Isaya 54:6 - Holy Bible Nigerian Pidgin English

⁶ Israel pipol, una bi like yong wife wey sorrow full en heart, bikos en husband leave am.” But God dey koll una kom meet am sey,

Isaya 54:6 ပူးပေါင်းရင်းမြစ်များ

Proverbs 5:18

So always dey happy with yor wife and find joy for di woman wey yu marry from di biginnin,

Ekklesiastes 9:9

So as far as wi dey live dis yuzles life wey God give us, make wi enjoy am with awa wife, bikos dat na awa reward for all di trobol wey wi dey face for dis world.

Isaya 62:4

Dem nor go koll una “Pipol wey dem rijet again” or koll una land, “Di wife wey en husband drive komot house.” But dis na di new name wey dem go koll una, “God dey happy with una.” Dem go tell una land sey: “Yu marry well.” Dis na bikos God dey happy with una and E go bi like husband to una.

Jeremaya 30:17

And even doh una enemies sey, ‘Zion nor mean anytin and nobody kare about am,’ I go make una well again kon heal una wound. Mi, wey bi God, don tok.”

Hosea 2:19

Israel, I go make yu my wife; I go love and dey faithful to yu; I go always sorry for yu and yu go bi my own forever.

Malakai 2:14

Una dey ask, “Why E nor gri asept awa sakrifice again?” Na bikos E know sey una don break di promise wey una make with di wife wey una marry wen una yong. Na una patina e bi, but naw, una don break di promise, even doh una promise for God present sey una go dey faithful to am.

Matiu 11:28

Una wey don taya and karry heavy load, make una kom meet mi and I go give una rest.

2 Korintians 7:6

But God wey dey help pipol wey nor happy, naim kon help us wen Titus kom.