Isaya 54:9 - Holy Bible Nigerian Pidgin English

⁹ “I promise una for Noah time sey I nor go use wota distroy di world again. Naw, I dey promise sey I nor go vex for una again and I nor go rebuke or ponish una again.

Isaya 54:9 ပူးပေါင်းရင်းမြစ်များ

Jenesis 8:21

Di ofrin smell kon make belle sweet God, so E tell ensef, “I nor go ever curse di eart again, bikos of wetin human being do; even doh I know sey since wen I kreate dem, na only bad tins dem dey tink. I nor go ever distroy evritin wey get life as I don do so.

Job 11:16

Dat time all yor trobols go vanish like wota wey dey flow pass and dem nor go remember am again.

Psalms 104:9

Na Yu set where di sea go flow rish, so dat dem nor go ever kover di eart again.

Isaya 12:1

For dat time yu go sey: “Oga God, I praiz Yu, bikos Yu bin dey vex for mi, but naw, Yu dey konfort mi and Yu nor dey vex again.

Isaya 49:18

Make una look round kon si wetin dey happen! Make all una sons gada kom meet una! Naw God dey sey, as long as una shidren dey alive, dem go bi like pomade for una body; una go wear dem like di gown wey woman wey won marry dey wear.

Isaya 51:22

di Oga wey bi una God dey defend una naw sey, “I dey take di cup wey I give una with vexnashon. Una nor go drink di wine wey dey make una stagga again.

Isaya 51:6

So make una look heaven and eart! Di heavens go vanish like smoke, di eart go tear like old klot and all en pipol go die like fly. But wen I diliver am, e go last forever. My viktory, na di final one.

Isaya 51:8

Dem go vanish like klot wey ant chop! But wen I diliver una, e go last forever; my viktory go last forever.”

Isaya 55:11

Na so e bi too with di word wey I dey tok; e go must do wetin I plan for am. E go must do evritin wey I send am make e kom do.

Isaya 62:8

God don make betta promise and E go make am happen with en pawa den E go sey: “Enemies nor go chop una korn again and strenjas nor go drink una wine again.

Jeremaya 31:37

Dis na wetin Oga God tok: “Just as nobody go fit measure di heavens or open di eart foundashon, na so too I nor go ever rijet Israel pipol bikos of wetin dem do. Mi, wey bi God, don tok!”

Ezekiel 16:42

Den I nor go vex again and I go kwayet. I nor go dey vex or jealous again.

Ezekiel 39:20

For my tabol, dem go chop all wetin dem fit chop from shariot and from all di sojas body. Mi, wey bi God wey get pawa, don tok.”

Ezekiel 39:29

I go pour my Spirit put for Israel pipol body and I nor go leave dem again. Mi, God wey get pawa, don tok.”