Isaya 54:5 - Holy Bible Nigerian Pidgin English

⁵ Bikos di Pesin wey kreate una, go bi una husband. Na God wey get pawa bi en name. Israel God wey dey holy go save una. Dem dey koll am di God of di whole eart.

Isaya 54:5 ပူးပေါင်းရင်းမြစ်များ

Job 19:25

But I know sey God dey for heaven and E go kom save mi for di end.

Isaya 11:9

So, great Zion, God hill wey dey holy, no evil or wahala go dey der again. Just as wota dey full sea, na so too God word go full pipol heart for di land.

Isaya 43:1

Naw, God wey kreate una sey, “Make una nor fear, I go save una. I don koll una by una name and una bi my pipol!

Isaya 43:14

Israel God wey dey holy, wey save una sey, “Bikos of una, I send sojas go Babilon kon break di town gate and di pipol happiness kon turn kry.

Isaya 45:11

Di Oga wey bi Israel pipol God wey dey holy; di Pesin wey dey make awa future betta, don sey, “Yu nor get rite to kweshon mi about my shidren or tell mi wetin I go do!

Isaya 48:17

God wey save una, di Pesin wey dey holy for Israel, dis na wetin E tok: ‘Na mi bi di Oga una God, di Pesin wey dey tish una wetin dey good. Di One wey dey show una di road wey una go follow.

Isaya 48:2

Una wey sey una kom from di holy town and dey put una hope for Israel God wey bi di Mighty God.

Isaya 51:15

Na mi bi di Oga wey bi una God, I dey shake di sea kon make di wave shaut. My name na God wey get pawa!

Isaya 54:8

I vex leave una small, but I go show una my love forever.” Na so God, wey save una, tok.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Isaya 65:16

Anybody for di land wey ask for blessing, God wey dey faithful go bless am. Anybody wey won swear, go use God name wey bi trut take swear and dis na bikos di trobol wey dey before, don pass and I go forget dem forever.”

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 3:14

“Pipol wey nor dey faithful, make una kom back kom meet mi, bikos na mi get una. Among una, I go choose one pesin from each town and two pesin from each family, den bring una kom back to Mount Zion.

Jeremaya 51:19

Jakob God nor bi like dem; na-im kreate evritin and E don choose Israel as en own pipol. Na God wey get pawa, bi en name.

Ezekiel 16:8

“ ‘ “As I dey waka pass again, I kon si sey di time wey yu suppose to undastand wetin love mean, don rish. So, I kover yor naked body with my klot kon promise sey I go always love yu. Yes, I marry yu and yu kon bi my own.” ’ ” Dis na wetin God wey get pawa dey tok.

Hosea 2:16

For dat time, na husband yu go dey koll mi instead of yor masta.

Hosea 2:18

For dat time, I go make kovenant with all di wild animals and birds, so dat dem nor go wound my pipol. I go still take di tins wey dem take dey fight war komot from di land kon let my pipol stay for peace.

Zekaraya 14:9

Den God go bi king for all di eart; evribody go woship and know am as God.

Malakai 1:11

God sey, “From east go rish west, pipol go honor my name for evriwhere. Dem go burn betta incense and offa betta sakrifice give mi, bikos my name go dey great among all di nashons.

Luke 1:32

E go big well-well and dem go koll am God wey dey for heaven pikin and God go gi-am en papa David throne.

John 3:29

Di pesin wey won marry new wife naim bi di bridegroom. En friend, wey bi di best man, dey listin to am. E go dey happy well-well wen e hear di bridegroom dey tok. Na dis dey make mi happy and my joy don full.

Efesians 5:32

Dis sekret wey I dey tell una so big well-well, but na di tin wey dey between Christ and di church, I dey tok about.

Joshua 3:11

Si! Di Kovenant Box wey bi di Oga God for di whole eart own, don dey ready to enter Jordan River before una.

Joshua 3:13

Di priests wey karry God wey dey rule di whole world Kovenant Box, as dia leg tosh di wota for Jordan River, dat place go divide for una.”

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”