Jenesis 12:7 - Holy Bible Nigerian Pidgin English

⁷ God appear to Abram kon sey, “I go give dis land to yor shidren-shidren.” So Abram build one altar to God wey appear to am for der.

Jenesis 12:7 ပူးပေါင်းရင်းမြစ်များ

Jenesis 12:8

Den e komot from der go di hill kountry for Bethel for east kon stay der. E build anoda altar for der for God kon woship am.

Jenesis 13:15

All di land wey yu dey si so, I go gi-am to yu and yor shidren-shidren forever.

Jenesis 13:17

So make yu get up go look di land dem, bikos I go gi-am to yu.”

Jenesis 13:18

So Abram karry en tent kon go stay near Mamre oak wey dey Hebron and e build anoda altar for God for der.

Jenesis 13:4

Dis na di place where e for first build altar. So Abram kon woship God for der.

Jenesis 15:18

Dat day, God kon make kovenant with Abram sey: “From Egypt borda go rish Eufrates River, I promise to give all dis land to yor shidren,

Jenesis 17:1

Wen Abram na ninty-nine years, God appear to am kon sey, “Na mi bi di Oga God wey get pawa. Follow mi waka and nor-tin go do yu.

Jenesis 17:3

Abram bow face groun and God tok to am,

Jenesis 17:8

I go give yu and yor shidren dis land where yu dey stay as strenja naw. Di whole Kanaan land go bi yor shidren-shidren own forever and I go bi dia God.”

Jenesis 18:1

God appear to Abraham near Mamre oak tree as e sidan for front of en house for one hot aftanoon.

Jenesis 22:9

Wen dem rish di place where God tok about, Abraham kon build altar for der and e arrange di wood on-top. Den e tie Isaak hand and leg kon put am on-top di altar.

Jenesis 24:7

Oga wey bi di God for heaven wey take mi komot from my papa house and di land wey my pipol dey, naim promise mi wen E promise sey, ‘I go give dis land to yor shidren-shidren.’ So God go send en angel go for yor front, so dat yu go si one good wife for der kon bring kom give my pikin.

Jenesis 26:25

Den Isaak build one altar for der kon woship God. E put en tent for der and en savant kon dig anoda well.

Jenesis 26:3

Stay for dis land. Den I go dey with yu kon bless yu, bikos I go give all dis land to yu and yor shidren-shidren. I go do wetin I promise yor papa Abraham.

Jenesis 28:13

den Oga God stand for di top. God kon sey, “Na mi bi di Oga God, yor grand-papa Abraham and yor papa Isaak God. Dis groun wey yu sleep put so, I go gi-am to yu and yor shidren-shidren.

Jenesis 28:4

E go give yu and yor shidren-shidren di blessing wey E give Abraham, so dat una go take di land wey God give Abraham; di land wey yu just dey stay as strenjas.”

Jenesis 32:30

So Jakob koll di place Penuel, kon sey, “I don si God face-to-face and I still dey alive.”

Jenesis 33:20

For der, e build one altar kon name am, “Na Israel God bi God.”

Jenesis 35:12

Di land wey I give Abraham and Isaak, I go gi-am to yu and yor shidren-shidren.”

Jenesis 35:7

E build one altar for der kon koll am El Bethel (wey mean God house), bikos na for der God for show ensef to am wen e dey run from en broda.

Jenesis 50:24

Den Josef tell en brodas, “Na die I dey so. But God go true-true kom meet and take una go di land wey E promise sey E go give Abraham, Isaak and Jakob.”

Jenesis 8:20

Noah build one altar for Oga God. E kon take some from evry klean animal and bird take offa ofrin for di altar.

2 Samuel 24:25

Den e build altar for der kon give God burnt and fellowship ofrin. So God ansa en prayer and di sickness for Israel kon stop.

1 Kings 18:32

E kon use di stones make altar give God. E dig one big gutta round di altar wey go kontain four gallon of wota.

1 Kronikles 16:16

just as E promise Abraham and Isaak.

1 Kronikles 16:18

E sey, ‘I go give yu Kanaan land and e go bi yor own.’

2 Kronikles 20:11

But naw, make Yu si how dem dey pay us back. Dem dey kom drive us komot from awa land wey Yu give us!

2 Kronikles 20:7

Awa Oga God, Yu porshu doz wey dey dis land before kon gi-am to yor friend Abraham and en shidren-shidren Israel, wey bi yor pipol.

Ezra 3:2

and Jeshua wey Jehozadak born, en fellow priests, Zerubabel wey bi Shealtiel pikin and en family membas kon build di Oga wey bi Israel God altar back, so dat dem go fit dey burn sakrifice for der akordin to wetin dem rite for God savant, Moses Law.

Exodus 17:15

So Moses build one altar kon koll am, “Na di Oga God bi my banner,”

Exodus 24:4

Den Moses rite di word wey God tok. For early morning, e build altar for under di mountin kon arrange and stand twelf stones; one for each of di twelf tribes.

Exodus 32:13

Make Yu remember Abraham, Isaak and Israel yor savants wey Yu promise sey, ‘I go make una shidren-shidren plenty like di stars for sky and all dis land wey I don tok about, I go give dem to una shidren-shidren and dem go stay der forever.’ ”

Exodus 33:1

God tell Moses, “Make yu and di pipol wey yu take komot from Egypt go di land wey I promise Abraham, Isaak and Jakob sey, ‘I go give una shidren-shidren.’

Exodus 6:3

‘Na mi appear to Abraham, Isaak and Jakob as di Almighty God, but di pipol nor know sey my name na Oga God,’ too.

Exodus 6:4

I still make kovenant with dem kon promise sey, ‘I go give dem Kanaan pipol land, where dem stay as strenja.’

Jeremaya 3:18

For dat time, Israel pipol go join Judah pipol kom back from di land wey dey nort and dem go kom back to di land wey I give dia grand-grand papa as dia own propaty.”

Nombas 26:53

“Make yu divide di land between di difren tribes, akordin to dia size.

Nombas 32:11

‘Bikos dem nor follow mi with all dia heart, no one among dem from twenty years go wey komot from Egypt go si di land wey I promise sey I go give Abraham, Isaak and Jakob,

Acts 7:5

Dat time, God neva gi-am any part for di land and e neva born any pikin, but God promise am sey E go gi-am di land and en and en shidren go stay der forever.

Romans 9:8

Dis mean sey di pikin wey Abraham born (Hagar pikin, Ishmael) before God promise am, nor bi di one wey God choose. Instead, di pikin wey e born thru God promise, na dat one bi Abraham true pikin.

Galatians 3:16

Wi know sey God make dis promise with Abraham and en pikin. God word nor sey, “to di shidren”, but e sey, “and to yor pikin,” and e mean only one and dat one, na Christ.

Galatians 4:28

But my brodas and sistas, una bi shidren wey get promise, just as Isaak bi.

Deutronomi 1:8

Look! I don already give di land to una. So make una go kollect di land wey mi God promise to give una grand-grand papa Abraham, Isaak, Jakob and dia shidren.”

Deutronomi 30:20

Den una go love di Oga wey bi una God kon dey obey en vois and hold am strong, bikos God go give una long life for di land wey E promise to give una grand-grand papa Abraham, Isaak and Jakob.”

Deutronomi 34:4

Den God tell Moses, “Dis na di land wey I promise Abraham, Isaak and Jakob wen I sey, ‘I go give dis land to yor shidren-shidren.’ I don let yu si am, but yu nor go cross enter.”

Deutronomi 6:10

Den wen di Oga una God take una enter di land wey E promise una grand-grand papa, Abraham, Isaak and Jakob sey E go give una; di land wey get big and fine-fine towns wey una nor build at-all

Deutronomi 9:5

Una nor dey enter and stay dis land, bikos una dey good or get sense. Di Oga una God go porshu dis pipol komot for una, bikos of di wikedness wey dem dey do and to fulfil di promise wey E make with una grand-grand papa, Abraham, Isaak and Jakob.

Hibru 11:13

All of dem faith still strong wen dem die and dem nor get di tins wey God promise dem, but dem si and welkom di tins from far and dem gri sey, dem diasef na strenja for dis world.

Hibru 11:8

Na faith make Abraham obey wen God koll am make e leave en house, travel go anoda land wey God promise am, even doh e nor know where e dey go.

Joshua 1:6

“Make yu dey strong and get heart! Yu go lead dis pipol go win di land wey I don promise dia grand-grand papa sey, I go give dem.

Joshua 22:10

Reuben tribe, Gad tribe and half of Manasseh tribe rish Gelilot near Jordan River for Kanaan land kon build one fine altar for der.

Joshua 8:30

Den Joshua build one altar for Israel God for Mount Ebal,

Judges 6:24

So Gideon build one altar for der give God kon koll am, “Yahweh Shalom wey mean, ‘Na Oga God bi peace.’ ” Till today, di altar still dey for Ofrah wey bi Abiezer family land.

1 Samuel 7:17

Den e go kom back to Rama, bikos en house dey der. E still dey judge Israel pipol for der and e build one altar for der wey dem for dey woship God.