Isaya 58:7 - Holy Bible Nigerian Pidgin English

⁷ Make una share una food with pipol wey dey hongry kon open una door for poor pipol wey nor get house. Den give klot to pipol wey nor get anytin to wear and help una own rilashons.

Isaya 58:7 ပူးပေါင်းရင်းမြစ်များ

Jenesis 19:14

Den Lot go tell di men wey won marry en dotas sey, “Make una kwik-kwik komot from dis town, bikos God won distroy am!” But dem tink sey Lot dey lie for dem.

Jenesis 19:2

E kon sey, “Una my oga! Abeg, make una kom enter una savant house. Make una wosh una legs and na here una go sleep dis nite. Den tumoro morning, una fit kontinue una journey.” Di angels kon sey, “No! Wi go sleep for di town centre.”

2 Kronikles 28:15

Dem tell some men make dem find klot from di tins wey dem karry kon give di prisonas wey naked. So dem give dem klot, shoe, food, drink and oil wey dem go take rub dia body. Di ones wey nor fit waka, dem put dem on-top donkey. Dem bring dem back to Jeriko, di Palm Tree Town, den dem kon go back to Samaria.

Nehemaya 5:5

Wi bi Jew pipol too, awa shidren bi like dia own shidren. But wi sell awa shidren as slave give dem. Dem don sell some among awa dotas as slave. Wi nor get pawa or who go help us, bikos dem don take awa farms and vineyards from us.”

Job 22:7

Pipol wey don taya to work, yu nor agri give dem wota drink and wen dem dey hongry, yu nor give dem food chop.

Psalms 112:9

Dem dey share and give wetin dem get to poor pipol for free. Pipol go always remember dia good work forever. Dis kind pipol, go get respet and honor.

Proverbs 11:17

Pesin wey good dey gain favor for ensef; but wiked pipol dey bring trobol for diasef.

Proverbs 22:9

Do good and share yor food with poor pipol, den God go bless yu.

Proverbs 24:11

Kwik save doz wey dem won kill for wetin dem nor do.

Proverbs 25:21

If yor enemy dey hongry, make yu gi-am food chop and if e dey thirsty, make yu gi-am wota drink,

Proverbs 28:27

Make yu dey always give tins to poor pipol and yu nor go ever lack, but if yu nor dey sorry for poor pipol, dem go curse yu.

Isaya 58:10

if una give food to pipol wey dey hongry kon satisfy doz wey nor get, di darkness wey dey round una, go brite like aftanoon sun.

Jeremaya 22:3

Dis na wetin God tok: “Make una do wetin dey good and korrect. Make una protet pesin wey dem dey opress from who dey opress am. Make una nor trit or opress strenjas; doz wey nor get papa and mama or wimen wey dia husband don die and make una nor kill innocent pipol for dis land.

Ezekiel 18:16

opress or tif from pipol. Dey riton wetin pesin gi-am to take borrow money. Dey feed pipol wey dey hongry kon give klot to doz wey dey naked

Ezekiel 18:7

Pesin wey nor dey play pipol wayo or tif from pipol. Anytin wey pesin gi-am, so dat e go borrow di pesin money, e dey riton am give di pesin; e dey give food to pipol wey dey hongry and doz wey dey naked, e dey give dem klot wear.

Daniel 4:27

So, my king! Make yu follow my advise. Make yu turn from sin kom meet God; dey do good and sorry for poor pipol. Den yu go kontinue to prosper.”

Luke 11:41

But make una from una heart give to pipol wey nor get, so dat evritin go dey klean for una.

Luke 19:8

But Zakius stop kon tell Jesus, “Oga God si, I go give half of wetin I get to poor pipol and evribody wey I don shit before, I go pay am back four times!”

Luke 3:11

John ansa dem, “Di pesin wey get two klot must give one to pesin wey nor get at-all and di pesin wey get food must share with pesin wey nor get.”

Acts 16:15

Afta en and en family don baptize, e kon beg us sey, “If una don asept mi as pesin wey bilive Christ, make una kon stay for my house.” So e beg us until wi gri.

Acts 16:34

Di warda bring dem enter en house kon put food for tabol make dem chop. E happy well-well sey en and en family don bilive God.

Romans 12:13

Make una give food to God pipol wey dey hongry and make una dey welkom dem for una house.

Deutronomi 22:1

Wen una si una neighbour animal dey waka lost, make una nor trowey una eye; una must riton am go give di owner.

1 Timoti 5:10

Evribody go know am for di good work wey e dey do sey: e don train shidren; dey welkom strenjas; dey serve God pipol; dey help doz wey nor get and e dey do difren good work.

Filemon 1:7

I get joy and my heart dey strong bikos of yor love and thru yu, all God pipol heart don strong too.

Judges 9:2

make dem ask Shekem men sey, “Wetin make una wont make Gideon 70 shidren rule una, wen e bi sey only one man fit rule una? Make una remember sey, Abimelek na una own flesh and blood o-o.”