Isaya 58:13 - Holy Bible Nigerian Pidgin English

¹³ God sey, “If una keep di Sabat Day holy and una nor run follow wetin una wont dat day; if una value my holy day and honor am and una nor travel, work or tok yeye word for dat day,

Isaya 58:13 ပူးပေါင်းရင်းမြစ်များ

Psalms 122:1

I happy well-well wen dem sey, “Make wi go God house.”

Psalms 27:4

Na only one tin I ask from God and dat na wetin I wont! Na make I stay for God house forever, so dat I go dey si en mighty works kon always dey happy for inside en temple.

Psalms 42:4

I start to kry wen I remember as tins bi before! Den I dey waka with doz wey dey woship God; dey lead many pipol go God house and wi dey happy as wi dey sing and dey tank am as wi dey celebrate!

Psalms 84:10

Only one day for yor house betta pass one tazon years for anoda place! E betta make I bi gateman for God house dan to dey enjoy life for wiked pipol house.

Psalms 84:2

I really love to dey di kourt wey dey God temple. My heart and my whole body dey shaut for joy, bikos of God wey dey alive.

Exodus 35:2

Una fit work for six days, but for di sevent day wey dey holy to una, na Sabat Day wen una go to take rest and woship God. Anybody wey work, go die.

Exodus 35:3

Nobody must lite fire for en house for di Sabat Day.”

Isaya 55:8

God sey, “I nor dey tink as una dey tink and una ways difren from my own.

Isaya 59:13

Wi don fight, rijet and refuse to follow Yu. Wi opress odas kon turn from Yu. All wetin wi dey tok and tink, na lie dem bi.

Ezekiel 44:24

“Wen any kase dey kourt, na di priests go judge am akordin to my law. Dem go make sure sey dem kontinue di festival akordin to my rules and laws and dem must keep di Sabat Day holy.

Levitikus 19:3

Each of una must respet en papa and mama and una must keep my laws. Na mi bi Oga una God.

Revelashon 1:10

On Sunday, God Spirit kon dey kontrol mi and from my back, I kon hear one loud vois like trumpet dey sey,