Isaya 9:6 - Holy Bible Nigerian Pidgin English

⁶ Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Isaya 9:6 ပူးပေါင်းရင်းမြစ်များ

2 Samuel 7:13

Na-im go build temple for mi and I go make sure sey en kingdom go dey forever.

2 Samuel 7:16

En house and kingdom go dey before mi forever; en family go rule forever.’ ”

1 Kings 10:9

Make wi praiz di Oga wey bi yor God! E don show how E dey happy with yu, bikos E make yu king for Israel and di love wey E get for Israel pipol, go last forever. E don make yu dia king, so dat yu go fit keep di law and dey judge well.”

1 Kings 2:33

Dia blood go dey for Joab and en shidren-shidren head forever. But God go make David and shidren-shidren prosper for en throne forever.”

1 Kings 2:45

But E go bless mi kon guide David kingdom forever.”

Nehemaya 9:32

Naw, awa God, di One wey dey great, get pawa and dey mighty, di Pesin wey dey keep en kovenant of love wey nor dey fail, make Yu help us as wi dey sofa. Bikos from di time wey Assyria kings first win us kom rish naw, na sofa wi dey sofa: wi and awa kings, leaders, priests, profets, grand-grand papa dem and all awa pipol.

Psalms 45:3

My strong warrior! Make yu karry yor swod kon appear with yor glory and majesty!

Psalms 45:6

My God, yor throne go dey forever and ever. Na with royal pawa Yu take dey judge yor kingdom.

Psalms 45:7

Yu love wetin dey rite kon hate wiked tins. So Oga wey bi yor God don anoint yu as E pour en oil for yor head kon make yu high pass any oda pesin.

Psalms 50:1

Di Almighty One wey bi God don tok; E don gada evribody rite from where di sun for dey raiz go rish where e for dey go down.

Psalms 72:17

Make di king rule forever; make en kingdom kontinue as long as di sun dey shine. Make blessing dey all di nashons bikos of am, so dat dem go praiz am.

Psalms 72:3

Di mountin go karry peace news kom meet yor pipol and di hills go tok about korrect judgement.

Psalms 72:7

All di pipol wey dey fear God go prosper as di king dey rule. So make goodness follow dem, as long as di moon dey shine for di sky.

Psalms 85:10

Love wey nor dey fail and trut, don join togeda. Raitiousness and peace don kiss each oda.

Psalms 89:5

So my God, heavens go praiz di great and wonderful tins wey Yu don do and angels go praiz Yu bikos of how Yu dey good.

Proverbs 8:23

God kreate mi before di world start. Na mi E first give life to.

Isaya 10:21

Some of dem go kom back! Yes Jakob shidren wey remain go kom back to dia God wey get pawa.

Isaya 11:5

E go rule en pipol with betta mind and respet.

Isaya 16:5

den one among David shidren-shidren go bi king and e go rule di pipol with en whole heart and love. E go dey do wetin dey rite and e go make sure sey dem nor opress anybody again.”

Isaya 26:12

My God! Na Yu make us dey save and dey prosper and even evritin wey wi get, na Yu give us.

Isaya 26:3

Oga God, Yu dey guide and save pipol wey dey faithful, bikos dem trust Yu.

Isaya 28:29

All dis wisdom dey kom from God wey dey lead heaven sojas. Na-im dey give pipol wisdom and dey guide us for evritin wey wi dey do.

Isaya 32:1

Di time dey kom wen one king go rule well and di leaders go dey judge well too.

Isaya 37:32

Pipol go survive for Jerusalem and Mount Zion, bikos God don sey dis tins must happen.

Isaya 53:10

Na God wont make e sofa and en deat na sakrifice, so dat God go forgive pipol dia sins. So en days go long and e go si en shidren-shidren and thru am, God go do wetin E wont.

Isaya 53:2

My savant grow like seed wey dem plant for dry groun. E nor even get beauti or respet wey go make us notis am.

Isaya 53:5

But dem wound am bikos of awa sin; dem beat am bikos of di bad tins wey wi do. Na di ponishment wey e sofa give us peace and en wounds don make us well.

Isaya 63:16

Na Yu bi awa papa. Even if Jakob and Abraham wey bi awa grand-grand papa sey dem nor know us, Yu God na awa papa and na Yu dey always save us.

Isaya 66:12

God sey, “I go make una prosper forever; all di nashon propaty go kom meet una like river wey nor dey dry. Una go bi like pikin wey en mama kare and karry for hand kon trit am with love.

Isaya 7:14

So, God go give una sign by ensef. One yong woman wey neva ever sleep with man before, go get belle kon born boy pikin and dem go koll am, ‘Immanuel, wey mean, “God dey with us.” ’

Isaya 8:18

Si, mi and di sons wey God give mi, go bi signs and wonders for Israel pipol and na Oga God, di Pesin wey dey stay for Mount Zion, send us kom.

Jeremaya 31:22

Pipol wey nor bilive, na wen una go stop to waste una time? Mi wey bi God promise to bring new tin kom dis eart and e go dey special like wen woman dey protet man.”

Daniel 2:44

For di time wey dis kings go dey rule, God wey dey heaven go raiz one kind kingdom wey nor go ever end. Dem nor go fit distroy di kingdom and anoda pesin nor go rule am. E go distroy and skata all di oda kingdoms. But dis kingdom go stand forever.

Daniel 7:14

Dem gi-am authority, honor and pawa to rule. Evribody, nashon and pipol from difren tribe, go serve am. En pawa go last forever and nobody go fit distroy en kingdom.

Haggai 2:9

Di glory for dis new temple go big pass di old one and na for der I go for give my pipol peace and make dem prosper.” Dis na wetin Oga God, wey dey mighty, tok.

Matiu 1:1

Jesus Christ wey dem born for David and Abraham family, naim story bi dis.

Matiu 1:23

“Si! Di woman wey neva sleep with man before go get belle and e go born boy and dem go koll am, ‘Emmanuel’ wey mean, ‘God dey with us.’ ”

Matiu 11:27

“My Papa put evritin for my hand. Nobody know di pikin, but na only en Papa know am. Nobody know di Papa, but na only di pikin and anybody wey di pikin choose to show.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Luke 1:35

Di angel ansa am, “Di Holy Spirit pawa go kover yu. So di pikin wey yu go born, go dey holy and dem go koll am God Pikin.

Luke 2:11

Today, dem born una Savior for dis town wey David from kom, en name na Christ, wey bi di Oga God.

Luke 2:14

“Na only God get Glory for heaven and eart, make peace and favor dey with evribody.”

Luke 21:15

bikos I go give una di word wey una go tok and wisdom wey una enemy nor go fit oppoz.

John 1:14

Den di Word kon shange to pesin and e stay with us for dis world. Wi si en glory wey show sey, naim bi di only pikin wey get korrect favor and trut, wey God send kom meet us.

John 1:16

Evribody for dis world don receive plenty good tins from am.

John 14:27

Make una mind rest, bikos na my peace I give una. My peace difren from di one wey di world dey give. Make una nor fear or allow anytin worry una mind.

Acts 10:36

Una know di message wey E send to Israel pipol, wen E tok about di Good News wey dey give peace, thru Jesus Christ, di real Oga God.

Acts 20:28

Make una take kare of unasef and all di pipol wey di Holy Spirit don put under una, bikos na una bi di leaders for God church wey E buy with en only pikin blood.

Romans 8:32

True-true, if E let dem kill en own pikin for awa sins, den E go fit give us evritin wey wi ask from am free of sharge!

Romans 9:5

Awa grand-grand papa dem wey follow God waka before, na from dem dis pipol from kom. So I dey pray make dem praiz God wey dey rule evritin forever and ever! Amen.

1 Korintians 1:30

Una don bi Christ friends bikos of God and na thru Christ wi get wisdom, goodness and holiness wey kom from God;

1 Korintians 15:25

Christ go rule until e don put all en enemies under en pawa

2 Korintians 5:19

So, bikos of Christ, God dey turn di world from en enemy, to en friend. E nor dey kount pipol sins against dem and E don give us di message wey go make pipol bi en friend.

Deutronomi 10:17

Bikos di Oga una God na God of all gods and Oga of all ogas. Na en bi di great Oga God, di God wey dey do wonders, God wey nor dey do wayo and nobody fit bribe am.

Kolossians 2:3

Bikos all di wisdom and knowledge wey God get, E hide dem inside Christ.

1 Timoti 3:16

Wi know sey God ways dey great well-well: Christ kom as human being; di Spirit show sey e dey free; angels si am wen e kom prish among Gentile pipol; pipol bilive am for di world and God karry am go heaven with glory.

Titus 2:13

bikos wi dey wait for di day wen God sey Christ, wey bi awa God Almighty and Savior, go kom.

Hibru 1:8

but koncerning en pikin, E sey: “Yu bi God! Yor kingdom go dey forever and ever and yu go rule yor pipol with authority.

Hibru 13:20

God wey get peace, di Pesin wey use di everlastin kovenant blood bring awa Oga God Jesus Christ kom back from deat; awa Oga God wey dey look di sheep,

1 John 5:20

Wi know sey God Pikin don kom and e don give us sense to know di trut about God. And wi dey inside en Pikin Jesus Christ. Na-im bi di real God and na-im bi di life wey nor go end.

Revelashon 19:16

For en klot and lap, wetin dem rite put na: “King and Oga God wey big pass.”

Judges 13:18

Di angel ansa, “Why yu won know my name? My name too dey wonderful to undastand.”