise mi wen E promise sey, ‘I go give dis land to yor shidren-shidren.’ So God go send en angel go for yor front, so dat yu go si one good wife for der kon bring kom give my pikin.

Jenesis 31:11

Den God angel tell mi for di dream, ‘Jakob,’ so I ansa, ‘Na mi bi dis!’

Jenesis 37:13

Israel kon tell Josef, “Yor brodas dey for di field near Shekem. Make yu kom make I send yu go meet dem.” Josef ansa, “Papa! I don ready.”

Jenesis 46:2

Wen Israel dey sleep for nite, God kon tok to am for vishon sey, “Jakob, Jakob!” E ansa, “Na mi bi dis!”

Jenesis 48:16

di Angel wey don protet mi from all wahala, bless dis boys. My name and my papa Abraham and Isaak name go shine for dia life. Dia shidren go many like san-san for dis eart.”

Exodus 3:2

Den God angel appear to am like fire for inside di bush. Wen Moses look, e si sey di fire dey katch, but di bush nor dey burn!

Exodus 3:4

Wen God si sey Moses don near di bush, E kon koll am, “Moses, Moses!” Den Moses ansa, “I dey here.”

Isaya 6:8

Den I hear God ask, “Who I go send? Who go bi awa messenja?” So, I kon ansa, “I go-go! Make Yu send mi!”

Acts 26:14

Wen wi don fall for groun, I hear one vois wey use Aramaik language tell mi, ‘Saul, Saul, why yu dey ponish mi? Yu dey fight yorsef, bikos na stone yu dey kick so.’

Acts 9:4

E fall for groun kon hear one vois wey koll en name, “Saul, Saul, wetin make yu dey ponish mi?”

Judges 2:1

God angel komot from Gilgal go Bokim kon tell Israel pipol, “Na mi bring una kom out from Egypt kon put una for dis land wey I promise to give una grand-grand papa and I tok sey I nor go break my promise with una.

1 Samuel 3:10

Den God kom near and koll am as before, “Samuel! Samuel!” So Samuel ansa, “Tok to mi, yor savant dey listin!”

1 Samuel 3:4

God kon koll Samuel and e ansa, “Na mi bi dis!”