Isaya 55:6 - Holy Bible Nigerian Pidgin English

⁶ Make una turn and pray to God naw wen E dey near una.

Isaya 55:6 ပူးပေါင်းရင်းမြစ်များ

1 Kronikles 28:9

Den e tell Solomon, “My pikin, I kommand yu sey make yu know yor papa God and make yu use all yor mind and heart take serve am. E know all wetin wi dey tink and wetin wi wont. If yu go meet am, E go take yu, but if yu turn from am, E go abandon yu forever.

2 Kronikles 19:3

But yu don still do some good tins before. Yu remove Asherah juju from di town and yu really won follow God.”

Ezra 10:2

Den Shekanaya wey bi Jehiel pikin wey kom from Elam family kon tell Ezra, “Wi nor dey faithful to God, bikos wi go marry doz strenj wimen, but even with dat, Israel still get hope.

Job 8:5

But if yu look up to God kon beg di Oga wey dey mighty;

Psalms 14:2

God dey look evribody from heaven; E dey look to si if anybody really get sense and dey find am.

Psalms 145:18

God dey klose to all di pipol wey dey koll am for help; Yes! E dey klose to evribody wey dey koll am with klean mind.

Psalms 148:14

E don make en pipol strong kon honor pipol wey dey obey am and na dem bi Israel pipol wey dey klose to am. So make wi praiz God!

Psalms 27:8

My heart sey make I pray to Yu and I kon pray to Yu my Oga and God.

Psalms 32:6

So make evribody wey dey fear God pray to am as time still dey, so dat dem nor go sofa for judgement day.

Psalms 34:19

Pipol wey dey do wetin dey rite, dey face trobol well-well, but God go save dem from all dia wahala.

Psalms 75:1

My God, wi tank Yu! Wi dey tank Yu bikos Yu dey near us and pipol for evriwhere dey tok about di wonderful tins wey Yu dey do.

Psalms 95:7

bikos na-im bi God. Wi bi en pipol and E dey wosh ova us, bikos na wi E dey kare for.

Proverbs 8:17

I love only doz wey love mi; anybody wey dey look for mi, go si mi.

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 26:9

I look for Yu for nite, my spirit dey find Yu for morning, bikos wen Yu start to judge di world, den pipol for dis world go know and learn how to bihave well.

Isaya 45:19

I nor dey tok for sekret or for di dark place for di eart. I neva ever sey, ‘Jakob shidren just dey follow mi for nor-tin.’ Mi wey bi God dey tok di trut. Yes! I dey tok wetin dey rite.”

Isaya 45:22

Make evribody for di world turn kom meet mi naw and una go dey save, bikos na mi bi di only God wey dey.

Isaya 46:13

I dey kom judge and diliver my pipol. E nor go tey again and di time to save dem don near. I go save Jerusalem kon honor Israel pipol.”

Isaya 49:8

God tell en pipol sey, “Wen di time don rish to save una, I go favor and ansa una wen una kry for help. I go guide and protet una kon make kovenant with evribody thru una. Una land wey skata and wey dirty bin full, I go klean am kon make una stay der again.

Isaya 58:9

Wen una pray, I go ansa una. Wen una koll mi, I go hear una. If una stop to opress pipol and tok wiked words kon stop wiked tins;

Isaya 65:10

Dem go woship mi kon lead dia sheep and melu go chop grass for Sharon and for Akor Valley for east.

Isaya 65:24

Even before dem go pray to mi, I go ansa dia prayers and as dem still dey tok, I go hear dem.

Jeremaya 25:5

Dem tell una make una shange di kind life wey una dey live kon stop all di wiked tins wey una dey do, so dat una go kontinue to dey stay for dis land wey God give una and una grand-grand papa.

Jeremaya 33:3

“Koll mi wen yu dey pray and I go ansa yu; I go tell yu great and wonderful tins wey yu nor know about.

Ezekiel 14:6

“Naw, make yu tell Israel pipol wetin mi God wey get pawa dey tok: Make una turn back from una juju and from di yeye life wey una dey live.

Ezekiel 33:11

Tell dem sey, ‘God sey, “As long as mi wey get pawa dey alive, I nor dey happy to si doz wey dey sin, dey die. I prefer make dem stop to sin, so dat dem go get life wey nor dey end. So, Israel pipol, make una stop di wiked tins wey una dey do. Na wetin make una won kill unasef finish?” ’

Ezekiel 8:6

God tell mi, “Man pikin, yu si wetin dem dey do so? Si di yeye tins wey Israel pipol dey do for here! Dem dey porshu mi komot from my Holy Place. Yu go even si tins wey bad pass dis ones.”

Daniel 4:27

So, my king! Make yu follow my advise. Make yu turn from sin kom meet God; dey do good and sorry for poor pipol. Den yu go kontinue to prosper.”

Hosea 10:12

I sey, ‘Make una plant raitiousness for unasef, den una go harvest love wey nor dey end. Make una klear new groun for unasef, bikos dis na di time to turn kom meet mi, so dat I go save una.’

Amos 5:6

So, make una go meet God and una nor go die. If una nor go meet am, E go kom on-top una like fire. Di fire go burn Bethel pipol and nobody go fit kwensh am or save una.

Jonah 3:8

Make evribody and dia animals wear sak kon pray well-well to God, den turn from dia sin go meet am.’

Matiu 5:25

“Kwik setol with who dey akuiz yu before una rish kourt, if not, e go give yu to di judge and di warda go trow yu inside prison.

Luke 13:25

If di Oga God wey get di house go lock di door, una go stand for outside dey nok and beg sey, ‘Oga God, make yu let us enter!’ “But e go ansa, ‘I nor know where una from kom.’

John 8:21

Den Jesus kon tell dem again, “I dey go and una go look for mi, but una go die inside una sin. Where I dey go, una nor go fit kom der.”

Efesians 3:13

Na dis make mi tell una sey, make una nor fear bikos of di tins wey I dey sofa, bikos na for una own good.

Deutronomi 4:29

But if una turn to God from der, E go kom help una, dat na if una really turn kom meet am with all una heart and soul.

Deutronomi 4:7

In-short, e nor get any oda kountry wey dia gods dey klose to dem like di Oga awa God wey dey ansa wen ever wi koll am.

Hibru 2:3

Wetin make us sey wi go dey free if wi nor listin to dis korrect salvashon message? Na God first tok am and pipol wey hear am kon show us sey na trut.

Hibru 3:13

But make una dey enkourage one anoda evriday, so dat non of una go get bad mind, bikos of sin.