Isaya 57:15 - Holy Bible Nigerian Pidgin English

¹⁵ Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 57:15 ပူးပေါင်းရင်းမြစ်များ

Jenesis 21:33

Den Abraham plant tamarisk tree for Beersheba and e woship di Oga God wey bi di God forever for der.

1 Kings 8:27

My Oga God nor dey really stay dis eart! If evriwhere for di sky and di heavens wey high pass nor fit kontain Yu, den how dis temple wey I build go bi to Yu?

2 Kronikles 34:27

and yu kom turn from sin kom meet mi, as yu tear yor klot dey kry wen yu hear sey I won ponish Jerusalem with en pipol. I don hear una prayer.

Job 22:29

God dey save pipol wey dey honbol, but doz wey feel sey dem wise, E dey disgrace dem.

Job 6:10

Aldo I get mind with dis sey: Even with all di pains wey I get, I neva ever go against God word.

Psalms 111:9

E diliver en pipol kon make sure sey en kovenant go dey forever. Make una si as en name dey holy and big!

Psalms 115:3

Awa God dey for heaven and E dey do wetin E like.

Psalms 123:1

My God wey dey heaven, na Yu I dey depend on.

Psalms 138:6

Even doh God dey great, E dey kare for di pipol wey dey honbol demsef, but doz wey dey karry body up, e dey give dem shance.

Psalms 138:7

Even doh trobol gada round mi, Yu still kom save mi. Yu protet mi from my enemies wey dey vex for mi and yor rite hand kon save mi.

Psalms 147:3

E heal pipol wey dia heart don break kon trit dia sore.

Psalms 34:18

Pipol wey nor get hope, God dey-dey near dem; E dey save doz wey dia spirit dey die.

Psalms 34:19

Pipol wey dey do wetin dey rite, dey face trobol well-well, but God go save dem from all dia wahala.

Psalms 51:17

Di sakrifice wey Yu wont, na spirit wey dey honbol and dey obey Yu. My God, Yu nor go rijet pesin wey honbol and turn from en sin kom meet Yu.

Psalms 51:19

Den Yu go asept di sakrifice wey dem go offa with betta spirit; di burnt and di full ofrins. Den pipol go offa melu as sakrifice, for yor altar again.

Psalms 83:18

Den dem go know sey na only Yu bi God, di Pesin wey get pawa pass for di whole world.

Psalms 90:2

Yu bi God wey nor dey die! Even before Yu kreate di mountins and di whole world, Yu don dey.

Psalms 93:2

My God, yor throne don dey even before Yu kreate di world. Yu yorsef, don dey forever and ever.

Psalms 97:9

Yu, God get pawa pass evritin for dis world; so dem go praiz Yu pass any oda god.

Psalms 99:3

So, make wi praiz God great and wonderful name, bikos E dey holy!

Exodus 15:11

My Oga God! Who bi like Yu among oda gods? Who bi like Yu? Di One wey dey holy, wey dey do mirakles and great tins?

Exodus 15:13

With yor true love, Yu go lead di pipol wey Yu save and with yor pawa, Yu go show dem di way to yor holy land.

Exodus 15:18

God go reign forever and ever!

Exodus 40:34

Den di kloud kover di tent where dem for dey do meetin and God glory kon full inside di Tabanako.

Exodus 40:35

Moses nor fit enter di tent where dem for dey do meetin, bikos di kloud rest on-top am and God glory kover di Tabanako.

Proverbs 16:19

E betta make yu dey honbol and poor, dan to join pipol wey dey karry body up kon follow dem share di propaty wey dem tif.

Proverbs 8:23

God kreate mi before di world start. Na mi E first give life to.

Isaya 18:4

bikos dis na wetin God tell mi, “Just as dew dey form for nite wen harvest time rish and as sun dey shine for day time kon make evriwhere hot, na so too I go kwayet dey look una from heaven where I dey stay.

Isaya 33:5

God dey great well-well! Yes, E dey stay for heaven. E dey judge Jerusalem pipol well-well.

Isaya 40:28

Una nor know? Una neva hear? God go dey forever. Na-im kreate di whole world. E nor dey taya or weak. Nobody fit undastand wetin E dey tink.

Isaya 52:13

God sey, “My savant go get wetin e dey find; dem go honor am well-well.

Isaya 6:1

For di year wen King Uzzaya die, I kon si vishon as God sidan for en throne wey get glory for heaven and en klot kover di temple.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Isaya 63:15

Oga God! Make Yu look us from heaven, yor holy place where Yu dey stay wey get glory. Where yor pawa and strong mind dey? Where yor love and mesi dey? Make Yu nor leave us at-all.

Jeremaya 10:10

But na only Yu Oga, bi di true God. Di God wey dey alive and Yu go rule forever. Anytime Yu dey vex, di world dey shake and nobody fit stand wen Yu dey vex.

Lamentashons 3:41

Make wi lift awa hand and heart to God for heaven kon sey,

Ezekiel 16:63

I go forgive yu all di bad tins wey yu don do, but wen yu remember dem, shame nor go let yu open yor mout.” God wey get pawa don tok.

Ezekiel 9:4

“Make yu pass thru evriwhere for Jerusalem kon mark di pipol front head; pipol wey dey face trobol and wahala, bikos of all di bad tins wey dey happen for di town.”

Daniel 2:11

Wetin di king dey ask for, nor dey eazy. Nobody for dis world fit tok di king dream escept di gods, but gods nor dey stay with human being!”

Daniel 4:17

Dis na di decision wey di angel make. So, make evribody wey dey di world know sey di Most High God get pawa ova evry kingdom and E dey gi-am to anybody wey E choose! Even to di pipol wey small pass!’

Daniel 4:34

But wen di seven years don pass, mi, Nebukadnezzar kon look heaven and my sense kom back to mi. I praiz di Most High God kon give honor and glory to di Pesin wey dey live forever and en kingdom go last forever.

Joel 2:13

Nor bi just to tear una klot, but make una heart show sey una don turn from sin kom meet mi.” Make una kom back kon meet di Oga wey bi una God. E dey kind and dey show mesi; E dey patient and dey keep en promise; E always dey ready to forgive and nor bi to ponish pipol.

Mikah 5:2

But yu, Betlehem Efrat yu bi one small town for Judah. But na from yu di pesin wey go rule Israel go from kom and en family dey among Israel pipol since.

Mikah 6:8

No! My pipol, God don tell una wetin dey good and wetin E wont from una, na to dey do wetin dey rite; show love; dey obey and respet am.

Zekaraya 2:13

So, make evribody kwayet for God present, bikos E dey kom from en holy place.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Matiu 6:9

“So make una pray like dis: “ ‘Awa Papa wey dey for heaven, wi praiz yor name,

Luke 1:49

bikos E don do big-big tins for mi and en name dey holy.

Luke 4:18

“God Spirit dey my body, bikos E don anoint mi make I prish Good News give poor pipol. E send mi make I prish freedom give pipol wey dey prison and make blind pipol for si. E still sey make I free doz wey dem dey opress

Acts 3:14

Una sey una nor wont Jesus Christ, di holy and Raitious Pesin, instead una sey make dem release anoda pesin wey dey kill pipol give una.

Romans 1:20

From di time wen God kreate di world, E don show us di tins wey ordinary eye nor dey fit si; E show us en pawa and life thru di tins wey E kreate. So wiked pipol nor get eskuse at-all.

2 Korintians 1:4

E dey help us wen wi dey trobol, so dat wi go fit help odas thru di help wey E help us.

2 Korintians 2:7

So make una forgive and help am, so dat e nor go luz hope and life nor go taya am.

2 Korintians 7:6

But God wey dey help pipol wey nor happy, naim kon help us wen Titus kom.

Deutronomi 33:27

Na di God wey go dey forever bi una guide and provida. En hand wey go dey forever, dey support una. E drive all una enemies kon sey make una distroy dem!

1 Timoti 1:17

Make all di honor and glory bi God own forever and ever! Na-im bi di King wey nor dey die, di One wey nobody dey si and na only en bi God. Amen!

1 Timoti 6:16

Dis God nor fit die and E dey stay for lite wey nobody fit waka near. Lite wey human being neva fit si. Make all honor and pawa bi en own forever and ever. Amen!

Hibru 9:14

wot of Christ blood wey klean us from deat, so dat wi go fit woship God? Dis na di Christ wey offa ensef to God as di rite sakrifice for awa sins and e do am with di Holy Spirit pawa.

James 4:6

But E give us plenty grace. Na dis make God word sey, “God dey against pesin wey dey karry body up, but E dey give grace to pipol wey dey put dia body down.”

1 Pita 5:5

For di same way, make una wey yong put body down for di eldas. Make una nor dey karry body up for each oda, bikos God dey oppoz proud pipol, but E dey favor doz wey dey honbol.

Revelashon 15:4

Na who nor go fear and praiz yor name? Bikos na only yu dey holy. Pipol for evriwhere go kom woship yu, bikos dem dey si di good tins wey yu dey do.”

Revelashon 3:7

“Make yu rite di tins wey I won tell yu naw, go give di angel for di church wey dey Filadelfia: ‘Di Pesin wey dey holy and true, wey whole David key; wen dis pesin open door, nobody go fit klose am and wen e klose door, nobody go fit open am.

Revelashon 4:8

Each for di for creatures get six feada and eye full di feadas. Dem nor dey ever rest for nite or day and dem dey always sey: Holy! Holy! Holy! Na-im bi di God wey dey mighty. Di Pesin wey dey since, wey dey naw and wey go soon kom.

1 Samuel 2:2

Nobody dey holy like God! E nor get anybody wey strong like Yu! E nor get any rock wey bi like God.