Isaya 8:7 - Holy Bible Nigerian Pidgin English

⁷ mi wey bi God go bring kings and dia sojas kon attack Judah. Dem go kom like Eufrates River wey dey flow well-well.

Isaya 8:7 ပူးပေါင်းရင်းမြစ်များ

Jenesis 6:17

“I go make rain fall for di eart wey go distroy evritin wey get life under di sky. Evritin wey dey di eart go die,

2 Kings 19:32

“So dis na wetin God tok about Assyria king: “ ‘E nor go enter di town or shot one arrow against am. No soja go kom near di wall and nobody go build kamp near di town.

Ezra 4:10

with di pipol wey di great and pawaful Ashurbanipal karry from dia town go stay Samaria and West Eufrates aria.

Psalms 46:4

Di wota from di river dey bring joy kom God town; di special and holy place where di Holy One dey stay.

Psalms 72:8

Make di king rule from sea go rish sea and from Eufrates River go rish di end for di eart.

Isaya 10:16

Bikos of dis, Oga God wey get pawa go ponish en pipol with sickness. Yes! En glory go-go up like smoke.

Isaya 10:5

God sey, “I dey use Assyria pipol as weapon to take ponish pipol wey I dey vex for.

Isaya 11:15

God go divide Egypt pipol sea; E go wave en hand pass Eufrates River kon send one strong breeze, den E go turn am to seven small river wey don dry kon make pipol dey waka pass with ordinary leg.

Isaya 28:15

Bikos una dey boast sey una don follow deat and dead body enter agriment. Una dey sure sey wahala nor go near una wen e kom, bikos una bilive sey una lie-lie word go save una.

Isaya 28:17

Na justice dem go take measure di foundashon. And na trut dem go take build am.” Big-big stones go fall kon kill all di pipol wey dey lie well-well and wota go distroy all di place where dem tink sey dem dey save.

Isaya 28:2

Si! God dey send one strong pesin wey get pawa well-well kom attack una. Di pesin go kom like heavy rain kon attack and distroy una with una land.

Isaya 43:2

Wen una dey pass thru deep wota, I go dey with una. Una go fit handle any wahala wey kom una way. Wen una pass thru fire, e nor go burn una. Di temptashon wey go kom, nor go too hard for una.

Isaya 59:19

From east go rish west, evribody go fear en and en great pawa. E go kom like river wey dey rush well-well and like strong breeze wey dey blow.

Isaya 7:17

Time dey kom wen God go bring trobol kon give yu, yor pipol and all di royal family and e go bad pass anytin wey don happen since Israel kingdom separate from Judah and from Assyria king.

Isaya 7:20

Wen dat time rish, God go bring di pesin wey dey barber hair for Eufrates side, wey bi Assyria king and e go kut di hair wey dey una face, head and body komot.

Jeremaya 47:2

“Look! Wota dey boil for nort and e go rush kom like river wey dey flow. Dem go kover di land plus evribody and evritin wey dey der. Pipol go dey shaut for help and evribody for di eart go kry well-well.

Jeremaya 51:42

Di sea rush enter Babilon and naw e don kover di town.

Ezekiel 26:19

God wey get pawa sey: “I go make di town empty and nobody go stay der again. I go kover di town with wota from river.

Daniel 11:10

Siria king sons go dey ready to fight and dem go gada many sojas. One of dem go flow like wota kon attack dia enemies strong town.

Daniel 11:22

Anybody wey ask am kweshon about di High Priest, e go kill-am.

Daniel 9:26

“ ‘Afta di sixty-two weeks, di Pesin wey God choose, go die and nor-tin go remain. Di ruler wey get pawa pass, go bring sojas kom distroy di town and di temple. Di end go rush kom like wota; e go bring war and distroshon, just as God plan am.

Amos 8:8

So di eart go shake and evribody for di land, go sofa. Di whole kountry go shake; dem go raiz-up kon fall like Nile River for Egypt.

Amos 9:5

Oga God wey get pawa, tosh di eart and e shake; evribody wey dey stay der dey mourn and di whole world dey raiz and fall like Nile River.

Mikah 1:9

bikos my pipol sore too deep and e don even rish Judah too. Yes! E don rish Jerusalem gate.

Mikah 5:4

Wen e kom, e go lead di pipol with God strent, pawa and name. Den en pipol go stay for peace, bikos dem go dey honor am for evriwhere for di world.

Mikah 5:5

E go give us peace. Wen Assyria pipol kom attack and break enter awa town, wi go choose seven rulers wey go wosh ova us and eight priests wey go lead us.

Nahum 1:8

But E go use heavy rain take distroy en enemies finish kon porshu dem enter darkness.

Luke 6:48

E bi like man wey dey build house, wey dig groun kon lay di foundashon on-top strong rock. Wen big wota rush kom, e nor go fit shake di house, bikos dem build am for betta rock.

Revelashon 17:15

Den di angel kon tell mi, “Di wota wey yu si, wey di ashawo sidan on-top, na many pipol, tribe, kountry and language.