Isaya 62:9 - Holy Bible Nigerian Pidgin English

⁹ But una wey plant and harvest di korn, go chop di bread kon praiz God. Una wey gada di grapes, go drink di wine for my temple yard.”

Isaya 62:9 ပူးပေါင်းရင်းမြစ်များ

Isaya 55:2

Why una dey spend una money for wetin nor go beleful una? Why una dey spend una money wen una know sey hongry go still kill una? Make una listin and do wetin I tok, den una go enjoy di best food.

Isaya 65:13

I dey tell una sey, doz wey woship and obey mi, go get plenty food to chop and drink, but food and wota go hongry una wey dey disobey mi. My pipol go dey happy, but na disgrace go follow doz wey dey disobey mi.

Isaya 65:21

My pipol go build house kon stay inside. Dem go plant vine kon enjoy di fruit and di wine.

Isaya 65:22

Anoda pesin nor go stay inside di house wey dem build and odas wey nor plant, nor go drink di wine wey my pipol make, bikos my pipol go get long life like tree and dem go enjoy evritin wey dem work for.

Jeremaya 31:5

Una go plant vineyard on-top Samaria hill again and di pipol wey plant dem, go chop from dem.

Ezekiel 40:14

Pesin fit pass di ending room go where di kourt dey. E measure dat room and e high rish hundred fit.

Joel 2:26

Una go get plenty food to chop kon beleful. Una go praiz di Oga una God wey don do many wonderful tins for una and nobody go laf my pipol again.

Zekaraya 3:7

“God wey dey mighty sey, ‘If yu obey my laws kon keep my kommands, na yu go bi oga for my temple and for my kourt and I go add yu join all dis angels wey dey my side naw.’

Deutronomi 12:12

For der, una must celebrate for di Oga una God present, with all una shidren, savants and Levi shidren wey dey stay una town, (bikos dem nor get land or propaty among una).

Deutronomi 12:7

For der, una with una family go chop for di Oga una God present and una go happy for evritin wey una get, bikos di Oga una God don bless una.

Deutronomi 16:11

Dis na time to celebrate before di Oga una God for di place wey dem for dey woship am; di place wey E choose sey make dem honor en name. Make una celebrate with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die wey dey stay with una.

Deutronomi 16:14

Wen una dey celebrate dis feast, make una happy with una shidren, all una savants, Levi pipol for una town, strenjas, shidren wey nor get papa and mama again and wimen wey dia husband don die, wey dey stay with una.