Isaya 54:1 - Holy Bible Nigerian Pidgin English

¹ “Wimen wey neva born pikin before, naw, make una sing and shaut with happiness, bikos di shidren wey una go born, go plenty pass di ones wey di woman wey get husband, born.

Isaya 54:1 ပူးပေါင်းရင်းမြစ်များ

Jenesis 21:6

Sarah kon sey, “God don make mi laf. Evribody wey hear wetin don happen, go follow mi laf.”

Psalms 113:9

Woman wey nor get pikin, E dey gi-am shidren kon make am dey happy. So, make wi praiz God!

Song of Songs 8:8

Wi get one small sista wey neva get breast and naw, wetin wi go do, wen one yong man one marry am?

Isaya 12:6

Make evribody wey dey for Zion shaut and sing! Bikos Israel God dey holy and great and E dey stay with wi wey bi en pipol.”

Isaya 24:14

Di pipol wey go survive go sing with happiness; doz wey dey for west go tok how God big and great rish

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Isaya 49:13

So heavens make una shaut for joy! Eart, make una shaut dey happy! Make di mountins bigin sing, bikos God go konfort en pipol kon sorry for di ones wey dey sofa.

Isaya 49:19

Una kountry skata and evribody bin run komot der, but naw, e go dey too small for una pipol. And doz wey leave una wen una dey face wahala, God go remove dem from una forever.

Isaya 49:20

Di shidren wey dem born wen una dey sofa, go tell una one day sey, ‘Dis land too small, wi wont more house wey wi go stay!’

Isaya 62:4

Dem nor go koll una “Pipol wey dem rijet again” or koll una land, “Di wife wey en husband drive komot house.” But dis na di new name wey dem go koll una, “God dey happy with una.” Dem go tell una land sey: “Yu marry well.” Dis na bikos God dey happy with una and E go bi like husband to una.

Isaya 66:7

My holy town bi like woman wey just born pikin without sey e labor. E born boy pikin without pain.

Zefanaya 3:14

Una wey dey Zion, make una shaut! Israel pipol, make una shaut too! Jerusalem pipol, make una dey happy and boast with all una heart!

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Galatians 4:27

Bikos dem rite am sey: “Woman! Yu wey neva born, make yu shaut dey happy, bikos yu neva labor like woman wey won born. Di woman wey neva born, get plenty shidren pass di woman wey get husband.”

1 Samuel 2:5

Pipol wey dey chop well and get evritin before, don dey fine work naw, so dat dem go si food chop, while doz wey dey hongry before, don si plenty food chop. Even di woman wey neva get belle before, don born seven shidren, but di ones wey get plenty shidren, nor get again.