Isaya 51:5 - Holy Bible Nigerian Pidgin English

⁵ I go kom save dem kwik-kwik, bikos my time to win, don near. Mi mysef go rule all di nashons. Di lands wey dey far dey wait make I kom; dem dey wait with hope make I kon save dem.

Isaya 51:5 ပူးပေါင်းရင်းမြစ်များ

Psalms 110:6

E go ponish di nashons and dead body go full dia land. Yes! E go kut pipol head full di whole world.

Psalms 67:4

Make strenjas happy well-well, bikos Yu dey judge pipol matter well and na Yu dey rule di world.

Psalms 85:9

True-true, time dey kom wen pipol wey dey follow am well, go si en salvashon; den en glory go appear for di land again.

Psalms 96:13

before God, bikos E dey kom! Yes, E dey kom judge di eart. E go judge di world well-well and E go judge evribody akordin to wetin dem do.

Psalms 98:9

before awa Oga God, bikos E dey kom judge di whole world. E go judge di whole world well kon judge evribody, with raitiousness.

Isaya 11:11

Wen dat day rish, Israel pipol wey dey Assyria, Patros, Sudan, Elam, Babilon, Hamat, di towns wey dey near di sea and Egypt, God go use en pawa take bring dem kom back to Jerusalem.

Isaya 24:15

and doz wey dey for east, go praiz am. Di pipol wey dey stay near sea go praiz di Oga wey bi Israel pipol God.

Isaya 26:4

Make wi always dey trust God and E go protet us forever.

Isaya 33:2

So my God, make Yu sorry for us, bikos na Yu wi put awa hope on. Make Yu dey protet us evriday kon save us from trobol.

Isaya 33:22

Bikos God wey bi awa ruler, kommander and king, go diliver us.

Isaya 40:10

God wey dey mighty dey kom rule with pawa and E dey bring di pipol wey E don save with am.

Isaya 42:4

E nor go luz hope or start to fear. E go bring betta judgement kom evriwhere for di world and pipol for far-far land, dey wait make E kom tish dem.”

Isaya 46:13

I dey kom judge and diliver my pipol. E nor go tey again and di time to save dem don near. I go save Jerusalem kon honor Israel pipol.”

Isaya 49:1

Una wey dey stay for far-far land, make una listin to mi! Before dem born mi, God don koll mi. Wen I dey my mama belle, God don already know my name.

Isaya 54:17

But nor-tin wey pipol use against una, go fit distroy una; una go ovakom evribody wey dey akuiz una. Dis na wetin pipol wey dey serve Mi dey enjoy and I go defend and make dem win.” Na so God tok!

Isaya 56:1

God dey tell en pipol, “Make una do wetin dey good and korrect, bikos I go soon kom save una.

Isaya 59:16

E dey sopraiz am sey, nobody dey to help pipol wey dem dey opress. So E go save dem with en own pawa kon make dem get viktory.

Isaya 60:9

Di ship dem dey kom from far; dem dey karry God pipol with silva and gold kom back to dia house and to take honor God name, di Oga wey bi Israel pipol God wey dey holy and all di nashon dey honor en pipol.

Isaya 62:11

sey, God dey announce give di whole world naw sey: “Make una tell Jerusalem pipol sey God dey kom save dem and E dey kom with doz wey E don already save.”

Isaya 63:5

I sopraiz wen I si sey nobody dey to help doz wey dem dey opress. So, mi mysef kon go save and diliver dem with my strong hand.

Joel 3:12

Di pipol must ready kom Jehoshafat Valley. Na for der mi wey bi God go sidan judge all of dem.

Zefanaya 2:11

God go make dem fear as E dey distroy all di gods for di land.

Matiu 28:18

Den Jesus Christ waka near kon tell dem, “God don give mi all di pawa wey dey heaven and eart.

Matiu 3:2

“Make una turn from sin kom meet God, bikos God Kingdom don near.”

Mark 16:15

Jesus kommand dem sey, “Make una enter evriwhere for di world go prish di gospel give evribody.

Luke 24:47

and dem go use en name prish give pipol make dem for turn from dia sin kom meet God and di prishin go start from Jerusalem.’

Acts 17:31

bikos E don choose one day wey E go take judge di world with raitiousness thru di man wey E choose and show evribody wen E raiz am from deat.”

Romans 2:16

So just as I prish give una, na so e go bi for dat day, wen God go judge all di sekret tins wey dey pipol heart thru Jesus Christ wey bi en pikin.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

Deutronomi 30:14

But di word and kommand dey here with una. Una know am and una fit read am, so make una obey am.

1 Samuel 2:10

God go skata en enemies; E go skata dem with tonda from heaven. God dey judge di world from biginnin go rish di end. E go give en king pawa kon honor di one wey E anoint.”