Isaya 9:20 - Holy Bible Nigerian Pidgin English

²⁰ Dem attack dia neighbour from rite, but dem still dey hongry. Dem chop dia neighbour from left, but dem nor beleful. Dem even dey chop dia own shidren join.

Isaya 9:20 ပူးပေါင်းရင်းမြစ်များ

Ekklesiastes 4:5

Foolish pesin dey fold en hand and nor dey work, so e nor get anytin to chop, escept en own flesh.

Isaya 10:4

Una nor go get anywhere to go dan to knee down with prisonas or to sleep with doz wey dem don kill. And with all dis, God still dey vex and E dey ready to kill dem with en own hand.

Isaya 14:30

Na God dey guide and save poor pipol. But E go make honga kill Filistia pipol finish.

Isaya 3:1

Naw, di Oga God wey get pawa won remove evritin and anybody wey Jerusalem and Judah pipol dey depend on. E go still remove dia food, wota, guards,

Isaya 49:26

I go make pipol wey dey opress una, chop dia own flesh; dem go drink dia own blood like wine. Den evribody go know sey mi, wey bi God, na-im bi di Pesin wey save and free una. Dem go know sey, na mi bi di mighty God for Israel.”

Isaya 5:25

God dey vex for en pipol and E don ready to ponish dem. Mountins go shake and pipol wey die, dem go leave dia dead body for street like dirty. God vexnashon nor go end for der, but E go still ponish dem.

Isaya 51:19

Wahala don fall for una head; war don skata una land and una pipol dey hongry. E nor get anybody wey go sorry for una.

Isaya 8:21

Di pipol go dey waka anyhow for di land, dem nor go get hope and dem go dey hongry. So bikos of di honga and vexnashon, dem go look up kon curse dia king and God.

Isaya 8:22

Wen dem look groun, dem nor go si anytin escept trobol and darkness wey go make dem fear well-well and e nor go get how dem go take eskape.

Jeremaya 13:14

E go skata dem like pot wey fall press each oda kon break. Na so too shidren go bi to dia papa and mama. I nor go pity or sorry for dem. I must distroy dem and nor-tin go fit stop mi.”

Jeremaya 19:9

Wen dia enemies surround di town won kill dem, I go make dem chop dia shidren and dem go still chop each oda too.’ ”

Lamentashons 4:10

Wen dem distroy my pipol, even wimen wey love dia shidren, dey kook dem chop, bikos of honga.

Mikah 6:14

Even wen una chop, e nor go ever beleful una and una go still dey hongry like sey una neva chop at-all. Even doh una dey try to save money, e nor go mean anytin for di end. Una go save small, but I go gi-am to doz wey go distroy una.

Zekaraya 11:9

Den I tell di sheep sey, “I nor go bi una shepad again. So doz wey won die, make dem die and doz wey dem go distroy, make dem distroy dem. Doz wey remain, go distroy each oda.”

Mark 3:24

Any kingdom where pipol dey fight each oda, nor go fit stand.