Isaya 49:12 - Holy Bible Nigerian Pidgin English

¹² Si, my pipol go kom from far; some from nort, west and from Egypt wey dey sout.”

Isaya 49:12 ပူးပေါင်းရင်းမြစ်များ

Psalms 22:27

Di whole eart go know God kon run go meet am. Evribody for di world go bow woship am.

Psalms 72:17

Make di king rule forever; make en kingdom kontinue as long as di sun dey shine. Make blessing dey all di nashons bikos of am, so dat dem go praiz am.

Isaya 11:12

God go raiz flag as sign for di pipol; E go gada dem togeda again with all en pipol wey skata for evriwhere for di eart.

Isaya 45:22

Make evribody for di world turn kom meet mi naw and una go dey save, bikos na mi bi di only God wey dey.

Isaya 49:1

Una wey dey stay for far-far land, make una listin to mi! Before dem born mi, God don koll mi. Wen I dey my mama belle, God don already know my name.

Isaya 49:18

Make una look round kon si wetin dey happen! Make all una sons gada kom meet una! Naw God dey sey, as long as una shidren dey alive, dem go bi like pomade for una body; una go wear dem like di gown wey woman wey won marry dey wear.

Isaya 55:5

Naw, una go gada oda nashons wey una nor know before. And nashons wey nor know una before, go run kom meet una! Bikos mi wey bi di Oga una God, di Pesin wey bi Israel God wey dey holy, go make all dis tins happen. I go give una honor and glory.”

Isaya 59:19

From east go rish west, evribody go fear en and en great pawa. E go kom like river wey dey rush well-well and like strong breeze wey dey blow.

Isaya 60:4

Make una look round kon si wetin dey happen; una pipol dey gada kom house! Una shidren go kom from far place; dem go karry una girls for shoulder kom back.

Jeremaya 30:10

My pipol, make una nor fear; make Israel pipol nor fear at-all. I go save una from di far land where una dey as prisonas. Una go kom back to una house kon stay for peace and nobody go make una fear again.

Mikah 4:2

Pipol from many nashons go kom and dem go sey, “Make una kom make wi go di Oga mountin wey bi Jakob God house, so dat E go tish us en laws and wi go do evritin just as E wont am.” Nor bi only di pipol for Zion and Jerusalem go hear God word, but oda nashons go hear am too.

Zekaraya 2:11

For dat time, many nashons go kom meet God and dem go bi en pipol. God go stay with una, den una go know sey na God send mi kom.

Zekaraya 6:15

Pipol from far go kom join build God temple again. And wen dem don build am finish, yu go know sey na God wey dey mighty send mi kom meet yu. All dis tins go happen if yu use yor whole heart take obey all wetin di Oga yor God kommand yu.” ’ ”

Matiu 8:11

Many pipol from east and west go kom follow Abraham, Isaak and Jakob chop inside God Kingdom.

Luke 13:29

Pipol go from east, west, nort and sout kon sidan for di party for God Kingdom.

Revelashon 11:15

Di sevent angel blow en trumpet and one loud vois kon shaut from heaven: “All di kingdom for di world don bi God and Christ own. E go rule forever and ever.”

Revelashon 7:9

Afta all dis tins, I look up kon si crowd wey nobody fit kount. Dem kom from difren tribe, kountry, group, language and dem stand for di throne and di Lamb front. Dem wear white klot kon whole palm tree branches for hand