Isaya 55:12 - Holy Bible Nigerian Pidgin English

¹² Una go komot from Babilon with joy and dem go lead una komot from di town with peace. Di mountins and hills go dey sing and di trees go dey shaut with happiness.

Isaya 55:12 ပူးပေါင်းရင်းမြစ်များ

Psalms 105:43

So E take en pipol komot Egypt with joy; di pipol wey E choose with happiness.

Psalms 47:1

Evribody! Make una kom! Make una klap una hand! Make una shaut praiz God with klean mind!

Psalms 65:12

Di grass for wildaness dey fresh and di hill dey shine with joy.

Psalms 65:13

Na animals full di fields and na betta food full di valley. Evritin dey sing and shaut for joy!

Psalms 69:34

So make di heavens and eart praiz am, plus di sea and evritin wey dey swim inside am!

Isaya 14:8

Cypress trees and cedars for Lebanon dey happy bikos di king don fall, so nobody go kut dem trowey again.

Isaya 35:10

Dem go dey happy, dey sing and shaut with joy till dem rish Jerusalem. Dem go dey happy forever and dem go dey free from sorrow and pain.

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Isaya 48:20

So naw, make una komot from Babilon, make una run komot from der! Make una shaut with joy as una dey tok about am. Make una tell evribody for di world sey, ‘God don save Jakob en savant.’

Isaya 49:13

So heavens make una shaut for joy! Eart, make una shaut dey happy! Make di mountins bigin sing, bikos God go konfort en pipol kon sorry for di ones wey dey sofa.

Isaya 51:11

Doz wey Yu don save go rish Jerusalem with joy, dem go dey sing and shaut with happiness. Dem go dey happy and dey free from sorrow forever.

Isaya 52:9

Jerusalem wey dem skata, make una shaut dey happy, bikos God go save en pipol kon give dem peace.

Isaya 54:10

Even doh di mountins and hills go skata, di love wey I get for una, nor go ever end. I go keep my peace and promise forever.” Na God wey love una, tok all dis tins.

Isaya 54:13

Na only mi go tish una pipol and I go give dem peace kon make dem prosper.

Jeremaya 29:11

Bikos I know wetin I plan for una; my plan na to make una prosper, nor bi to give una wahala and na to give una di kind future wey una dey hope to get.

Jeremaya 30:19

Di pipol wey dey stay der go sing, praiz and dem go shaut for joy. My blessing go make dem many well-well and e go bring honor for dem.

Jeremaya 33:11

Una go hear am kon shaut with happiness, with joy and belle go sweet una wen una dey do marriage. Una go hear pipol dey sing as dem dey kom tank mi with dia ofrin. Dem go sey, ‘Make wi tank God wey dey mighty, bikos E good well-well and en love dey forever.’ I go make dis land prosper as e bi before. Mi, wey bi God, don tok.”

Jeremaya 33:6

But I go heal di town and en pipol kon make dem well again. I go give dem peace forever and dem go dey save.

Ezekiel 17:24

Evry tree for di land go know sey na mi bi God. I go kut di trees wey tall and di ones wey short, I go make dem tall. I go make green trees dry kon make dry trees, green. Mi wey bi God don tok and I go do wetin I sey I go do.”

Luke 15:10

I tell una true word, na so God angels dey happy, wen one sina turn from sin kom meet God.”

Romans 15:13

I pray make God wey dey give hope, bless una with joy and peace bikos of una faith. So make di Holy Spirit pawa full una body with faith.

Romans 5:1

Since faith don make us dey good for God eye, wi don get peace thru awa Oga God Jesus Christ.

Romans 5:11

Nor bi only dis won make us dey happy, but wi still dey happy bikos of wetin God don do thru awa Oga God Jesus Christ wey make us bi God friends.

Galatians 5:22

But di fruit wey di Holy Spirit dey bear inside us; na love, joy, peace, patient, kindness, goodness, faithfulnes,

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.