Isaya 66:4 - Holy Bible Nigerian Pidgin English

⁴ So, I go bring wahala and di tins wey dem dey fear, bikos wen I koll, nobody ansa and wen I dey tok to dem, nobody gri listin to mi. Evritin wey dem do dey make mi vex and dia ways nor bi my ways.”

Isaya 66:4 ပူးပေါင်းရင်းမြစ်များ

2 Kings 21:2

E nor gri obey God and e kon dey sin like di oda kountries wey God drive komot der.

2 Kings 21:6

E dey sakrifice en sons and dey do majik. E dig one pit where dem for dey koll dead body spirit kom out kon choose majik men make dem dey look am. Di bad-bad tins wey e do many well-well for God eye, so God kon dey vex.

Psalms 81:12

So I let dem do di tins wey dey hongry dem to do kon live dia life di way dem wont am.

Proverbs 1:24

I dey koll and invite una since, but una nor gri listin or hear mi.

Proverbs 10:24

Raitious pipol dey get wetin dem wont, but wetin wiked pipol dey get, na di tin wey dem fear pass.

Isaya 50:2

Why my pipol nor ansa wen I go meet dem sey I go save dem? Why dem nor ansa wen I koll dem? I nor get pawa rish to save dem? But I fit kommand di sea make e dry kon turn river to desert, so dat di fish dem go die.

Isaya 59:15

Trut nor dey awa mout again and di pesin wey nor dey won do evil, dem dey take en tins from am. God dey look and vex, bikos betta judgement nor dey una body.”

Isaya 59:7

Na only evil tins una dey plan to do. Una nor dey fear to kill innocent pipol. Anywhere wey una dey go, na only wahala una dey kause for der

Isaya 65:12

una go die yeye deat, bikos na so una wont am and una nor ansa wen I koll una or listin wen I tok to una. Una nor gri obey mi, instead una kon dey do wiked tins.

Isaya 65:2

I always dey ready to welkom my pipol wey dey sturbon, dey do wrong and dey go dia own way.

Isaya 65:3

Dem dey always make mi vex, as dem dey offa juju sakrifice inside di holy gardin kon burn incense for di stone altars.

Isaya 65:7

for dia sins and dia grand-grand papa own. Dem don burn incense for juju hills kon tok bad tins about mi. So I go ponish dem for wetin dem don do pass.”

Jeremaya 35:17

So, mi wey bi Israel God dey sey, ‘I go distroy Judah and Jerusalem pipol, even don I bin don promise dem good tins. I go do am, bikos una nor dey gri listin to anytin wey I tok and wen I koll una, una nor dey ansa.’ ”

Jeremaya 7:13

Una don do all dis tins and even as I tok to una rish, una nor gri listin or ansa wen I koll una make una turn kom meet mi.

Jeremaya 7:30

God sey, “I don rijet Judah pipol, bikos of di wiked tins wey dem do. Dia juju wey I hate, dem put am for my temple kon make di temple dirty.

Ezekiel 11:8

Shebi una dey fear swod? So, I go fight una with men wey karry swods.

Ezekiel 14:4

Naw, go tell dem wetin mi God wey get pawa dey tell dem: Israel pipol dey serve juju and dis juju don make dem dey sin; so if dem go ask any profet kweshon, na mi God go give dem di kind ansa wey good for dia many juju!

Ezekiel 20:25

Den I give dem wiked laws and kommand wey nor dey give life.

Matiu 24:24

Lie-lie messiahs and profets go kom do big-big mirakles take deceive pipol. If e possibol sef, dem go deceive pipol wey God choose.

1 Samuel 8:19

But di pipol still sey dem wont king. Dem nor gri listin to di warnin wey Samuel dey give dem.