Isaya 55:2 - Holy Bible Nigerian Pidgin English

² Why una dey spend una money for wetin nor go beleful una? Why una dey spend una money wen una know sey hongry go still kill una? Make una listin and do wetin I tok, den una go enjoy di best food.

Isaya 55:2 ပူးပေါင်းရင်းမြစ်များ

Psalms 22:26

Make doz wey dem dey opress, si food kon chop beleful. Evribody wey dey fine God, go praiz am and dia heart go dey happy with joy wey nor dey end.

Psalms 34:11

My shidren, make una kom listin to mi and I go tish una how to fear God.

Psalms 36:8

Yu dey feed dem from di plenty food wey Yu get for yor own house kon let dem drink from yor wota wey dey give life,

Psalms 63:5

Just as meat dey satisfy pesin na so too Yu satisfy my soul. So my mout go always dey praiz Yu

Exodus 15:26

God sey, “If una really obey di Oga una God kon do wetin good for my eyes and listin to my kommand, I nor go sofa una with all di diziz wey I send go Egypt, bikos na mi bi di Oga una God wey dey heal una.”

Proverbs 1:33

But anybody wey listin to mi, go dey save and e nor go get rizin to fear.

Proverbs 7:23

where arrow go for enter en heart. E bi like bird wey dey enter net and e nor know sey en life dey danger.

Proverbs 8:32

So, make yong pipol listin to mi naw kon do wetin I tok and dem go dey happy.

Proverbs 9:5

“Make una kom chop my food and drink di wine wey I mix.

Ekklesiastes 6:2

God dey give some pipol many propaty, honor and evritin wey dem wont, but E nor dey give dem di shance to enjoy dem. Dem go die, den anoda pesin go help dem enjoy dia propaty! Dis one dey yuzles and bad well-well.

Isaya 1:19

If una obey mi, una go chop di good food wey di land dey produce.

Isaya 10:27

Wen dat time rish, I go free una from Assyria pipol pawa and dem nor go bi load for una shoulder again. I go free una, bikos dia load go too dey heavy for una to karry.”

Isaya 25:6

For Mount Zion, God wey dey lead heaven sojas go do big party for all di pipol for di world. For di party, plenty food go dey to chop and wine go dey to drink; betta meat and sweet wine go dey too.

Isaya 44:20

E just bi like sey dem dey chop ashes. Di foolish tins wey dem dey tink don deceive dem and dem nor fit help demsef again or tell demsef sey, ‘Nor bi lie-lie God wi dey serve so?’ ”

Isaya 46:6

Pipol dey pour gold from dia bag kon measure dia silva. Dem go hire pesin wey go use di gold make juju for dem and den, kon woship am.

Isaya 51:1

God sey, “Una wey wont make dem save una; una wey dey kom meet mi make I help una. Make una tink of di Rock wey una from kom, di place where dem from kut una from.

Isaya 51:4

My pipol, make una listin to mi! Make una listin to wetin I dey tok: I dey tish di nashons and my laws go bring lite to dem.

Isaya 51:7

Pipol wey know wetin dey rite, wey put wetin I dey tish dem for dia heart, make dem listin to mi. Make dem nor fear wen pipol dey curse dem.

Isaya 62:8

God don make betta promise and E go make am happen with en pawa den E go sey: “Enemies nor go chop una korn again and strenjas nor go drink una wine again.

Isaya 62:9

But una wey plant and harvest di korn, go chop di bread kon praiz God. Una wey gada di grapes, go drink di wine for my temple yard.”

Isaya 65:23

Dem go susid for di work wey dem dey do and dia shidren nor go sofa. I go bless dem and dia shidren-shidren forever.

Jeremaya 12:13

My pipol go plant korn, but na grass dem go gada. Even doh dem work hard, nor-tin go show sey dem work, bikos I dey vex for dem, so dia food wey dem plant, nor go grow.”

Jeremaya 17:24

“God still sey, ‘Una must obey all wetin I kommand. Una must nor karry load pass di town gates for Sabat Day. Una must si Sabat as holy day and una nor go do any work for dat day.

Jeremaya 2:13

bikos my pipol don kommit two difren sin against mi: dem don leave mi wey bi di spring wey dey give dem fresh wota and dem dig one well for diasef wey nor fit keep and gada wota.

Jeremaya 31:14

I go give good food to dia priests and my pipol go get evritin wey dem wont. Mi, wey bi God, don tok.”

Hosea 12:1

Na breeze Efraim pipol dey chop. Dem dey porshu breeze from morning go rish nite. Dem dey gada lie and wahala kon enter agriment with Assyria and dey do business with Egypt pipol.

Hosea 8:7

Wen una plant breeze, una go harvest heavy rain. Una korn nor go produce bread. Even if e produce, na strenjas go chop am.

Habakkuk 2:13

But make una dey sure about dis! Oga God wey dey kommand heaven sojas don tok: Evritin wey di nashons dey do nor mean anytin; all dia work go dey yuzles.

Matiu 15:9

and di woship wey dem dey give mi, dey yuzles, bikos dem dey tish tradishon wey human being get.’ ”

Matiu 22:4

“Den e send oda savants sey, ‘Make una go tell di pipol wey wi invite sey, “Si! Di party go soon start. I don kill big melu and oda animals and evritin don ready, so make una kom for di marriage.” ’

Matiu 5:6

God go bless una wey dey like to do good tins, E go give una evritin wey una wont.

Mark 7:14

Den Jesus koll di pipol again sey, “Evribody, listin to mi make una for undastand wetin I dey tok.

Luke 15:23

Den, make una go take di melu wey fat pass, kill-am make wi do party,

John 6:27

Make una nor work for food wey nor dey last, but for food wey go give una life wey nor dey end and dat kind food, na only Man Pikin go fit give una, bikos na-im God send kom.”

Romans 10:17

So, nobody go fit get faith wen e neva hear di message and na thru Christ word, wi go fit hear am.

Romans 9:31

And Israel pipol wey dey try to do wetin God wont, nor fit do am.

Deutronomi 11:13

Naw, if una listin well-well to my kommand, wey I dey tell una today kon love di Oga una God and serve am with all una heart and mind,

Hibru 13:9

Make una nor let difren-difren prishin wey una nor know turn una head. Una spiritual pawa dey kom from God grace, nor bi from food wey dem sakrifice, bikos di sakrifice nor fit help pipol wey dey do am.