Isaya 61:8 - Holy Bible Nigerian Pidgin English

⁸ God sey, “I like betta judgement, but I hate opreshon and wahala. I go dey faithful to reward my pipol and make kovenant wey go last with dem.

Isaya 61:8 ပူးပေါင်းရင်းမြစ်များ

Jenesis 17:7

“I go keep my promise wey I make with yu and to yor shidren-shidren, di kovenant go always dey forever. I go bi yu and yor shidren God.

2 Samuel 23:5

Na so God go take bless my shidren-shidren, bikos E don make kovenant wey go last forever with mi: agriment wey nor dey break and promise wey nor dey shange. Na wetin go give mi viktory bi dat and God go make am happen.

Psalms 105:10

E give di promise to Jakob, just as E kommand and for Israel pipol, na kovenant wey nor dey end, bikos E sey:

Psalms 11:7

God dey good and E dey judge well; so E go favor doz wey dey do good too.

Psalms 32:8

God sey, “I go guide and take yu pass di best road for life. I go advise and wosh ova yu.

Psalms 33:5

E love anytin wey dey rite and good; God love wey nor dey fail, full di eart.

Psalms 37:28

Bikos God like to dey judge well and E nor go ever leave doz wey dey fear am.

Psalms 45:7

Yu love wetin dey rite kon hate wiked tins. So Oga wey bi yor God don anoint yu as E pour en oil for yor head kon make yu high pass any oda pesin.

Psalms 50:5

E sey, “Make una bring my pipol wey dey obey mi kom, doz wey make kovenant with mi with dia sakrifice.

Psalms 62:10

So, make yu nor trust wetin yu get thru opreshon! Nor put hope for wetin yu tif! If yor money many, make yu nor too happy.

Psalms 99:4

Di king dey strong; E love to judge well. God dey make sure sey dem judge evry kase well. Na Yu make betta judgement and raitiousness dey for Israel land.

Proverbs 3:6

Always dey remember God kommand for anytin wey yu dey do, den E go show yu di korrect way.

Proverbs 8:20

I dey follow korrect judgement and I always dey do wetin dey rite,

Isaya 28:17

Na justice dem go take measure di foundashon. And na trut dem go take build am.” Big-big stones go fall kon kill all di pipol wey dey lie well-well and wota go distroy all di place where dem tink sey dem dey save.

Isaya 30:18

Bikos of dis, God dey ready to pity for en pipol; E sidan for en throne and E dey ready to forgive una. True-true, God dey good and evribody wey get faith and dey wait am, go happy well-well.

Isaya 5:16

Wen God wey dey lead heaven sojas don ponish dis pipol, dem go praiz am and afta E don judge all of dem, evribody go know sey Oga God get pawa well-well.

Isaya 54:10

Even doh di mountins and hills go skata, di love wey I get for una, nor go ever end. I go keep my peace and promise forever.” Na God wey love una, tok all dis tins.

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

Isaya 56:1

God dey tell en pipol, “Make una do wetin dey good and korrect, bikos I go soon kom save una.

Isaya 66:22

God sey, “Just as di new eart and heaven wey I go make go dey with mi forever, na so too una name and una shidren-shidren name go dey with mi forever.

Jeremaya 32:40

I go make kovenant wey nor dey end with dem sey I nor go ever stop to do good tins for dem and I go make dem fear mi with all dia heart, so dat dem nor go turn leave mi again.

Jeremaya 9:24

If anybody won boast, make e boast sey e know and undastand mi, bikos my love dey forever and I dey do wetin dey korrect and true. I like pipol wey dey do dis kind tin. Mi, wey bi God, don tok.”

Ezekiel 16:60

But I go still do di kovenant wey I make with yu wen yu dey small. I go make kovenant with yu wey go last forever.

Ezekiel 34:25

“I go make kovenant wey go guide and protet dem. I go distroy all di wiked animals for di land, so dat my sheep go fit stay for peace as dem dey di field and forest.

Malakai 1:13

Una sey, ‘Si! E too hard to serve God!’ So una nor gri obey my kommand again. Naw, make una tink am sef, e good as una dey bring animal wey una tif; di ones wey dia leg break or wey dey sick, kom give mi as sakrifice? Una tink sey I go asept am from una?

Matiu 23:13

“But e go bad for una wey dey tish di law and una Farisee pipol, una wey dey pritend! Una klose door make pipol nor for fit enter God Kingdom! Unasef nor won enter and una nor won make odas enter.

2 Tesalonians 3:5

I pray make God guide una heart to undastand en love more-more, so dat una go get Christ patient.