Isaya 5:23 - Holy Bible Nigerian Pidgin English

²³ Dem dey free pipol wey dey guilty kon opress doz wey dey innocent, bikos dem don take bribe.

Isaya 5:23 ပူးပေါင်းရင်းမြစ်များ

1 Kings 21:13

Leta, di two jaguda kon akuiz Nabot sey, e curse God and di king, so dem take am go outside di town kon stone am die.

2 Kronikles 19:7

Make una respet God as una dey take decision, bikos di Oga wey bi awa God nor dey like wayo, bribe or anyhow tins.”

Psalms 94:21

Dem dey plan against di pesin wey dey do wetin dey rite kon kondemn and kill innocent pipol.

Proverbs 17:15

God nor like pipol wey dey defend wiked pipol and kondemn doz wey dey innocent.

Proverbs 17:23

Wiked judge dey take bribe for sekret and bikos of dat, dem nor go give korrect judgement.

Proverbs 24:24

If di judge sey na di pesin wey do wrong dey innocent, evribody go curse and hate am.

Isaya 1:23

Una leaders don rijet mi and na tif bi dia friends; dem dey always kollect bribe from pipol. If pipol wey nor get papa and mama and doz wey dia husband don die bring dia kase kom meet una, una nor dey defend or listin to dem.

Isaya 10:1

Una own don finish! Una wey dey make wiked laws and dey opress my pipol.

Isaya 10:2

Una dey opress poor pipol and nor gri give dem dia freedom. Una dey do like dis, so dat una go fit tif from shidren wey nor get papa and mama again and wimen wey dia husband don die.

Isaya 28:7

Even di profets and di priests dey stagga bikos dem don drink well-well. Dem don drink plenty wine and e dey konfuse dem. Dem don drink sotey dem nor dey fit undastand di vishon wey God send kom or judge any kase well.

Isaya 29:21

God go distroy doz wey dey lie against dia neighbours; pipol wey dey katch and kill pipol and doz wey nor dey give korrect judgement.

Isaya 32:7

Na so-so wiked tins pipol wey dey deceive odas dey tink and na di wiked tins wey dem won do to poor pipol, dem dey always dream about, even wen di poor pipol dey do wetin dey rite.

Isaya 59:15

Trut nor dey awa mout again and di pesin wey nor dey won do evil, dem dey take en tins from am. God dey look and vex, bikos betta judgement nor dey una body.”

Amos 5:12

Una sin and all di bad-bad tins wey una do, I know as dem bad rish. Una ponish good pipol; dey take bribe and nor allow poor pipol get korrect judgement for kourt.

Mikah 3:11

Una leaders nor dey judge well, bikos dem don take bribe and una priest dem dey do dia work, bikos of money. Una profets nor dey profesai unless dem first pay dem. Yet all of una sey una trust God. Una sey, “Nor-tin go happen to us, bikos God dey with us.”

Mikah 7:3

Dia hand dey only like to do bad tins! Doz wey bi ofisas and judge, na only bribe dem wont. Doz wey get pawa, dey use am get wetin dem wont.

Matiu 23:35

So all God pipol blood wey una kill for dis world, go dey una head. From Abel blood go rish Zekaraya wey bi Barakaya pikin, wey una kill for inside di temple.

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

James 5:6

Yu don kondemn and kill pipol wey nor do bad, bikos dem nor fit stop yu.