Isaya 6:11 - Holy Bible Nigerian Pidgin English

¹¹ I kon ask, “Oga God, how long dis tins go take happen?” E ansa, “Na till di town skata finish and nor-tin go dey inside again. Till nobody dey stay di house and na until di land don turn where dem dey trow dirty put.

Isaya 6:11 ပူးပေါင်းရင်းမြစ်များ

Psalms 74:10

So God, na how long e go take before Yu go stop awa enemies wey dey curse us? Yu go let dem take yor name make yeye forever?

Psalms 79:5

My God, na how long Yu go dey vex with us? Na forever? Na how long yor vexnashon go dey burn like fire?

Psalms 90:13

My God, make Yu kom back to us! Na how long wi go dey sofa like dis? Make Yu kom sorry for yor savants!

Psalms 94:3

My God, na wen Yu won take judge wiked pipol? Na how long wiked pipol go dey celebrate?

Isaya 1:7

Una land don skata and fire don burn una towns finish. For una front, strenjas dey distroy una plants kon skata evritin wey dem si.

Isaya 13:12

Just as pure gold nor plenty, na so too di pipol wey go survive, nor go plenty.

Isaya 3:26

Den Zion pipol go sidan for groun dey kry and mourn, bikos of dia pipol wey die.

Isaya 3:8

Yes! Jerusalem pipol own don finish and Judah town don dey fall! Evritin wey dem dey tok and do, dey make God vex, bikos dem dey oppoz God law.

Isaya 32:14

Bikos dem don run leave dia strong town. Di town wey pipol bin full don turn empty place. Nobody dey stay dia hill and towas again and naw, na der wiked donkey and sheep dey for chop grass.

Isaya 35:1

Make di desert and doz dry aria, happy. Make di wildaness happy kon grow well like lily flower!

Isaya 5:9

God wey dey lead heaven sojas sey, “One day, all dis big fine house go skata and nobody go stay inside again.”

Isaya 60:15

Dem nor go hate and look down on una again. Una town wey dem skata and distroy, I go make am great and beautiful and joy go dey der forever and ever.

Isaya 64:10

Yor holy towns bi like desert na; Jerusalem na desert wey don skata

Jeremaya 22:6

“Even doh Judah royal palis fine like Gilead land and Mount Lebanon, I go turn am to desert and pipol nor go stay der again.

Jeremaya 4:7

Just like lion wey kom out from where e hide put, na so too di pesin wey dey distroy nashons go kom out. E dey kom distroy Judah: di town go skata finish and nobody go stay der again.”

Jeremaya 44:2

Israel God wey dey mighty sey, “Yu yorsef don si di way I take distroy Jerusalem and all di oda towns wey dey Judah. Dia town still skata and dem nor get hope again,

Jeremaya 52:27

So Babilon king kill all of dem for Riblah wey dey Hamat land. So dem karry Judah pipol komot from dia own land go Babilon.

Ezekiel 6:6

I go distroy all di towns for Israel kon skata dia juju and en altars, den evritin wey dem make, go disappear.

Daniel 8:13

Den I hear one angel dey ask anoda one sey, “How long dis tin wey dey happen for dis vishon go kontinue? Dis wiked tin wey dem dey do go replace di sakrifice wey dem dey do evriday? How long di sojas wey dey heaven and di temple go dey under en leg?”

Levitikus 26:31

I go distroy una towns kon skata di place where una for dey woship and I nor go asept una sakrifice.

Levitikus 26:33

I go make war happen to una and I go skata una go strenj land. Nobody go dey di land and I go distroy una towns.

Mikah 2:4

Wen dat time rish, pipol go use una as song take esplain how wahala bi and dem go use una wahala take dey sing sey: “Awa own don finish kpata-kpata! God distroy, take awa land from us kon gi-am to awa enemies.”

Mikah 5:11

I go skata una wall kon distroy una pawa.

Mikah 6:13

So, I go wound una! I go distroy una, bikos of all di sin wey una don kommit.

Mikah 7:13

But di land go still dey empty and dirty go full am, bikos of di wiked tins wey doz wey dey stay der before, don do.

Deutronomi 28:62

Even doh una many like di stars for sky, na only some of una go remain, bikos una nor gri listin to God.

Deutronomi 28:63

Just as e sweet God to prosper and make una plenty, na so too God go dey happy to distroy una. “E go remove una from di land wey una won enter go stay,