Isaya 5:29 - Holy Bible Nigerian Pidgin English

²⁹ Di sojas dey shaut like lion wey kill animal kon karry am go where nobody go for fit take am from am.

Isaya 5:29 ပူးပေါင်းရင်းမြစ်များ

Jenesis 49:9

Judah my pikin, yu bi yong lion wey just chop wetin e kill finish. Yu dey kill like lion kon kwayet dey look; yu bi like woman lion, na who go fit fight am?

Psalms 50:22

All of una wey don forget mi, make una turn from sin kom meet mi or I go kill una finish and nobody go kom help una.

Isaya 10:6

I send Assyria pipol go attack di nashons wey nor know mi kon karry, tif and skata di pipol like dirty for street.

Isaya 31:4

True-true, dis na wetin God tell mi, “Like lion wey dey shaut with vexnashon or yong lion wey won chop wetin e kill, na so I go bi like. Even doh many shepad gada round di lion, e nor dey fear dia shaut or run from dem. Na like dis too, Oga God wey dey lead heaven sojas, go kom help Mount Zion.

Isaya 35:9

No lion go dey der and wild animals nor go pass dat place. Na di pipol wey God don save, go pass dat road.

Isaya 42:22

But naw, dem don tif all en pipol tins; lock dem undagroun kon hide dem for prison. Dem tif from dem kon karry all dia tins komot and nobody dey to save dem.

Isaya 47:15

All yor friends wey use dey do business with since yu bi small pikin, go turn leave yu and nobody go kom help yu.”

Jeremaya 2:15

Di enemies dey shaut like lion as dem dey distroy my pipol; skata dia land and burn di towns with doz wey dey stay der.

Jeremaya 4:7

Just like lion wey kom out from where e hide put, na so too di pesin wey dey distroy nashons go kom out. E dey kom distroy Judah: di town go skata finish and nobody go stay der again.”

Jeremaya 49:19

“Like lion wey run kom from Jordan bush kon katch sheep for fine betta land, na so too I go make Edom pipol run komot from dia kountry. Den di leaders wey I choose go rule di nashon. Bikos e nor get anybody wey bi like mi and nobody fit shalenge mi! Wish ruler fit go against wetin I tok?

Jeremaya 50:17

God sey, “Israel pipol bi like sheep wey run skata for evriwhere bikos lion dey porshu dem. Assyria king first attack and kill dem, before King Nebukadnezzar for Babilon kon break dia bones.

Jeremaya 51:38

En pipol go shaut like lion wey dey find food; like lion shidren wey dey hongry.

Hosea 11:10

I go shaut like lion kon fight my pipol enemies, den my pipol go follow mi. Dem go rush kom meet mi from west.

Amos 3:8

So na who nor dey fear if lion dey shaut? God wey dey mighty don tok, na who nor go tok about am?

Mikah 5:8

Doz wey remain for Israel go skata go oda nashons and dem go bi like lion among animals for bush; like yong lion wey dey mash and kill oda animals without who go save dem.

Nahum 2:11

So wetin don happen to Nineveh, dat great town? Dat place where lion full? Just as lion and en shidren nor dey fear to waka, na so too di pipol for der nor dey fear to waka before.

Zefanaya 3:3

En leaders bi like hongry lion wey dey look for who dem go chop. Dem dey hongry like wolf for desert wey dey chop dia food finish for morning.

Zekaraya 11:3

Make una si as doz wey dey lead di pipol dey kry, bikos dia glory don vanish! Make una listin as lions dey shaut, bikos dem don distroy di bush where dem dey stay, near Jordan River!

Nombas 24:9

Di nashon bi like strong lion; wen e dey sleep, nobody fit wake am. Anybody wey bless Israel pipol, go dey bless and anybody wey curse Israel pipol, curse go follow am.’ ”