James 2:13 - Holy Bible Nigerian Pidgin English

¹³ Judgement nor get mesi for anybody wey nor dey mesi for odas, bikos mesi betta pass judgement.

James 2:13 ပူးပေါင်းရင်းမြစ်များ

Jenesis 42:21

Dem kon tell each oda, “Dem dey ponish us, bikos of awa broda Josef, bikos wi si en pain wen e dey kry make wi sorry for am, but wi nor gri listin to am. Na-im make all dis tins dey happen to us so!”

2 Kronikles 28:11

Make una listin and send di pipol wey una katch from una brodas land go back, bikos God don dey vex for una!”

Psalms 18:25

E dey show ensef sey E dey faithful to doz wey dey faithful and to doz wey get respet, Yu dey give dem respet.

Psalms 85:10

Love wey nor dey fail and trut, don join togeda. Raitiousness and peace don kiss each oda.

Proverbs 21:13

If yu nor gri listin to poor pipol kry, dem nor go hear yor own kry for help.

Proverbs 22:16

If yu dey give rish pipol gift kon dey opress poor pipol make yu for get more money, yu go poor too.

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Jeremaya 9:24

If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Ezekiel 33:11

Tell dem sey, ‘God sey, “As long as mi wey get pawa dey alive, I nor dey happy to si doz wey dey sin, dey die. I prefer make dem stop to sin, so dat dem go get life wey nor dey end. So, Israel pipol, make una stop di wiked tins wey una dey do. Na wetin make una won kill unasef finish?” ’

Mikah 7:18

E nor get anoda god like Yu; Yu dey forgive yor pipol wey survive. Yu nor dey vex forever, instead, Yu dey happy to show yor pipol yor love wey nor dey end.

Matiu 5:7

God go bless una wey dey sorry for pipol, una go receive mesi.

Matiu 6:15

But if una nor forgive odas, una Papa sef nor go forgive una.”

Luke 16:25

“But Abraham ansa, ‘My pikin, remember sey wen yu dey alive, yu dey enjoy good tins, but Lazarus nor enjoy at-all. But naw, e dey enjoy for here and yu dey sofa for der.

Luke 6:37

“Make una nor judge oda pipol, so dat God nor go judge una. Make una nor kondemn odas, so dat God nor go kondemn una. Make una forgive odas and God go forgive una.

James 3:17

But God wisdom dey pure; e get peace; dey gentol; dey asept pipol and good fruit and mesi full am; e nor dey do wayo or pritend.

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.

Judges 1:7

So Adoni-Bezek sey, “I don kut seventy kings hand and leg komot wons and I make dem chop food from under my tabol. But naw, God don pay mi back for wetin I do to dem.” So, dem karry am go Jerusalem and e die for der.

Judges 5:27

Sisera fall kon knee down for di woman front. Na di woman leg e fall near and na der e for die