Isaya 65:23 - Holy Bible Nigerian Pidgin English

²³ Dem go susid for di work wey dem dey do and dia shidren nor go sofa. I go bless dem and dia shidren-shidren forever.

Isaya 65:23 ပူးပေါင်းရင်းမြစ်များ

Jenesis 12:2

“Den I go turn yu to one strong kountry kon bless yu. Yor name go dey great and yu go get betta blessing.

Jenesis 17:7

“I go keep my promise wey I make with yu and to yor shidren-shidren, di kovenant go always dey forever. I go bi yu and yor shidren God.

Job 21:8

Dem get shidren and grand-grand shidren and dem dey si as dia shidren dey grow.

Isaya 44:3

I go give una wota for dry land kon make wota flow pass where wota nor dey. I go put my Spirit for una shidren body kon bless una shidren-shidren.

Isaya 49:4

So I ansa, “I don work well-well, yet my work nor mean anytin! I use all my pawa, but I nor gain anytin.” But I still bilive sey, God go defend and reward mi for evritin wey I don do.

Isaya 55:2

Why una dey spend una money for wetin nor go beleful una? Why una dey spend una money wen una know sey hongry go still kill una? Make una listin and do wetin I tok, den una go enjoy di best food.

Isaya 61:9

Dem go know dem for all di nashons and anybody wey si dem, go know sey dis na pipol wey I bless.”

Isaya 66:22

God sey, “Just as di new eart and heaven wey I go make go dey with mi forever, na so too una name and una shidren-shidren name go dey with mi forever.

Ezekiel 36:29

I go save una from evritin wey make una dey spoil before. I go kommand food make e plenty, so dat una nor go hongry again.

Levitikus 26:20

All una hard work nor go do una good, bikos una land nor go produce food and di trees nor go bear fruit.

Levitikus 26:22

I go send wild animals among una and dem go kill una shidren; distroy una animal kon kill una pipol and di road go dey dry.

Levitikus 26:29

Una go dey hongry sotey una go dey chop una own shidren.

Haggai 1:6

Una plant many korn, but wetin una harvest, small. Una get food to chop, but e nor dey beleful una. Una get wine to drink, but e nor dey rish una! Even wen una wear many klot, e nor dey make una warm and pipol wey dey work, dia salari nor dey rish dem spend.

Haggai 2:19

Una korn, grapevines, fig trees, pomegranates and olive tree nor dey produce food since, but from naw go, I go bless una.”

Malakai 3:10

“Make una bring one out of evry ten tins wey una get kom my temple, so dat food go dey der. Den make una try mi, weda I nor go open heaven kon pour many-many blessings for una head.

Acts 2:39

Bikos dis promise na for una, all una pikin, pipol wey dey far place and all di pipol wey God go draw near ensef.”

Romans 4:16

Na dis one make God promise dey kom by faith and wi dey get am thru favor. Nor bi only pipol wey dey obey di law bi Abraham shidren, but pipol wey bilive God like Abraham, naim en shidren dem bi too, bikos na Abraham bi awa spiritual papa.

1 Korintians 15:58

So my friends, make una dey strong and nor let anytin shake una. Make una always dey do God work, bikos una know sey, evritin wey una do for God, get gain.

Galatians 3:29

And if e bi sey una bilong to Christ, den una bi Abraham shidren and pipol wey go inherit wetin God promise.