Isaya 50:1 - Holy Bible Nigerian Pidgin English

¹ Dis na wetin God tok: “Una tink sey I drive my pipol komot like man wey drive en wife komot en house? Where di leta wey I take drive una mama? Una tink sey I sell una as slave like man wey sell en shidren? No! Una bi slave, bikos of una sins and dem karry una komot from una land, bikos of di bad-bad tins wey una do.

Isaya 50:1 ပူးပေါင်းရင်းမြစ်များ

1 Kings 21:25

(E nor get any oda pesin wey do dis kind bad tin for God present, like Ahab, just bikos of en wife Jezebel.

2 Kings 17:17

Dem offa dia shidren as sakrifice and dey do majik and oda bad-bad tins. Dem decide to dey do bad tins for God present and na dis make God dey vex.

2 Kings 4:1

One day, one woman wey en husband bi profet before e die kon kry go meet Elisha sey, “Yor savant my husband don die. Yu know sey yor savant dey follow God kommand. Naw, doz wey e dey owe money before e die, won kom take my two sons as slave.”

Nehemaya 5:5

Wi bi Jew pipol too, awa shidren bi like dia own shidren. But wi sell awa shidren as slave give dem. Dem don sell some among awa dotas as slave. Wi nor get pawa or who go help us, bikos dem don take awa farms and vineyards from us.”

Estha 7:4

Bikos dem don sey make dem distroy, both mi and my pipol! If to sey dem just sell us as slaves, I nor for tell yu about am, but dem go soon kill all of us finish.

Psalms 44:12

Na one-one kobo Yu sell yor special pipol and Yu nor gain anytin from inside.

Exodus 21:7

“If anybody sell en dota as slave, di girl nor go-go like man slave.

Isaya 1:28

But E go kill anybody wey dey sin and fight against am. E go kill anybody wey nor respet am.

Isaya 27:8

No, but God vex for en pipol kon send dem go Babilon as dia ponishment. E karry dem komot from dia land with one strong breeze from di east.

Isaya 43:27

Una grand-grand papa dem wey dey before, kommit sin. Una leaders sin against mi and una rulers stain my temple with blood.

Isaya 46:8

Una wey dey tok against God, make una remember and tink of all wetin God don do.

Isaya 52:3

God wey get pawa dey tell en pipol sey, “Wen una bi slave, dem nor pay any money take buy una, na so too, dem nor go pay anytin to take free una.

Isaya 54:6

Israel pipol, una bi like yong wife wey sorrow full en heart, bikos en husband leave am.” But God dey koll una kom meet am sey,

Isaya 54:7

“Even doh I leave una for shot time, I go take una back and show una my love wey nor dey end.

Isaya 58:1

God sey, “Make una shaut well-well! Make una tell Israel wey bi my pipol about dia sins!

Isaya 64:6

All of us nor dey klean and dirty full awa life. Bikos of awa sins, wi bi like leaf wey don fade wey breeze dey blow trowey.

Jeremaya 3:1

God sey, “If man drive en wife and di woman go marry anoda man, di man go fit go marry di woman again? Dat kind tin go make di land dirty. But Israel pipol, una bi ashawo wey get many husband and naw, una won turn back kom meet mi.

Jeremaya 3:8

I drive Israel pipol, bikos of dia ashawo life, yet en sista, Judah, nor fear, but e kon join dey do ashawo too.

Jeremaya 4:18

Judah, na una kause dis wahala, bikos una dey live yeye life kon dey do bad tins. Na una sin kause dis sofa and e go pain una enter una heart.

Hosea 4:5

Una go fall for day time and una wayo profets go fall with una for nite, den I go distroy una mama Israel.

Levitikus 25:39

“ ‘If una fellow Israel pipol wey dey stay near una dey poor kon sell ensef for una to bi slave, una nor go make am do di work wey oda slaves dey do.

Matiu 18:25

Bikos e nor fit pay wetin e whole, di king kon orda make dem sell di man, en wife, en shidren and evritin wey e get, take pay di debt.

Deutronomi 32:30

How one pesin go fit porshu 1,000 among dem and two pipol porshu 10,000; if nor bi sey dia Rock sell dem and dia God give dem to dia enemies?