Isaya 48:11 - Holy Bible Nigerian Pidgin English

¹¹ Na bikos of mi, I dey do am. Yes! I dey do all dis tins bikos of mi. I nor go fit let una spoil my name. I nor go let anybody share my glory with mi.

Isaya 48:11 ပူးပေါင်းရင်းမြစ်များ

Psalms 106:8

But God still save dem, just to defend di honor for en name and to show en mighty pawa.

Psalms 115:1

My God! Nor bi wi get di glory! Nor bi wi, but make all glory bi yor own, bikos of yor faithfulnes and love wey nor dey fail.

Psalms 25:11

My God, bikos of di honor wey yor name get, make Yu forgive mi my many-many sins.

Psalms 25:7

Make Yu nor remember di sins wey I kommit wen I yong. Remember mi for di lite wey yor love wey nor dey fail dey bring, bikos Yu my God, dey sorry for pesin.

Isaya 37:35

I go defend and protet dis town, bikos of my honor and wetin I promise David, my savant.’ ”

Isaya 42:8

Na mi bi God and na my name bi dat; I nor go share my glory with anybody or let juju follow mi share my praiz.

Isaya 43:25

But na mi wey bi God still dey forgive una sins and I do all dis tins, bikos of who I bi! I nor go kount una sins against una.

Isaya 48:5

So, I don tell una about dem since, even before dem happen, I don tell una, so dat una nor go sey na una juju and image make dem happen.

Isaya 48:9

But bikos of my name, I nor gri ponish una; bikos of my praiz, I nor gri distroy una at-all.

Isaya 52:5

Di same tin don happen naw for Babilon, una don bi slave and dem nor pay anytin for una head. Pipol wey dey rule una dey make mout and dem dey always use my name make yeye.

Jeremaya 14:7

Den I ansa, “My God, even doh awa sins dey tok against us, make Yu kom save us bikos of di honor for yor name. True-true, wi don turn from Yu many times and sin against Yu.

Ezekiel 20:14

But I nor distroy dem since dat one fit stop pipol to obey mi, bikos some kountry don si and hear as I take-take Israel pipol komot from Egypt.

Ezekiel 20:22

but I nor distroy dem since dat one fit stop pipol to obey mi, bikos some kountry don si and hear as I take-take Israel pipol komot from Egypt.

Ezekiel 20:39

God wey get pawa sey, “Israel pipol, make una dey do wetin una like! Make una kontinue to serve una juju! But I dey warn una sey, afta una don serve juju finish, una go must obey mi kon stop to rijet my name wey dey holy, bikos una dey ofrin to juju.

Ezekiel 20:44

Dat time, bikos of who I bi, I nor go ponish una as e suppose bi, den una wey bi Israel pipol go know sey na mi bi God.” God wey get pawa don tok.

Ezekiel 20:9

But I nor do am, bikos I nor won disgrace my name. I nor go spoil my name give doz nashons wey si mi wen I dey take my pipol komot Egypt

Ezekiel 36:22

“Naw, make yu go tell Israel pipol dis message wey mi God wey get pawa get for dem: Wetin I won do nor bi bikos of una, but na bikos of my holy name; di name wey una don disgrace for evriwhere.

Daniel 9:17

“So naw, God, make Yu hear my prayer and as I dey beg Yu. Make Yu sorry for yor temple wey dem don distroy; so dat evribody go know sey na only Yu bi di God wey nor dey die.

John 5:23

so dat evribody go bow down for di pikin as dem dey bow down for di Papa. If anybody nor bow show respet for di pikin, e nor go get di mind to respet di Papa wey send di pikin kom.

Romans 2:24

Just as God word sey, “Bikos of una wey bi Jew pipol, Gentile pipol dey take God name make yeye.”

1 Samuel 12:22

God nor go leave en pipol, bikos E don make promise with una grand-grand papa. God happy to make una en own pipol.