James 5:19 - Holy Bible Nigerian Pidgin English

¹⁹ My brodas and sistas, if anybody among una waka komot from di trut and pesin bring am kom back,

James 5:19 ပူးပေါင်းရင်းမြစ်များ

Psalms 119:118

Yu don rijet all di pipol wey nor dey follow yor ways and naw, dem just dey fool diasef.

Psalms 119:21

Yu porshu sturbon pipol; doz wey nor dey obey yor kommand and bikos of dis, curse dey dia head.

Proverbs 19:27

My pikin, if yu stop to learn, yu go forget evritin wey dem tish yu.

Isaya 3:12

Wiked men dey opress my pipol and doz wey borrow dem money, don turn to dia oga. My pipol, una leaders dey lead una anyhow and naw, una nor know di rite road wey una suppose follow.

Ezekiel 34:16

“Doz wey don lost and wey waka anyhow, I go find and bring dem kom back. Doz wey get sore, I go bandage am for dem kon heal doz wey dey sick; but doz wey fat and strong, I go distroy dem, bikos I bi shepad wey dey do wetin dey rite.

Ezekiel 34:4

Una nor gri kare for di ones wey dey weak; heal di ones wey dey sick; bandage di sore wey some get; go find di ones wey waka anyhow or look for di ones wey lost. Instead, una dey trit dem with wikedness.

Matiu 18:15

“If yor broda do yu bad, make yu go tell am wetin e do. If e asept wetin yu tell am, yu don win yor broda back bi dat.

Luke 22:32

But Simon, I don pray for yu make yor faith nor for fail. Wen yu don turn back kom meet God, make yu help yor brodas too.”

Galatians 6:1

My brodas and sistas, if una si pesin dey sin, make una wey dey spiritual, koll am back. But make una wosh unasef, so dat una nor go fall inside temptashon too.

1 Timoti 6:10

Pesin wey love money, go get wahala, wiked and evil tins. Bikos some pipol one get money by force, dem don fall komot from di faith kon wound demsef anyhow.

1 Timoti 6:21

Some pipol don fall komot from di faith, bikos dem dey listin to pipol wey dey do doz bad tins. Make God grace dey with all of una.

2 Timoti 2:18

Dem leave di trut kon dey sey resureshon don happen already and like dis, dem don make some pipol fall from di faith.

Hibru 5:2

Di High Priest fit sorry for doz wey sin, bikos dem nor know wetin dem suppose know, since en ensef dey sin too.

James 1:16

My brodas and sistas, make nor-tin deceive una,

James 1:19

My brodas and sistas, make una undastand dis tins: Make una dey listin well-well and nor dey kwik tok or vex.

James 3:14

But if jealousy and sefishnes dey en mind, make e nor boast and lie against di trut.

James 5:20

make yu know sey, di pesin wey bring yu wey bi sina kom back from di bad way, don save yor soul from deat and e don make Christ forgive yu all yor sins.

2 Pita 3:17

So, my friends, as una don know wetin go happen, make una shine una eye, so dat una nor go miss di way and fall from di trut wey una get, bikos na so pipol wey nor sirious, dey do.

Jude 1:11

Curse dey dia head! Bikos dem dey bihave like Kain and bikos of long-trot, dem dey do di mistake wey Balaam do. So dem go must die like Korah, wey disobey God.