Isaya 46:7 - Holy Bible Nigerian Pidgin English

⁷ Dem go karry am for dia shoulder dey waka kon go put am for where e go dey. E nor go fit komot for where dem put am. Even wen pesin pray to am, e nor go fit ansa or save di pesin from wahala.

Isaya 46:7 ပူးပေါင်းရင်းမြစ်များ

1 Kings 18:26

So dem take one melu as Elijah tok kon kill-am put on-top di firewood wey dem arrange. Dem koll dia juju, Baal name from morning go rish aftanoon kon dey sey, “Baal! Make yu ansa us o-o.” But e nor ansa dem, even as dem dey jump anyhow for di altar wey dem make.

1 Kings 18:29

Dem shaut and kry till aftanoon, but dem nor hear any sound, ansa or anytin.

1 Kings 18:40

Profet Elijah tell dem, “Make una hold di Baal profets! Make una nor let any one eskape!” So dem hold di profets and Elijah karry dem go Kishon Valley kon kill dem for der.

Isaya 37:38

One day wen e dey woship for Nisrok wey bi en god temple, Adrammelek and Shareza wey bi en sons kon shuk am die with dia swod, den dem run go Ararat land. En pikin Esarhaddon kon take-ova as king.

Isaya 40:20

Pesin wey nor fit buy silva or gold go use wood wey nor go rust and e go find who sabi di work make e help am make image wey nor go skata.

Isaya 41:28

Wen I look all di gods, no one get anytin to tok; no one among dem fit ansa di kweshon wey I ask dem.

Isaya 41:29

All dis gods dey yuzles; dem nor fit do anytin at-all. Di juju dem dey weak and konfuse and dem nor get pawa at-all.”

Isaya 41:7

Di karpenters among dem dey enkourage doz wey dey make gold and di man wey dey karve di juju dey tell di one wey dey nail am togeda sey, ‘I like as yu nail am strong so, bikos e nor go fall.’

Isaya 44:12

Blacksmit dey melt iron for fire. E go nak am with hammer until e get di shape wey e wont and na en strong hand e take dey make am. Wen e hongry, e go kon weak. If e nor si wota drink, e fit faint.

Isaya 45:20

God sey, “Una wey survive for di nashons, make una gada kom! Pipol wey dey waka for evriwhere with di wood juju wey dem dey serve kon dey pray give oda gods wey nor fit save dem, nor know anytin at-all!

Isaya 46:1

“Bel and Nebo town don fall. Dem pak dia juju on-top donkey and naw, di juju too heavy for di donkey to karry.

Isaya 47:15

All yor friends wey use dey do business with since yu bi small pikin, go turn leave yu and nobody go kom help yu.”

Jeremaya 10:5

Dat kind juju bi like image for farm where dem plant melon put. Di juju nor dey tok; dem must karry am waka, bikos e nor get leg. But make una nor fear dem, bikos dem nor go fit wound or help una.”

Jeremaya 11:12

Den, Judah and Jerusalem pipol go kry go meet di gods wey dem dey sakrifice to, so dat dem go kom help dem. But doz gods nor go fit save dem wen di wahala start.

Jeremaya 2:28

Where di gods wey una make for unasef? Wen ever una dey for trobol, make dem kom save una if dem fit! True-true, di gods wey dey Judah many like di towns wey dem get.

Daniel 3:1

King Nebukadnezzar build one gold image. E tall rish ninty fit and na so too e wide rish nine fit. Di king put di image for Dura aria for Babilon.

Jonah 1:5

Di sailors kon dey fear; evribody bigin kry kon dey pray to dia difren juju. Den dem kon dey trowey dia load for wota make di ship for lite. By dis time, Jonah dey inside-inside di ship dey sleep.

1 Korintians 12:2

I won make una remember sey, before una bigin follow Christ; na juju una dey serve.

1 Samuel 5:3

Wen di pipol for Ashdod wake-up di next day, Dagon don fall for groun for di box front. So dem take Dagon kon put am back for where e suppose dey.