Isaya 52:1 - Holy Bible Nigerian Pidgin English

¹ Jerusalem pipol, make una dey great and strong again! God holy town, make una wear pride like klot! Pipol wey nor know God nor go enter una gate again.

Isaya 52:1 ပူးပေါင်းရင်းမြစ်များ

1 Kronikles 16:29

Make una give God di praiz wey bi en own! Make una bring ofrin kom en present! Make una dey holy kon woship God!

Nehemaya 11:1

Di pipol leaders kon dey stay for di holy town for Jerusalem and if dem divide di pipol for Judah and Benjamin town into ten, na one part dey stay der, while di rest dey stay where dem dey before.

Psalms 110:3

Wen yu go war, yor pipol go dey happy to follow yu go fight. Na holy garment dem wear for yor body and yor pawa go dey fresh evriday like morning dew.

Exodus 28:2

Make yu make special garment for yor broda Aaron, wey go gi-am beauti and honor.

Exodus 28:40

“Yu go make tunik and sashes for Aaron sons. Yu go make head-band for dem, so dat dem go get glory and beauti.

Isaya 1:21

Di town wey dey faithful before, don dey do like ashawo! Na only holy men dey inside before, but naw, na doz wey dey kill pipol, remain.

Isaya 1:26

I go give una betta rulers with doz wey go advise una well just like di ones wey una get before. Den pipol go koll Jerusalem holy and faithful town.”

Isaya 26:2

Make una open di town gates, so dat di nashon wey dey faithful; wey en pipol dey do wetin dey rite, go fit enter.

Isaya 35:8

One fine road go dey der and dem go koll am, “Holiness Road.” No sina go travel pass dat road and foolish pipol nor go fit deceive doz wey dey waka pass der.

Isaya 4:3

Den doz wey God save wey go remain for Jerusalem, pipol go koll dem, “holy pipol.”

Isaya 48:2

Una wey sey una kom from di holy town and dey put una hope for Israel God wey bi di Mighty God.

Isaya 49:18

Make una look round kon si wetin dey happen! Make all una sons gada kom meet una! Naw God dey sey, as long as una shidren dey alive, dem go bi like pomade for una body; una go wear dem like di gown wey woman wey won marry dey wear.

Isaya 51:17

Jerusalem, make una wake-up! Make una karry unasef up! Una don drink from di ponishment cup wey God give una, bikos E dey vex. Una drink am and e dey make una stagga.

Isaya 51:9

Oga God, make Yu raiz-up kon help us! Save us with yor pawa. Make Yu use yor pawa, just as Yu dey do before. Di monsta wey dem dey koll Rahab wey dey di sea, na Yu kut am to pieces.

Isaya 60:1

Jerusalem pipol, make una raiz and shine like sun, bikos God glory dey shine on-top una!

Isaya 60:21

Una pipol go do di rite tin and dem go get di land forever. Na mi plant and make una, so dat evribody go know how I great rish.

Isaya 61:10

Jerusalem pipol dey happy, bikos of wetin God don do. E bi like yong woman wey dem dress ready for marriage. God don wear salvashon and viktory klot for en body.

Isaya 61:3

E sey, instead of sadnes, E go give joy and happiness to doz wey dey mourn for Zion. Instead of sorrow, E go put praiz song for dia mout. Dem go bi like tree wey God plant by ensef. All of dem go do wetin dey rite and dem go praiz God for wetin E don do.

Isaya 64:10

Yor holy towns bi like desert na; Jerusalem na desert wey don skata

Jeremaya 31:23

Israel God wey dey rule evribody sey, “Wen I don bring di pipol kom back to dia land, dem go tok for Judah sey, ‘Make God bless Jerusalem hill; di holy place wey E dey stay.’

Ezekiel 44:9

Mi wey bi God wey get pawa, dey kommand una sey, strenjas wey neva sekonsaiz; doz wey nor dey obey mi, make dem nor ever enter my temple, even if na strenjas wey dey stay with my pipol.”

Daniel 10:9

But I hear as e dey tok and wen I hear dis vois, I just fall face groun.

Joel 3:17

“Den, Israel pipol, una go know sey na mi bi di Oga una God. I dey stay for Zion wey bi my holy hill. Jerusalem go bi holy town and strenjas nor go fit win am again.

Nahum 1:15

Si! One messenja dey from di mountin kom give una good news! E dey bring peace message kom. So my pipol for Judah, make una celebrate kon do wetin una promise, bikos una wiked enemies nor go ever enter una land again and God go distroy dem finish.

Haggai 2:4

But naw, Oga God sey: Zerubabel make yor heart strong, Joshua, Jehozadak pikin wey bi High Priest, make yu don fear too. All di pipol wey dey di land, make una mind strong. Make una bigin work, bikos I dey with una.

Zekaraya 3:4

Den di angel tell doz wey stand near am, “Make una pul di dirty klot wey dis man wear so, komot from en body.” Den e tell Joshua, “I don forgive yu all yor sins and naw, I go give yu new klot make yu wear.”

Matiu 4:5

Den, devil show Jesus di holy town kon make am stand on-top di place wey high pass for di temple

Luke 15:22

“But di papa koll en savants kon tell dem, ‘Make una bring di best klot, ring and shoe and make una wear dem for my pikin.

Romans 13:14

Instead, make una wear Jesus Christ like klot for body. Den wi nor go do di tins wey awa body wont.

Romans 3:22

Na di faith wey pesin get for Jesus Christ go make am dey good for God eye. Anybody wey bilive Jesus, God dey make en faith strong, weda e bi Jew or Gentile pesin.

Efesians 4:24

Den, true raitiousness and holiness wey di trut dey bring, make una wear di new man wey God don kreate like ensef.

Efesians 5:14

Bikos na lite dey make evritin shine kom out and na dis make dem rite sey: “Wake-up; yu wey dey sleep! Make yu raiz from grave and Christ go shine for yor life!”

Efesians 6:10

Finally, make una dey strong with Christ mighty pawa.

Revelashon 11:2

But nor measure di temple varanda, bikos God don gi-am to Gentile pipol and dem go mash am for forty-two monts.”

Revelashon 19:14

Di sojas wey dey heaven, wear white linen kon enter white horse dey follow am.

Revelashon 19:8

Dem allow am wear klean linen wey dey shine, (Dis linen mean di good tins wey God pipol do).

Revelashon 21:2

And I si di holy town, di new Jerusalem, dey kom down from heaven from God and dem dress am like woman wey won go meet en husband.

Revelashon 21:27

But know dirty or yeye tin go ever enter di town. Pesin wey dey do bad or dey lie, nor go ever enter der, but di pipol wey go enter, na only doz wey dem rite dia name for di Lamb Life Book.