Isaya 59:10 - Holy Bible Nigerian Pidgin English

¹⁰ and wi dey waka anyhow like blind pipol. Wi dey fall for aftanoon and for nite; e bi like sey wi dey dark world, for where dead pipol dey.

Isaya 59:10 ပူးပေါင်းရင်းမြစ်များ

Job 5:14

Dem dey waka for darkness for day time. For aftanoon, dem dey waka dey find road like sey dem dey darkness.

Proverbs 4:19

But wiked pipol road dark well-well; dem go fall and dem nor go si wetin make dem fall.

Isaya 28:13

So God word nor make sense at-all to dem and na dis go make dem fall wen dem try to waka. Yes! Dem go fall for trap kon wound and dia enemies go karry dem go as prisonas.

Isaya 8:14

Bikos I dey holy; I bi like stone wey dey fall pipol and rock wey dey make pipol stagga. Yes! I bi like trap wey go katch pipol for Jerusalem.

Isaya 8:15

Di stone and bricks go make many pipol stagga and fall and dem go wound well-well and di trap go katch dem.”

Jeremaya 13:16

Make una respet di Oga una God, before E go bring darkness wey go make una kick stone fall on-top mountins! Make una respet am, before E go turn una lite to darkness.

Lamentashons 3:6

Even doh I neva die, E beri mi for darkness like pesin wey don die.

Lamentashons 4:14

Dem dey waka anyhow for di street like sey dem nor dey si; dis na bikos dem don stain diasef with blood and naw, pipol nor fit tosh dem again.

Ezekiel 21:15

E dey make my pipol heart melt and doz wey go die go many well-well. My swod dey wait for all di gates, e dey shine well-well and e dey ready to kill.

Amos 8:9

For dat day, I go make di sun vanish for aftanoon and darkness go dey di eart for day time.” Oga God don tok.

Mikah 3:6

So, na only darkness una go dey si and una nor go get any vishon. Darkness go kover una kon end evry hope wey una get. Sun nor go shine for una profets head again a nd una life go end like dat.

John 12:35

Jesus ansa dem, “My lite nor go dey with una tey. Naw wen di lite dey, make una take am waka, so dat darkness nor go kover una. Bikos di pesin wey dey waka for darkness, nor dey si where e dey go.

John 12:40

“God don blind dia eye and make dia heart strong like stone, so dat dem nor go si with dia eye and undastand with dia heart, so dem nor go fit kom meet mi, make I for heal dem.”

Deutronomi 28:29

For aftanoon, una go dey find road to pass like blind pipol and doz wey dey darkness and una go dey fail for evritin wey una dey do. Pipol go always dey tif una tin and opress una and nobody go save una.

1 John 2:11

But di one wey hate en broda or sista for Christ, dey for darkness and e nor know where e dey go, bikos darkness don blind en eye.