Isaya 63:10 - Holy Bible Nigerian Pidgin English

¹⁰ but dem fight against am kon make am vex. So God kon bi dia enemy and E fight against dem too.

Isaya 63:10 ပူးပေါင်းရင်းမြစ်များ

Jenesis 6:6

Oga God regret sey E make human being for dis eart and E kon dey vex.

2 Kronikles 12:2

Bikos dem nor dey follow God law again, for di fift year wey Rehoboam dey rule, King Shishak for Egypt kon attack Jerusalem.

Nehemaya 9:26

But with all dis tins, di pipol go against Yu. Dem nor gri obey Yu and dem turn from yor law. Dem kill di profets wey kom warn and tell dem to turn kom meet Yu. Dem curse Yu many-many times,

Nehemaya 9:29

Yu warn dem sey make dem obey wetin Yu tish, but dem rijet yor law bikos of pride and even doh yor law dey give life, dem nor gri obey am, bikos of dia strong head and sturbones.

Psalms 106:33

bikos dem make Moses vex and e kon dey tok like fool.

Psalms 107:11

bikos dem go against God word, dem nor gri listin to wetin di Most High God tok

Psalms 51:11

Nor drive mi komot from yor present or take yor holy spirit from mi.

Psalms 78:17

Yet dem still dey sin against am; dey disobey di Most High for di desert.

Psalms 78:21

Wen God hear dem, E vex well-well. Di fire from en vexnashon kon dey against en pipol. Yes! En vexnashon kon strong well-well,

Psalms 78:40

Dem sin against am many times for di wildaness kon make am vex for dat dry dirty land.

Psalms 78:49

E show dem en great vexnashon and anga. E send angels wey dey distroy tins go meet dem.

Psalms 78:56

But Israel pipol still dey test and sin against di Most High God and dem nor gri obey en laws.

Psalms 78:8

Dem nor go bi like dia grand-grand papa wey sturbon; pipol wey nor gri obey, listin or give dia heart to God.

Exodus 15:24

So di pipol bigin komplain give Moses sey, “Wetin wi go drink?”

Exodus 16:8

So Moses sey, “Wen God give una meat chop for evening and bread for morning, den una go know sey, E don hear all una komplain. Wetin wi bi sef? Una komplain nor bi against us, but na against God.”

Exodus 23:21

Make una listin and obey en vois; make una nor disobey am, bikos e nor go forgive una sins and e dey ansa my name too.

Exodus 32:8

Dem kwik-kwik turn komot from di way wey I kommand dem o-o! Dem melt gold take make melu for demsef and dem don dey bow and offa sakrifice to am sey, ‘Israel pipol, dis na awa god wey take us komot from Egypt.’ ”

Isaya 1:2

Heaven and eart, make una listin to wetin God tok: “Di shidren wey I train by mysef don turn against mi.

Isaya 63:11

Den di pipol remember as e bi before; dat time wen Moses take dem komot from Egypt, so dem ask, “Where di God wey save en pipol from di sea? Where di God wey give Moses en Spirit?

Isaya 65:2

I always dey ready to welkom my pipol wey dey sturbon, dey do wrong and dey go dia own way.

Jeremaya 21:5

Na with all my pawa, vexnashon and fire, I go take fight against yu.

Jeremaya 30:14

Doz wey love una, don forget una; dem nor kare about una again, bikos I don attack una like una enemy. Una ponishment go sirious well-well, bikos una wiked and don sin well-well.

Jeremaya 32:30

Dis tin go happen, bikos from di biginnin kon rish naw, Israel and Judah pipol don disobey and make mi vex, bikos of wetin dem do.

Lamentashons 1:18

Jerusalem sey, “God dey rite, bikos I go against en kommand. So pipol for evriwhere, make una listin kon si as I dey sofa! Dem don karry my shidren go Babilon as slave.

Lamentashons 1:20

So my God, make Yu si as I dey sofa! My heart dey kry, bikos of my sins. Dem dey kill pipol for di street and even deat dey inside house too dey wait mi.

Ezekiel 16:43

“Since yu don forget how I kare for yu wen yu bi small pikin and yu don make bi vex with all di tins wey yu dey do, I must pay yu back for all dis bad tins. But, wetin make yu dey do ashawo join di bad-bad tins wey yu do?” God wey get pawa don tok.

Ezekiel 2:3

E sey, “Man pikin, I dey send yu go meet Israel pipol, bikos dem don turn from mi and still dey do bad tins, just as dia grand-grand papa do.

Ezekiel 2:7

Yu go tell dem evritin wey I sey make yu tok, weda dem listin or not, bikos I know sey dem sturbon well-well.

Ezekiel 20:13

“But even as dem dey wildaness, dem rijet mi. Dem break my laws kon rijet my kommand wey dey give life to doz wey dey obey am. Dem distroy di Sabat finish. Wen dem dey di wildaness, I dey ready to make dem feel as my vexnashon strong rish.

Ezekiel 20:21

“But dat generashon still rijet mi. Dem break my laws and dem nor gri keep my kommand wey dey give life to doz wey obey am. Dem distroy di Sabat finish. So, I dey ready to make dem feel as my vexnashon strong rish and I like to kill all of dem as dem dey di wildaness,

Ezekiel 20:8

But dem rijet mi and nor gri listin to mi. Dem nor gri trowey dia juju or stop to woship Egypt gods and naw, I dey ready to make dem feel as my vexnashon strong rish.

Ezekiel 6:9

where dem go for bi strenja. Dat time, dem go remember kon know sey I don ponish and disgrace dem, bikos dia heart rijet mi and dem kon decide to serve juju. Dem go hate demsef, bikos of di bad and wiked tins wey dem don do.

Matiu 22:7

Di king vex well-well kon send en sojas make dem go kill di pipol wey kill en savants and make dem burn evritin for dia town.

Acts 7:42

“God leave dem make dem woship stars to make wetin Profet Amos tok, happen sey, ‘Israel pipol, una tink sey na mi una dey serve wen una dey sakrifice animal for inside wildaness for forty years?’

Acts 7:51

“Si how una sturbon! Just as una grand-grand papa dem bi, na so una still bi too, bikos una don make una heart strong to disobey God!

Efesians 4:30

Make una nor do wetin go make di Holy Spirit vex. Bikos na di Holy Spirit bi di mark wey God put for una body, so dat for judgement day, E go know doz wey E go save.

Deutronomi 1:26

Una nor ready to go, instead una kon dey tok against di Oga awa God kommand.

Deutronomi 9:7

Make una remember and nor ever forget how una make di Oga una God vex for di wildaness. From di day wey una komot Egypt kon rish naw, una dey always sin against God.

Joshua 22:15

Dem kon go Gilead land go meet Reuben tribe, Gad tribe and half of Manasseh tribe kon tell dem: