Isaya 45:19 - Holy Bible Nigerian Pidgin English

¹⁹ I nor dey tok for sekret or for di dark place for di eart. I neva ever sey, ‘Jakob shidren just dey follow mi for nor-tin.’ Mi wey bi God dey tok di trut. Yes! I dey tok wetin dey rite.”

Isaya 45:19 ပူးပေါင်းရင်းမြစ်များ

1 Kronikles 28:8

“So naw, my pipol, for awa God present and for all Israel wey bi God pipol front, I sey make una obey evritin wey God kommand us, so dat una go kontinue to stay dis betta land kon leave am for una shidren-shidren forever.”

2 Kronikles 15:2

E go meet King Asa kon tell am, “King Asa, Judah and Benjamin tribe, make una listin to mi! As long as una dey obey God, E go always dey with una. If una koll am, E go ansa una, but if una rijet am, E go rijet una too.

2 Kronikles 7:14

if my pipol go honbol demsef kon pray to mi and turn from dia sins, I go hear and ansa dem from heaven kon forgive dia sins, den heal dia land.

Ezra 8:22

I dey shame to ask di king make e give us some sojas wey go guide us from awa enemies as wi dey travel, bikos I tell am sey, Awa God dey bless anybody wey trust am, but E dey ponish and vex with anybody wey turn from am.

Psalms 12:6

God promise dey pure well-well like silva wey dem melt for fire.

Psalms 24:6

Dis kind pipol dey go find and woship am, bikos na-im bi di Oga wey bi Jakob God.

Psalms 69:13

So my God, make Yu hear my prayers kon favor mi and bikos of yor great love, make Yu ansa and diliver mi!

Psalms 69:32

So make pipol wey dem dey opress, happy, bikos God go enkourage doz wey dey obey am.

Psalms 78:34

Wen God dey kill dem, dem kon dey beg make E sorry for dem. Dem turn to God kon take am sirious.

Psalms 9:10

Doz wey dey loyal to Yu, dey trust Yu, bikos Yu nor dey leave doz wey wont make Yu help dem.

Proverbs 1:21

e dey shaut dey koll dem from di town gate and anywhere wey pipol gada put.

Proverbs 15:8

God hate wiked pipol sakrifice, but E dey enjoy good pipol prayers.

Proverbs 30:5

“Evritin wey God tok, dey korrect. E dey guide evribody wey kom meet am make E protet dem.

Proverbs 8:6

Make una listin to mi! I get betta words to tell una and na di rite words I dey tok so.

Isaya 1:15

Wen una raiz una hand dey pray, I nor go look una. Even if una pray many prayers, I nor go listin, bikos blood don stain una hand.

Isaya 43:12

I first tok wetin go happen and den, I kom save una and know oda god don do like dis before. Yes! Na una bi my witness.

Isaya 44:8

So my pipol, make una nor fear or shake! Una know sey from biginnin kon rish naw, I always dey tok di tins wey go happen and una bi my witness. E get any oda god apart from mi? E nor get any oda god, wey get pawa. I neva si or hear about any one?

Isaya 45:23

Wetin I promise una, na true and nobody go fit shange am. Evribody go kom knee down for my front den promise sey dem go respet and obey mi.

Isaya 45:25

Dem go bless and praiz Israel pipol, bikos of di Oga awa God.”

Isaya 48:16

So make una kom near mi and listin to wetin I dey tok: ‘Since I start to tok, I nor hide dey do am; so wen e go happen, I go dey here.’ And naw, Oga God wey get pawa don send mi with en Spirit.

Isaya 63:1

“Who bi dis pesin wey dey kom from Bozrah wey dey Edom? Who wear fine red klot dey waka kom with pawa and strent?” Na mi God wey dey speak with raitiousness, wey dey mighty and get pawa to save.

Isaya 65:9

I go bless Israel pipol wey kom from Judah tribe and na dia shidren-shidren go stay my land. My pipol wey I choose wey serve mi, na dem go stay for der.

Isaya 8:19

But pipol go tell una make una go meet doz wey dey si vishon, so dat dem go give una message and afta dem don tok anyhow, dem go sey, “Make una go meet dead body spirits, so dat dem go help una.”

Jeremaya 2:31

Pipol for dis generashon! Make una listin to wetin God dey tok: “Israel pipol, I bi like desert for una eye naw? Abi, I bi like land wey dark well-well? So wetin make my pipol dey sey, ‘Wi don free from God hand and wi nor nid am again!’

Amos 5:4

God tell Israel, “Make una kom back kom meet mi and una nor go die.

John 18:20

Jesus kon ansa am, “Na for publik I tok wetin I tish. Na inside sinagog and Temple where all di Jew pipol dey gada, na der I for dey tish. I nor tok anytin for sekret.

John 7:26

Naim dey here dey tok for publik so and dem nor fit tell am anytin. Abi di oga dem don gri sey naim bi di Christ?

John 7:28

As Jesus dey tish for di temple, e kon shaut sey, “Una know mi and di place wey I from kom, nor bi my pawa I take kom, na God wey send mi naim bi di korrect Pesin. But una nor know am.

Deutronomi 29:29

Na di Oga awa God get all di sekret tins, but di tins wey E tell us, na for wi and awa shidren-shidren forever, so dat wi go fit obey all di words for dis law.

Deutronomi 32:4

Na-im bi di Rock; evritin wey E dey do dey korrect, bikos wayo nor dey en tins. En na God wey pesin fit bilive, bikos E nor just dey judge pipol anyhow.

James 4:3

Wen yu ask for sometin, yu nor receive am, bikos yu nor ask well and yu won take am do wetin yu like.