Isaya 50:10 - Holy Bible Nigerian Pidgin English

¹⁰ All of una wey dey respet God and obey en savant words, di road wey una dey waka fit dey dark, but make una trust una Oga God! Make una put hope for una God.

Isaya 50:10 ပူးပေါင်းရင်းမြစ်များ

2 Samuel 22:29

Oga God! Na Yu bi my lite; Yu don remove my darkness.

1 Kronikles 5:20

Dem ask and pray to God make E help dem and God ansa dia prayers kon make dem win di war.

2 Kronikles 20:12

Awa Oga God, Yu nor go judge dem? Wi nor get pawa rish dis plenty sojas wey dey kom attack us so o-o. Wi nor know wetin wi go do, so wi kom meet Yu make Yu help us.”

2 Kronikles 20:20

Di next day for early morning, dem mash go Tekoa Desert. Wen dem don ready to move, Jehoshafat kon stand sey: “Make una listin, una wey bi Judah pipol and doz wey dey stay for Jerusalem! Make una trust di Oga una God and E go save una! Make una trust en profet words and una go win.”

Job 13:15

Even if E kill mi, I go still dey bilive am; I go still tell am wetin dey do mi!

Job 29:3

Dat time, God always dey with mi and E dey give mi lite wen I dey waka for darkness.

Psalms 111:10

Na to obey God bi di rite way to get sense and evribody wey dey do wetin E tok, dey get sense and do well. So make praiz bi en own forever and ever.

Psalms 128:1

Make una si di blessing wey dey follow doz wey dey fear and do wetin God kommand.

Psalms 145:21

So, I go praiz God and make evribody for eart bless en holy name forever and ever.

Psalms 23:4

Even doh I waka pass di place wey dark pass and where deat dey, I nor go fear anytin, bikos E dey with mi; en rod and staff dey protet and konfort mi.

Psalms 25:12

How wi go take know doz wey dey fear God? Na doz wey God go show di rite road wey dem go follow.

Psalms 25:14

God na friend to doz wey dey fear am and E dey tish dem en kovenant.

Psalms 28:7

Na God bi my strent, my guide and I trust am with all my heart. My heart dey happy well-well, bikos God help mi. So, I go always dey sing dey tank am.

Psalms 42:11

Wetin make mi nor get hope? Wetin make my heart nor dey happy at-all? But I go still put my hope for God hand! I go still dey praiz am, bikos na-im bi my Savior and God!

Psalms 62:8

My pipol, make una always dey trust God, bikos na en dey guide us.

Ekklesiastes 12:13

So, since yu don hear evritin, dis na my last advise: “Make yu fear God and obey all en kommands, bikos na wetin man suppose do, bi dat.”

Isaya 10:20

But time dey kom wen Israel pipol wey go survive nor go depend on di pipol wey almost distroy dem. Instead dem go only depend and trust Israel God wey dey holy.

Isaya 12:2

Si! Na God dey save mi. I go trust am and I nor go fear. Na God dey give mi pawa and strent and na-im dey save mi.

Isaya 26:9

I look for Yu for nite, my spirit dey find Yu for morning, bikos wen Yu start to judge di world, den pipol for dis world go know and learn how to bihave well.

Isaya 42:1

God sey, “Na my savant wey I give pawa bi dis; di pesin wey I choose and I dey happy with am. I don put my Spirit inside am and e go judge di nashons well.

Isaya 50:4

God wey get pawa don tish mi wetin I go tok, so dat I go fit make pipol wey dey weak, strong. Evry morning, I dey-dey happy to hear wetin God dey tish mi.

Isaya 53:11

But wen e si all di good tins wey en sofa bring, belle go sweet am. My savant wey I like well-well, go bear plenty pipol ponishment and I go forgive dem bikos of am.

Isaya 59:9

Di pipol sey, “Na naw wi know why God nor save us from doz wey dey opress us. Wi dey hope sey wi go si lite, but na only darkness wi dey si

Isaya 8:17

I go really wait for God wey don rijet Jakob family; I go wait for am.

Isaya 9:2

Pipol wey dey waka for darkness don si lite. Lite dey shine for doz wey dey stay for di land where strong darkness dey.

Lamentashons 3:2

E don porshu mi and naw I dey waka for darkness.

Daniel 3:28

Nebukadnezzar kon sey, “I praiz Shadrak, Meshak and Abednego God, bikos na-im send en angel kom diliver en savants wey trust am. Dem nor gri obey di king kommand! Instead make dem bow woship my god, dem risk dia life kon sey, ‘Na only awa God wi go woship.’

Nahum 1:7

Oga God dey good, E dey protet en pipol wen dem dey trobol and E dey kare for doz wey trust am.

Zefanaya 3:12

Pipol wey dey honbol and good, na dem go stay with una and dem go dey save for God present.

Haggai 1:12

So, Zerubabel wey bi Shealtiel pikin with Joshua, Jehozadak pikin wey bi di High Priest and evribody wey kom back from Babilon kon obey Oga God message wey E tell dem thru Profet Haggai and dem kon dey follow and obey God word, well-well.

Malakai 3:16

Den di pipol wey dey fear God kon tok to each oda and God listin and hear wetin dem tok. For God present, all doz wey dey fear and respet en name, dem kon rite dia name put for one book so dat God go remember dem.

John 12:46

I kom as lite for dis world, so dat anybody wey go bilive mi nor go waka inside darkness.

John 8:12

Den Jesus sey, “Na mi bi di lite wey dey di world, anybody wey follow mi, nor go waka for darkness lie-lie, but e go get di lite wey go gi-am life.”

Efesians 5:8

Before-before, una dey for darkness, but naw, una bi lite wey dey shine inside Christ. So make una dey do tins like shidren wey get lite,

Hibru 5:9

Wen God don make Christ pafet finish, e kon save evribody wey obey am.

1 Pita 5:7

Make una karry all una trobol give God, bikos E kare for una.

1 Samuel 30:6

David vex well-well, bikos en men dey tink for dia mind sey make dem stone am. Each man dey kry for en pikin. But di Oga God kon give David strong mind.