Isaya 51:22 - Holy Bible Nigerian Pidgin English

²² di Oga wey bi una God dey defend una naw sey, “I dey take di cup wey I give una with vexnashon. Una nor go drink di wine wey dey make una stagga again.

Isaya 51:22 ပူးပေါင်းရင်းမြစ်များ

Psalms 35:1

My God, make Yu oppoz doz wey dey oppoz mi and fight doz wey dey fight mi.

Psalms 60:3

Yu dey trit us with strong hand kon make us drink wine wey dey katch us naw.

Proverbs 22:23

bikos God go judge dia kase for dem kon ponish doz wey dey treaten dia life.

Isaya 29:9

Make una kontinue to dey fool unasef! Make una dey bihave like pesin wey nor dey si! Make una dey stagga fall even wen una nor drink wine. Yes! Make una dey stagga waka, even doh una nor drink!

Isaya 3:12

Wiked men dey opress my pipol and doz wey borrow dem money, don turn to dia oga. My pipol, una leaders dey lead una anyhow and naw, una nor know di rite road wey una suppose follow.

Isaya 3:13

God don dey ready to judge. Yes! E don ready to judge en pipol.

Isaya 49:25

But dis na wetin God tok: “True-true, dem go release doz wey dey prison and dem go seize wetin strong men karry kom from war. I go fight with anybody wey fight with una kon save una shidren.

Isaya 51:17

Jerusalem, make una wake-up! Make una karry unasef up! Una don drink from di ponishment cup wey God give una, bikos E dey vex. Una drink am and e dey make una stagga.

Isaya 62:8

God don make betta promise and E go make am happen with en pawa den E go sey: “Enemies nor go chop una korn again and strenjas nor go drink una wine again.

Jeremaya 25:15

Oga wey bi Israel God tell mi, “Make yu take dis wine cup wey my vexnashon full and make all di nashons wey I send yu go meet, drink from am.

Jeremaya 50:34

But di Pesin wey go save dem, dey strong. Dem dey koll am Oga God wey dey rule ova evritin. E go fight for dem kon bring peace and rest kom di eart, but na trobol, wahala and pain go follow Babilon pipol.”

Jeremaya 51:36

Dis na wetin God tell Jerusalem pipol: “I go bi una lawyer kon judge una kase, den I go fight for una. I go dry Babilon rivers.

Lamentashons 3:15

Na bitterness and sofa bi di food and drink wey God dey give mi.

Lamentashons 3:58

Oga God, na Yu bi my lawyer, so make Yu judge my kase, bikos Yu don save my life.

Ezekiel 39:29

I go pour my Spirit put for Israel pipol body and I nor go leave dem again. Mi, God wey get pawa, don tok.”

Joel 3:2

I go gada and judge di pipol for Jehoshafat Valley, bikos of wetin dem do my pipol. Dem skata Israel pipol for evriwhere kon divide dia land.

Obadaya 1:16

Just as una swallow my pipol for my holy mountin, na so too una and di oda nashons go swallow di ponishment wey I go give una. Una go drink kon stagga until una disappear komot from dis eart.

Mikah 7:9

I go dey patient as God dey ponish mi, bikos I don sin against am. But afta E don ponish mi, E go fight for mi kon make mi win. God go take mi enter di lite and I go si en raitiousness.

Zekaraya 12:2

“I go make Jerusalem bi like cup wey wine full and all di kountries near am go drink from am kon dey stagga like drunkard man. And wen dem won attack Jerusalem, dem go attack all di town for Judah too.

Matiu 20:22

Jesus ask dem again, “Una know wetin una dey ask for so? Una go fit drink from di cup wey I won drink from?” Dem ansa, “Yes! Wi go fit.”

1 Samuel 25:39

Wen David hear sey Nabal don die, e kon sey, “Make wi praiz God wey don fight for us, bikos of wetin Nabal do. God stop en savant to do bad and E don reward Nabal with di wiked wey e do.” Den David send pipol go meet Abigail sey make e bi en wife.