Isaya 55:11 - Holy Bible Nigerian Pidgin English

¹¹ Na so e bi too with di word wey I dey tok; e go must do wetin I plan for am. E go must do evritin wey I send am make e kom do.

Isaya 55:11 ပူးပေါင်းရင်းမြစ်များ

Isaya 40:8

Yes, di grass go dry and flower go fade, but awa Oga God word go dey forever.”

Isaya 45:23

Wetin I promise una, na true and nobody go fit shange am. Evribody go kom knee down for my front den promise sey dem go respet and obey mi.

Isaya 46:10

I know di end from di biginnin and na from wen I kreate di world I don dey tok tins before dem happen. I sey na as I plan am, na so e go bi and I go do am as I wont am.

Isaya 53:10

Na God wont make e sofa and en deat na sakrifice, so dat God go forgive pipol dia sins. So en days go long and e go si en shidren-shidren and thru am, God go do wetin E wont.

Isaya 54:9

“I promise una for Noah time sey I nor go use wota distroy di world again. Naw, I dey promise sey I nor go vex for una again and I nor go rebuke or ponish una again.

Isaya 59:21

I make kovenant with una sey: I don give una my pawa and word forever and from naw go, make una dey obey mi kon tish una shidren and shidren-shidren, so dat dem go obey mi forever.”

Jeremaya 1:11

Afta, God koll and ask mi: “Jeremaya! Wetin yu dey si?” I ansa, “Na one almond tree branch.”

Jeremaya 1:12

Den God sey, “Yu dey rite and dis mean sey, I dey look well to make sure sey evritin go happen, just as I tok am.”

Jeremaya 1:13

God ask mi again, “Na wetin yu dey si?” I ansa, “I si pot wey wota full dey boil for di nort side and e dey kom meet us.”

Jeremaya 23:20

E nor go end until E don do evritin wey E plan to do. Di time dey kom wen di pipol go undastand all dis tins well.”

Jeremaya 25:13

I go make evritin wey I tok happen for dat land; evritin wey dem rite for dis book wey Jeremaya profesai against dis nashon, must happen.

Ezekiel 24:14

“Mi God don tok. Di time don rish for mi to do wetin I won do. I nor go let una sin finish kon go like dat or sorry for una. I go ponish una for wetin una don do.” God wey get pawa don tok.

Amos 6:11

True-true, make una si! Wen God kommand, both big and small house go skata to pieces.

Zekaraya 1:6

But evritin wey I tok thru my profets, happen to una grand-grand papa dem, just as I tok am. So dem turn from sin kom meet mi kon sey, ‘Oga God wey dey lead heaven sojas, na en really ponish us, just as wi deserve am. E don do wetin E sey E go do.’ ”

Nombas 23:19

God nor bi like man wey dey lie and E nor bi human being wey dey shange en mind. Anytin wey E promise, E dey do am; Anytin wey E tok, na so e go bi.

Matiu 24:35

Heaven and eart go vanish, but my word go still dey.

John 6:63

Na di Spirit go fit give pesin life; human being pawa nor fit do am. All dis word wey I dey tell una so, dem bi Spirit and dem dey give pesin life.

Romans 10:17

So, nobody go fit get faith wen e neva hear di message and na thru Christ word, wi go fit hear am.

1 Korintians 1:18

Di message about Christ deat for cross bi like foolish matter to pipol wey don lost, but for wi wey God don save, di message na God pawa.

Deutronomi 32:2

Make wetin I dey tish una, fall on-top una like rain; make wetin I dey tok bi like dew for morning. Make my words fall like rain on-top grass and make e bi like shawa on-top plant wey just dey grow.

1 Tesalonians 2:13

Wi still dey tank God evritime, bikos wen una asept God message wey una hear from us, una nor asept am like sey na human being message, but una asept am as God message and true-true na God message e bi and God dey work inside una wey don bilive.

Hibru 6:7

Wen rain don soak groun and e bear betta fruits for di farmer, dat mean sey God don bless di man.

James 1:18

As God wont am, E kon born us with di true message, so dat wi go bi first among all wetin E kreate.

1 Pita 1:23

God nor save una with human being body wey fit die, but na thru en word wey get life and dey forever.

1 Samuel 3:19

Samuel kon dey grow and God dey with am. Anytin wey e tok, must happen.