Isaya 57:13 - Holy Bible Nigerian Pidgin English

¹³ Wen una kry for help, make una juju kom save una. Na one small breeze go karry dem go! But pipol wey trust mi go stay di land kon woship mi for my temple forever.”

Isaya 57:13 ပူးပေါင်းရင်းမြစ်များ

2 Kings 3:13

Elisha kon ask Israel king, “Wetin mi and yu get togeda? Make yu go meet yor papa and mama profets.” But Israel king ansa, “Nor tok like dat, bikos na God bring dis three kings togeda make Moab king and en pipol for kill us.”

Job 21:18

How many times dem bi like leaf wey breeze blow trowey or dust wey breeze karry go?

Psalms 1:4

But nor bi so e bi for wiked pipol! Instead, dem bi like leaf wey breeze blow trowey.

Psalms 118:8

E betta to trust God, dan to trust human being.

Psalms 125:1

Pipol wey trust God dey sikure like Mount Zion; nobody go fit bend dem and dem go dey forever.

Psalms 37:11

Doz wey dey honbol, go inherit di land and dem go get peace kon prosper.

Psalms 37:22

Na doz wey God bless go get di land, but doz wey E curse, go die.

Psalms 37:29

Doz wey dey fear God go inherit di land and dem go stay der forever.

Psalms 37:3

Make yu trust God and do wetin dey good, den yu go get peace for di land and yu go prosper.

Psalms 37:34

So make yu put yor hope for Oga God. Make yu dey always waka for en ways and E go honor yu wen E give yu dis land, den yu go si as E dey distroy wiked pipol.

Psalms 37:9

God go distroy wiked pipol, but na doz wey trust God, go inherit di land.

Psalms 58:9

God go swip dem trowey kwik-kwik, even before pot wey dem put for fire, go dry.

Psalms 84:12

My Oga wey bi God for Heaven Sojas, make Yu si di blessing wey dey follow doz wey trust Yu.

Proverbs 28:25

To get long-trot dey only kause trobol, so e betta make yu trust God.

Isaya 11:9

So, great Zion, God hill wey dey holy, no evil or wahala go dey der again. Just as wota dey full sea, na so too God word go full pipol heart for di land.

Isaya 14:32

How una go take ansa di messenjas wey dey kom meet una from Filistia land? True-true, God don make Zion great and en pipol wey dey sofa, go dey save for der.

Isaya 25:4

bikos na Yu dey protet poor pipol and doz wey nor get anytin. Yu dey protet dem from rain kon kover dem from hot sun, bikos di way wiked pipol dey bihave, bi like heavy rain wey dey fall.

Isaya 40:24

Dem bi like yong plants wey just dey grow kom out wey pipol rut trowey. Wen God send en breeze kom, di flower dey dry and blow komot like grass.

Isaya 41:16

Una go blow dem and breeze go skata and karry dem go. Una go dey happy, bikos na mi bi una God, den una go praiz mi wey bi Israel God wey dey holy.

Isaya 45:20

God sey, “Una wey survive for di nashons, make una gada kom! Pipol wey dey waka for evriwhere with di wood juju wey dem dey serve kon dey pray give oda gods wey nor fit save dem, nor know anytin at-all!

Isaya 49:8

God tell en pipol sey, “Wen di time don rish to save una, I go favor and ansa una wen una kry for help. I go guide and protet una kon make kovenant with evribody thru una. Una land wey skata and wey dirty bin full, I go klean am kon make una stay der again.

Isaya 56:7

“I go bring una kom Zion wey bi my holy hill kon give una joy wen una enter my prayer house, den I go asept di sakrifice wey una go offa for my altar. Dem go koll my temple, ‘Prayer house’, for all di nashons.”

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Isaya 65:11

But una wey nor dey obey mi; wey don forget my holy mountin. Wey prepare tabol for Gad wey bi Babilon god kon mix drink for dat god wey dem dey kol Destiny, wey dey give hope and luck to pipol,

Isaya 65:25

Wolf and sheep go dey chop togeda; lions go chop grass like melu, while snake go chop san and dem nor go dey wiked again. Nor-tin wey go kause wahala or evil go dey for my holy mountin for Zion again.”

Isaya 65:9

I go bless Israel pipol wey kom from Judah tribe and na dia shidren-shidren go stay my land. My pipol wey I choose wey serve mi, na dem go stay for der.

Isaya 66:20

Just as Israel pipol dey bring rice ofrin kom di temple with fine kontaina, na so too dem go bring all una men from all di nashons kom give mi as ofrin for my holy mountin. Dem go karry dem kom my holy hill for Jerusalem with horse, melu, kamel, shariot and truck.

Jeremaya 2:28

Where di gods wey una make for unasef? Wen ever una dey for trobol, make dem kom save una if dem fit! True-true, di gods wey dey Judah many like di towns wey dem get.

Jeremaya 22:20

Jerusalem pipol, make una shaut and mourn as una dey go Lebanon. Make una kry go Bashan land; make una shaut well-well for Moab mountins, bikos dem don distroy una propaty.

Jeremaya 22:22

So breeze go blow una leaders trowey; dem go karry all una tins go. Den, dem go disgrace and make una shame, bikos of all di wiked tins wey una do.

Jeremaya 30:14

Doz wey love una, don forget una; dem nor kare about una again, bikos I don attack una like una enemy. Una ponishment go sirious well-well, bikos una wiked and don sin well-well.

Ezekiel 20:40

All of una for Israel go woship mi for di land wey dey on-top my holy mountin. I go dey good to una, so I espect una to give mi una sakrifice, betta ofrin and gifts wey dey holy.

Hosea 13:3

So just as dew dey vanish for morning, na so dis pipol go disappear too. Dem go-go like leaf wey breeze blow or smoke wey dey fade.

Joel 3:17

“Den, Israel pipol, una go know sey na mi bi di Oga una God. I dey stay for Zion wey bi my holy hill. Jerusalem go bi holy town and strenjas nor go fit win am again.

Zekaraya 7:13

“Bikos dem nor gri listin wen I tok to dem, na so too I nor go listin anytime wey dem pray to mi.

Judges 10:14

Make una go kry give di gods wey una don choose, so dat dem go kom save una wen una dey trobol.”