Jenesis 1:1 - Holy Bible Nigerian Pidgin English

¹ Wen di world just start, na God kreate di heaven and di eart.

Jenesis 1:1 ပူးပေါင်းရင်းမြစ်များ

2 Kings 19:15

Hezekaya pray to God kon sey: “Oga wey bi Israel God, na Yu bi king among di creatures wey get feadas! Na only Yu bi God ova all di kingdoms for dis eart. Na Yu make di sky and di eart.

1 Kronikles 16:26

Di gods for oda towns nor mean anytin, but na God make di heavens.

2 Kronikles 2:11

King Hiram for Tyre kon send dis leta go give Solomon: “Bikos God love en pipol, E kon make yu king.”

Nehemaya 9:6

Na only Yu bi God. Na Yu kreate di heaven and di stars for sky. Yu kreate land, sea and evritin wey dey inside, den kon give dem life. All di pawa for heaven, dey bow woship Yu.

Job 26:13

Wen E breath, di sky dey klear. Na en hand E take distroy di big snake.

Job 38:4

“Yu dey der wen I kreate di heavens and eart? If yu know well-well, tell mi about dem.

Job 9:8

Na only en make di heavens kon waka on-top wave for sea.

Psalms 102:25

Na wen di world just start, Yu build di foundashon for di eart kon make di heavens with yor hand.

Psalms 104:24

So my God, make Yu si all di difren tins wey Yu don do! Na sense Yu take make all of dem. Na wetin Yu kreate full di whole eart.

Psalms 104:30

Na yor breath wey dey give life, Yu take kreate dem kon make dem plenty for dis eart.

Psalms 115:15

Make God wey make heaven and eart, bless una.

Psalms 121:2

My help dey kom from God, di Pesin wey make heaven and eart!

Psalms 124:8

God wey kreate heaven and eart, na-im diliver us from dia hand.

Psalms 134:3

Make God wey kreate heaven and eart bless una from Zion!

Psalms 136:5

Di Pesin wey make di heaven with en wisdom, bikos en love wey nor dey fail, dey forever.

Psalms 146:6

Na God make heaven and eart, di sea and evritin wey dey inside dem. E dey keep all di promise wey E make.

Psalms 33:6

Na with di word wey God tok, E take kreate di heavens. E breath en word and all di stars for heaven, appear.

Psalms 33:9

Bikos na afta E tok, di world start! As E kommand, di world kon appear at wons.

Psalms 8:3

Wen I look di sky for nite kon si di work wey Yu do; di moon and di stars wey Yu keep for dia place,

Psalms 8:4

I dey ask mysef, “Wetin pipol bi wey Yu dey tink about dem? Na ordinary human being Yu dey kare about?”

Psalms 90:2

Yu bi God wey nor dey die! Even before Yu kreate di mountins and di whole world, Yu don dey.

Psalms 96:5

Oda nashons god, na just juju dem bi, but na awa God make di heavens!

Exodus 20:11

Bikos na six days God take make heaven, eart and all di tins wey dey inside dem and E rest for di sevent day. So God bless di Sabat Day kon make am holy.

Exodus 31:18

Wen God don tok to Moses finish for Mount Sinai, E kon gi-am two stones wey E rite di kommandment put.

Proverbs 16:4

Evritin wey God kreate get en purpose; but na wahala, wiked pipol go get.

Proverbs 3:19

God kreate di eart with en wisdom and na en undastandin E take make di heavens.

Ekklesiastes 12:1

So, make yu remember and honor di Pesin wey kreate yu naw wen yu still dey yong, bikos wen yu don old, yu go sey, “Life nor sweet again.”

Isaya 37:16

“Israel God wey get pawa; di Pesin wey sidan for where high pass di creatures wey get feadas. Na only Yu bi God wey dey rule all di kingdoms for dis world. Na Yu kreate di eart and di sky.

Isaya 40:21

Una nor know? Dem neva tell una since? Una neva hear how di world take start?

Isaya 40:26

Make una look di sky! Who make di stars wey una dey si? Na-im dey lead dem like sojas. E know how dem plenty rish and E dey koll all of dem by dia name! En pawa big well-well and no one among di stars dey miss.

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Isaya 42:5

God wey kreate heaven kon stresh am out, wey make di eart and evribody wey dey inside, di Pesin wey give life to di pipol wey dey di eart and spirit to doz wey dey waka inside sey,

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Isaya 45:18

God wey kreate di heavens and di eart sey, na-im still bi God! Na mi kreate di eart well and I nor kreate am to dey empty, but na for pipol to stay. E sey, “Na mi bi God and e nor get anoda one.

Isaya 51:13

Una don forget God wey make una; di Pesin wey stresh heaven kon make di eart foundashon? Why una dey always fear pipol wey dey opress una; doz wey ready to distroy una? But naw, una nor go fear dem again.

Isaya 51:16

I stresh heaven kon make di eart foundashon! I tell Jerusalem, ‘Una bi my pipol! I don tish and protet una with my hand.’ ”

Isaya 65:17

God sey, “I go kreate new heavens and new eart. Nobody go remember di tins wey don happen before and e go komot from dia mind kpata-kpata.

Jeremaya 10:12

Na God make di eart with en pawa; na-im wisdom and undastandin E take kreate di heavens and eart.

Jeremaya 32:17

‘My Oga God! Na Yu kreate heaven and eart with yor mighty pawa and great strent. Nor-tin dey hard for Yu to do!

Jeremaya 51:15

God make di eart with en pawa; na en wisdom E take kreate di world kon spread di heavens with en sense.

Zekaraya 12:1

Dis na God message about Israel. Na God kreate di sky and di eart kon give life to man. God sey,

Matiu 11:25

For dat time, Jesus kon sey, “I praiz yu Papa, Oga God wey get heaven and eart, bikos yu hide dis tins from pipol wey get sense and doz wey know book well-well, but yu show dem to small shidren.

Mark 13:19

Bikos wen dis tins go dey happen, di kind sofa wey go dey, neva dey since wen God kreate dis world and dat kind sofa, nor go dey again.

Acts 14:15

“Why una won do dis kind tin? Wi too na human being like una! Wi kon tell una di Good News, wey go make una turn from sin kom meet God, wey make heaven, eart, sea and all di tins wey dey inside dem.

Acts 17:24

God wey make di world and evritin wey dey inside, wey bi di Oga God for heaven and eart, nor dey stay inside house wey human being build

Acts 4:24

Wen dem hear wetin happen, dem kon pray to God sey, “God wey dey for heaven, yu wey make heaven, eart, di sea and evritin wey dey inside dem.

Romans 11:36

Bikos na God kreate evritin and na thru am evritin dey. Make praiz bi en own forever and ever! Amen.

1 Korintians 8:6

But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

Efesians 3:9

Di grace na to make evribody undastand God sekret plan. Na God kreate evritin and E hide di plan since e kreate di world.

Hibru 1:10

E still tell di pikin sey: “For di biginnin, na God kreate di eart and na with en hand E take make di heavens.

Hibru 1:2

but naw, E dey tok to us thru en pikin wey get evritin and na thru am, E kreate di world.

Hibru 11:3

Na thru faith wi take undastand sey, God kreate evritin with en word. So di tins wey wi dey si so, na God make dem from wetin dem nor dey si.

Hibru 3:4

Na pesin build evry house, but di pesin wey build evritin, na God.

2 Pita 3:5

Dem don forget sey, na with word God take kreate di heaven before E kreate di eart from wota and na with wota, E take make dis world.

1 John 1:1

Di tin wey dey from di biginnin, wey wi don hear and si with awa eye; wey awa hand don tosh (tins wey koncern di word wey dey give life

Revelashon 10:6

E swear with di Pesin name wey go dey forever and ever. Na dis Pesin kreate di heaven, eart, sea and evritin wey dey inside dem, den di angel kon sey, “Time go soon rish!”

Revelashon 14:7

Di angel kon shaut: “Make una dey fear and give God glory, bikos di time wey E go judge di world, don rish. And make una woship di Pesin wey make heaven, eart, sea and where wota from dey flow!”

Revelashon 21:6

E still tell mi, “God don do am finish! Na mi bi di Alfa and Omega, di startin and di ending. Anybody wey dey hongry for wota, I go gi-am wota wey dey give life and e nor go pay.

Revelashon 22:13

Na mi bi di Alfa and Omega, di First and di Last, di Startin and di Ending!)

Revelashon 3:14

“Make yu rite di tins wey I won tell yu naw, go give di angel for di church wey dey Laodicea: ‘Dis message na from di Pesin wey bi di Amen; di witness wey dey obey God kommandment since E kreate di world.

Revelashon 4:11

“Awa Oga and God! Yu dey worthy to receive glory, honor and pawa, bikos na yu kreate evritin as yu wont.”