Jenesis 15:5 - Holy Bible Nigerian Pidgin English

⁵ God take am go outside kon sey, “Look di sky and yu go si di stars, den try if yu fit kount dem!” Den God sey, “Na as di stars bi for up, na so yor shidren go plenty rish.”

Jenesis 15:5 ပူးပေါင်းရင်းမြစ်များ

Jenesis 12:2

“Den I go turn yu to one strong kountry kon bless yu. Yor name go dey great and yu go get betta blessing.

Jenesis 13:16

And I go make yor shidren-shidren plenty like san-san for di eart and nobody go fit kount dem.

Jenesis 16:10

I go make yor shidren-shidren great.” God angel still sey, “Dem go plenty well-well and nobody go fit kount dem.”

Jenesis 17:2

I go make my kovenant with yu kon give yu plenty shidren.”

Jenesis 22:17

I go really bless yu kon make yor shidren-shidren plenty well-well and nobody go fit kount dem, just as nobody fit kount stars for sky or di san-san wey dey near river. Yor shidren-shidren go take all di tins wey bilong to dia enemies.

Jenesis 26:4

I go make yor shidren plenty like di stars wey dey di sky and I go give dem all dis land. I go bless all di nashon for di world with yor shidren-shidren name.

Jenesis 28:14

Yor shidren-shidren go plenty like san-san for groun and dem go skata go west, east, nort and sout. I go bless all di family for di world with yu and shidren-shidren name.

Jenesis 32:13

So Jakob stay der dat nite and from all di tins wey e get, e kon send some present go give en broda Esau.

1 Kings 3:8

I dey here with doz wey Yu choose as yor own; pipol wey nobody fit kount.

1 Kronikles 27:23

Wen David sey make dem kount di pipol, e sey make dem nor kount pipol wey neva pass twenty years, bikos God promise sey E go make Israel pipol plenty like di stars wey dey di sky.

Nehemaya 9:23

Just as star many for sky, na so di shidren wey Yu give dem many and Yu let dem win and stay for di land wey Yu promise dia grand-grand papa sey Yu go give dem.

Job 35:5

Make una si how di kloud high rish! Make una look di sky well-well!

Psalms 147:4

E dey kount and koll di stars by dia names.

Exodus 32:13

Make Yu remember Abraham, Isaak and Israel yor savants wey Yu promise sey, ‘I go make una shidren-shidren plenty like di stars for sky and all dis land wey I don tok about, I go give dem to una shidren-shidren and dem go stay der forever.’ ”

Isaya 51:2

Make una tink of Abraham, una grand-grand papa and Sarah wey born una. Wen I koll Abraham, e nor get pikin, but I bless and gi-am shidren kon make en shidren-shidren, plenty.

Jeremaya 33:22

I go make my savant, David shidren-shidren and all di priest from Levi tribe plenty, so dat dem nor go fit kount dem, just as dem nor fit kount star for sky or san-san for wotaside.”

Romans 4:18

Even wen tins hard, Abraham still bilive God and e hope sey God go do am, even wen e bi like sey nor-tin go happen. But naw, e don bikom, “Papa for many nashons.” Just as God tell am, “Yor shidren go many like di stars wey dey heaven.”

Deutronomi 1:10

God don make una many well-well like stars for sky!

Deutronomi 10:22

Wen una grand-grand papa dem go Egypt, dem bi only seventy. But naw, di Oga una God don make una plenty like di stars for sky!

Hibru 11:12

So from dis one man wey en body don die finish, shidren wey plenty rish stars for sky and san for wotaside kon full evriwhere.

Joshua 24:3

but I take una papa Abraham cross di river kon bring am kom Kanaan land. I make en shidren-shidren many and dem nor fit kount dem; I gi-am Isaak