Isaya 44:9 - Holy Bible Nigerian Pidgin English

⁹ “Pipol wey dey make juju nor mean anytin and di juju wey dem tink sey dey give dem happiness, nor mean anytin at-all. Di pipol wey dey serve di juju nor dey si and dem nor know anytin; so na shame and disgrace go follow dem.

Isaya 44:9 ပူးပေါင်းရင်းမြစ်များ

2 Kings 19:18

Dem don burn di gods for di oda kountries, bikos dem nor really bi god, bikos na human being make dem with dia hand from wood and stone. Dat na why Assyria king fit distroy dem.

Psalms 115:4

Na silva and gold human being take make dia juju.

Psalms 115:8

Pipol wey dey make juju and all doz wey trust dem and di juju, bi like di juju wey dem make with dia own hand.

Psalms 135:18

Pipol wey make dem, plus evribody wey trust dem, go end up like dem.

Psalms 97:7

But disgrace dey follow pipol wey dey woship juju; doz wey dey make mout about dia god wey nor bi anytin, bikos evry oda god must bow before di Oga awa God.

Isaya 26:11

My God, even doh Yu don dey ready to ponish wiked pipol, dem nor still know sey Yu won ponish dem. Dem go si am and shame go katch dem wen dem si how Yu go take judge yor enemies for di world.

Isaya 41:24

Una with evritin wey una dey do, nor mean anytin. Na yeye pipol dey woship una!

Isaya 41:29

All dis gods dey yuzles; dem nor fit do anytin at-all. Di juju dem dey weak and konfuse and dem nor get pawa at-all.”

Isaya 42:17

But for all of una wey trust juju, wey dey koll image una gods, dem go sofa and disgrace una.”

Isaya 42:18

God sey, “Una wey nor dey hear word, make una listin! Una wey nor dey si, make una look well-well!

Isaya 43:8

God sey, “Gada my pipol togeda. Dem get eyes, but dem nor dey si. Dem get ear, but dem nor dey hear!

Isaya 43:9

Make all di nashons gada togeda and make dem bring di pipol kom: Wish one of dia gods go fit tok wetin go happen for future? Who among dem bin tok wetin dey happen naw? Make dem bring dia witness wey go sey dem dey rite or di pipol wey go kon tell us sey dem tok di trut.

Isaya 44:11

Si, shame go follow evribody wey dey woship dat god, bikos na human being make am. So make dem kom make wi judge di kase, den una go si sey, fear go katch dem and dem go disgrace demsef.

Isaya 44:18

Dis pipol nor get sense and dem nor know wetin dem dey do, bikos dem don klose dia eyes and mind against di trut.

Isaya 44:20

E just bi like sey dem dey chop ashes. Di foolish tins wey dem dey tink don deceive dem and dem nor fit help demsef again or tell demsef sey, ‘Nor bi lie-lie God wi dey serve so?’ ”

Isaya 45:16

Pipol wey dey make juju, go shame and disgrace go follow dem. All of dem go waka go with disgrace.

Isaya 45:20

God sey, “Una wey survive for di nashons, make una gada kom! Pipol wey dey waka for evriwhere with di wood juju wey dem dey serve kon dey pray give oda gods wey nor fit save dem, nor know anytin at-all!

Isaya 57:12

Una tink sey wetin una dey do dey rite, but I go disgrace una and una juju nor go fit help una.

Isaya 65:13

I dey tell una sey, doz wey woship and obey mi, go get plenty food to chop and drink, but food and wota go hongry una wey dey disobey mi. My pipol go dey happy, but na disgrace go follow doz wey dey disobey mi.

Jeremaya 14:22

Just as no one among di juju for dis nashon fit bring rain, na so too di sky nor fit make rain fall by ensef. So wi don put awa hope for yor hand. Na Yu bi awa God, bikos na only Yu fit do all dis tins.”

Jeremaya 2:11

No oda nashon don ever shange dia god, even wen dem know sey dia gods nor bi god at-all. But my pipol don shange mi God wey give dem honor, with gods wey nor go fit help dem.

Jeremaya 2:26

So God sey, “Just as dem dey disgrace tif wen dem katch am, na so too I go disgrace Israel pipol, dia kings, ofisas, priests and profets, bikos of wetin dem do.

Daniel 11:38

Na only di gods wey get pawa well-well, e go dey respet. Gods wey en papa nor know, na-im e go honor with gold, silva, fine stones and propaty.

Daniel 5:23

Instead, yu dey against God wey get heaven and eart. Yu bring all di tins from di temple, den yu and yor men, plus yor wife and yor girl-friends kon use dem dey drink wine. Yu dey praiz di gods wey dem make with gold, silva, bronze, iron, wood and stone; gods wey nor even fit si, hear or undastand! But yu neva ever praiz God wey dey kontrol yor life and ways!

Romans 1:22

Even doh dem tink sey dem wise, dem bi fools;

1 Korintians 8:4

So, even if pipol dey offa food give juju, all of us know sey di juju dem nor get life, bikos na only one God dey.

2 Korintians 4:4

bikos doz wey nor bilive, di gods for dis time don blind dia mind, so dem nor go si lite wey dey dis gospel wey get glory and dis gospel na Christ wey bi God image.

Efesians 4:18

Dia mind dey for darkness and dem nor get part for di life wey God dey give, bikos dem sturbon and nor fit undastand.

Efesians 5:8

Before-before, una dey for darkness, but naw, una bi lite wey dey shine inside Christ. So make una dey do tins like shidren wey get lite,

Deutronomi 27:15

‘Anybody wey make juju or image to woship, na curse go follow dat pesin, bikos juju wey human being dey make, na sin to God. Den all di pipol go ansa, “Amen.”

Deutronomi 4:28

For der, una go woship gods wey pesin take hand make; wood and stones wey nor go ever fit si, hear, chop or smell.

Judges 10:14

Make una go kry give di gods wey una don choose, so dat dem go kom save una wen una dey trobol.”