Isaya 66:12 - Holy Bible Nigerian Pidgin English

¹² God sey, “I go make una prosper forever; all di nashon propaty go kom meet una like river wey nor dey dry. Una go bi like pikin wey en mama kare and karry for hand kon trit am with love.

Isaya 66:12 ပူးပေါင်းရင်းမြစ်များ

Isaya 14:2

Oda pipol go help Israel pipol kom back to dia land. Israel pipol go kom back to di land wey God give dem and pipol go serve dem. Den Israel pipol go opress doz wey bin katch dem kon rule di pipol wey bin sofa dem.

Isaya 26:3

Oga God, Yu dey guide and save pipol wey dey faithful, bikos dem trust Yu.

Isaya 33:21

True-true, God go rule for der as awa king. River wota go dey flow pass awa land. No war ship or big ship go drive pass am.

Isaya 45:14

God tell Israel pipol sey, “Egypt, Sudan and doz tall pipol for Seba with evritin wey dem get, go bi una own. Dem go waka follow una with shains for dia leg; bow for una kon beg dey sey, ‘True-true, God dey with una and e nor get anybody wey bi like am. Yes! E nor get any oda god.’ ”

Isaya 48:18

If to sey una just gri listin to my kommand, una peace for bi like river and una raitiousness for bi like wave for sea.

Isaya 54:13

Na only mi go tish una pipol and I go give dem peace kon make dem prosper.

Isaya 54:3

Una go spread go rite and left; una shidren-shidren go kover evriwhere kon stay for town wey dem don forget before.

Isaya 59:19

From east go rish west, evribody go fear en and en great pawa. E go kom like river wey dey rush well-well and like strong breeze wey dey blow.

Isaya 60:16

Nashons and kings go kare for una as mama dey kare for en pikin. Den, una go know sey, mi wey bi God, don save una. Israel God wey get pawa don free una.

Isaya 61:6

Dem go know una as God priests wey bi en savant. Una go enjoy di nashon propaty. Den una go dey proud sey na una own.

Isaya 66:11

Una go enjoy en propaty like pikin wey dey suck en mama breast. Una go drink beleful bikos of all di tins wey e get.”

Isaya 9:6

Bikos dem don born one pikin for us! God don give us boy pikin! E go bi awa ruler and dem go koll am, “Wonderful Advise, Mighty God, Everlastin Fada and di Prince wey bring peace.”

Isaya 9:7

En royal pawa go kontinue to grow. En kingdom go get peace forever. E go rule well like King David kon do betta tins with en pawa; e nor go opress pipol and E go rule from naw go rish wen di world go end. God Almighty go do all dis tins.

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Haggai 2:9

Di glory for dis new temple go big pass di old one and na for der I go for give my pipol peace and make dem prosper.” Dis na wetin Oga God, wey dey mighty, tok.