Isaya 62:1 - Holy Bible Nigerian Pidgin English

¹ I nor go rest bikos of Zion and bikos of Jerusalem I nor go kwayet until en raitiousness go shine kom out like morning lite and en salvashon like tosh wey dey shine well-well.

Isaya 62:1 ပူးပေါင်းရင်းမြစ်များ

Psalms 137:6

If I nor remember Yu again or si Jerusalem as where my joy from dey kom, make my tongue gum my mout.

Psalms 51:18

My God, make Yu look Zion with favor kon help am; make Yu ribuild Jerusalem walls again.

Proverbs 4:18

Raitious pipol ways bi like sun for morning wey dey shine well-well go rish evening.

Isaya 26:2

Make una open di town gates, so dat di nashon wey dey faithful; wey en pipol dey do wetin dey rite, go fit enter.

Isaya 46:13

I dey kom judge and diliver my pipol. E nor go tey again and di time to save dem don near. I go save Jerusalem kon honor Israel pipol.”

Isaya 48:18

If to sey una just gri listin to my kommand, una peace for bi like river and una raitiousness for bi like wave for sea.

Isaya 51:9

Oga God, make Yu raiz-up kon help us! Save us with yor pawa. Make Yu use yor pawa, just as Yu dey do before. Di monsta wey dem dey koll Rahab wey dey di sea, na Yu kut am to pieces.

Isaya 52:10

God go use en holy pawa take save en pipol and di whole world go si am.

Isaya 54:14

Na raitiousness go make una strong. Una go dey save from pipol wey dey opress una and from doz wey dey kause wahala.

Isaya 58:8

Den my favor go shine for una body like morning sun and una sore go kwik heal. I go always dey to save una and my present go protet una for evriwhere.’

Isaya 60:1

Jerusalem pipol, make una raiz and shine like sun, bikos God glory dey shine on-top una!

Isaya 60:2

Even wen darkness kover evry oda nashon, God lite go shine on una own and en present wey brite well-well, go dey with una.

Jeremaya 33:9

Jerusalem go bring joy, honor and pride for mi and all di nashons for di world go fear wen dem hear about di good tins wey I go do for Jerusalem pipol and how I go make dia town prosper.”

Mikah 4:2

Pipol from many nashons go kom and dem go sey, “Make una kom make wi go di Oga mountin wey bi Jakob God house, so dat E go tish us en laws and wi go do evritin just as E wont am.” Nor bi only di pipol for Zion and Jerusalem go hear God word, but oda nashons go hear am too.

Zekaraya 2:12

Judah go bi God special propaty for en holy land again, den Jerusalem go bi di town wey God choose.

Matiu 5:16

Like dat too, make yor lite shine well-well for where pipol dey, so dat dem go si di good tins wey yu dey do, wey go make dem praiz yor Papa wey dey heaven.”

Luke 10:2

E tell dem, “Di fruit wey dem won plok, plenty, but pipol wey go plok dem, nor plenty rish. Make una pray make di Oga God wey get di farm send workers kon gada en fruit.

2 Tesalonians 3:1

Finally, my brodas and sistas, make una pray for us, so dat Christ message go kontinue to spread kon get glory just as e really get among una.

Hibru 7:25

So, di pipol wey Jesus take go meet God, e go save dem for forever and ever, bikos e dey alive to pray for dem.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.