Isaya 52:11 - Holy Bible Nigerian Pidgin English

¹¹ All of una wey dey karry di temple tins, make una know sey God go save una from Babilon. So make una nor tosh anytin wey dem dey forbid; make una make unasef holy, so dat una nor go die.

Isaya 52:11 ပူးပေါင်းရင်းမြစ်များ

1 Kronikles 15:12

E tell dem, “Na una bi leaders for Levi tribe. Make una klean all Levi pipol and unasef, so dat una go fit bring di Oga wey bi Israel God, Kovenant Box kom di place wey I make for am.

Exodus 30:19

Aaron and en sons go use di wota take wosh dia hand and leg.

Isaya 1:16

Make una go wosh unasef klean and stop all di evil tins wey una dey do.

Isaya 48:20

So naw, make una komot from Babilon, make una run komot from der! Make una shaut with joy as una dey tok about am. Make una tell evribody for di world sey, ‘God don save Jakob en savant.’

Isaya 66:20

Just as Israel pipol dey bring rice ofrin kom di temple with fine kontaina, na so too dem go bring all una men from all di nashons kom give mi as ofrin for my holy mountin. Dem go karry dem kom my holy hill for Jerusalem with horse, melu, kamel, shariot and truck.

Jeremaya 31:21

So make una mark di road, so dat una go know where una pass wen dem dey karry una go Babilon. Israel pipol, make una kom back to di town wey una run leave.

Jeremaya 50:8

So Judah pipol, make una kwik-kwik komot from Babilon! Make una bi di pipol wey go first komot from der. Make una bi like man goat wey dey lead di oda goats.

Jeremaya 51:45

So Israel pipol, make una run komot from der! Make una run for una dear life and from my vexnashon.

Jeremaya 51:6

So, make una run komot Babilon town! Make una run for una dear life! Make una nor die for nor-tin, bikos of Babilon pipol sin. I dey take my revensh and I go ponish dem well-well.

Ezekiel 44:23

Na priests go tish my pipol di difren between wetin dey holy and wetin nor dey holy; wetin dey klean and wetin nor klean.

Levitikus 10:3

Moses tell Aaron, “Dis na wetin God tok: “ ‘Among di pipol wey dey klose to mi, I go show mysef holy to dem and for where evribody dey, na der dem go for honor mi.’ ” So Aaron nor tok anytin.

Levitikus 11:45

Na mi bi God wey take una komot from Egypt, so dat I go bi una God and una go dey holy, bikos I dey holy.

Levitikus 11:47

And dis law na to separate between wetin dey klean and wetin nor dey klean, so dat pipol go know di animals wey dem suppose chop and di ones wey dem nor go chop.’ ”

Levitikus 21:6

Dem must dey holy to dia God and nor disgrace my name, bikos na dem dey offa food ofrin to mi.

Zekaraya 2:10

So Zion pipol, make una shaut and happy as una dey sing, bikos I dey kom meet and stay with una. Dis na wetin Oga God tok.

Zekaraya 2:11

For dat time, many nashons go kom meet God and dem go bi en pipol. God go stay with una, den una go know sey na God send mi kom.

Nombas 16:26

E kon tell di kommunity sey, “Make una komot from doz wiked pipol tent and nor tosh anytin wey bi dia own, if not, God go distroy una bikos of dia sin.”

Nombas 19:11

“ ‘Anybody wey go tosh dead body go dey unklean for seven days.

Nombas 19:16

Anybody wey tosh pesin wey dem kill with swod for war or anybody wey tosh dead body, human being bone or grave, go dey unklean for seven days.

Nombas 8:6

“Make yu take Levi pipol komot for where Israel pipol dey kon wosh dem, so dat dem go dey holy.

Acts 10:14

But Pita ansa, “Oga God, I nor go fit, bikos yu know sey since dem born mi, I neva chop anytin wey get blood or wey nor klean.”

Acts 10:28

E tell dem, “Una know sey di law nor allow us, wey bi Jew pipol, to visit Gentile pipol or follow dem do anytin, but God don show mi sey make I nor sey anybody nor dey klean.

Romans 14:14

As I don know Christ, e don make mi know sey all food dey klean. But if yu tink sey e nor good make yu chop some food, dat nor mean sey, e nor good for anoda pesin.

2 Korintians 6:17

Christ still sey, “Make una kom out and separate unasef from dem,” and “Make una nor tosh anytin wey nor dey klean, den I go welkom una

Efesians 5:11

Make una nor put hand for bad tins, instead, make una dey espose dem.

1 Pita 2:11

My friends, I dey beg una, since una bi strenjas for dis world, make una nor follow di tins wey pipol like to do, bikos dem dey distroy pesin soul.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

Revelashon 18:4

Den I hear anoda vois from heaven sey, “My pipol, make una kom out from am, so dat una nor go follow am kommit sin kon sofa di same ponishment.