Isaya 51:4 - Holy Bible Nigerian Pidgin English

⁴ My pipol, make una listin to mi! Make una listin to wetin I dey tok: I dey tish di nashons and my laws go bring lite to dem.

Isaya 51:4 ပူးပေါင်းရင်းမြစ်များ

Psalms 106:5

Make I share for di joy wey Yu dey give to di pipol wey Yu choose. Make I happy, bikos yor pipol dey happy; make I praiz Yu with doz wey bi yor own.

Psalms 147:20

E neva do like dis for any oda nashon; no oda nashon know en rules and kommand. So make wi praiz God!

Psalms 33:12

Si as blessing full di nashon wey God bi dia God, bikos God don take dem as en own.

Psalms 50:7

My pipol, make una listin as I dey tok. Israel pipol, dis na wetin I get against una, na Mi bi di Oga wey bi una God!

Psalms 78:1

My pipol, make una listin to wetin I dey tok. Make una open una ear, so dat una go hear wetin I dey tell una,

Exodus 19:6

Una go bi my kingdom priests and holy nashon wey dem dedikate give mi.’ Dis na wetin yu go tell Israel pipol.”

Exodus 33:13

Naw, if really sey I dey good for yor eye, make Yu show mi yor way; so dat I go know Yu more-more kon kontinue to dey good for yor eye. Den I go si sey dis pipol, na yor pipol.”

Proverbs 6:23

Wetin dem sey make yu do, bi like lite and dia korreshon go fit tish yu how to live yor life.

Isaya 1:27

Bikos God dey holy, E go save Jerusalem and anybody wey turn from sin kom meet am.

Isaya 2:3

and pipol go dey sey, “Make wi klimb go God mountin. Yes! Make wi go Israel God Temple, den E go tish us wetin E wont make wi do and wi go waka for di road wey E choose. Bikos betta tishing dey kom from Jerusalem and God dey tok to en pipol from Zion.

Isaya 26:2

Make una open di town gates, so dat di nashon wey dey faithful; wey en pipol dey do wetin dey rite, go fit enter.

Isaya 26:8

My Oga God! Wi dey wait for Yu as Yu dey judge us. Yes! Na yor greatness and as Yu dey do yor tins, dey make us grow.

Isaya 33:22

Bikos God wey bi awa ruler, kommander and king, go diliver us.

Isaya 42:21

God wont make dem know how E dey judge thru en raitiousness and how E dey show am.

Isaya 42:6

Na mi wey bi God choose yu to show as I good rish. I go hold yor hands kon guide yu and I go give yu to my pipol Israel, just to fulfil my kovenant. And yu go bi lite to guide oda nashons.

Isaya 49:6

God tell mi, “My savant, I get big work for yu; yu nor go only make Israel pipol wey survive, great again, but I go still make yu di lite for di nashons, so dat all di world go dey save.”

Isaya 55:3

My pipol, make una open una ear as una dey kom meet mi; make una kom meet mi and una go get life! I go give una kovenant wey go last forever kon give una di blessings wey I promise David.

Isaya 63:8

God sey, “Dem bi my pipol and dem nor go lie give mi.” E save dem

Mikah 4:2

Pipol from many nashons go kom and dem go sey, “Make una kom make wi go di Oga mountin wey bi Jakob God house, so dat E go tish us en laws and wi go do evritin just as E wont am.” Nor bi only di pipol for Zion and Jerusalem go hear God word, but oda nashons go hear am too.

Luke 2:32

Na-im bi di lite wey go show Gentile pipol road kon bring honor to yor pipol, Israel.”

1 Korintians 9:21

And wen I dey with pipol wey nor dey live by di law, I nor dey use di law for dem, so dat I go fit win dem. But dat nor mean sey, I go forget God law, bikos na Christ law dey rule mi.

Deutronomi 18:18

From among dia own pipol, I go raiz one profet like yu. I go put my word for en mout and e go tell dem anytin wey I kommand.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.