Isaya 44:26 - Holy Bible Nigerian Pidgin English

²⁶ But wen my savant tok wetin go happen; wen I send my messenjas go tell una wetin I plan, I dey make doz plans, happen. I tell Jerusalem sey pipol go stay for der again and dem go ribuild Judah town. Even doh dem skata am before, I go raiz am up again.

Isaya 44:26 ပူးပေါင်းရင်းမြစ်များ

2 Kings 7:16

Den Samaria pipol rush enter Siria kamp kon pak evritin wey dey der. And as God tok, three kilogram for di best flower or six kilogram for di best korn, dem kon dey sell am for one silva.

2 Kings 7:18

Elisha don tell di king before sey by dis time tumoro for Samaria gate, dem go dey sell three kilogram for di best flower and six kilogram for di best korn for one silva

2 Kings 7:20

And dat na wetin just happen to di man. Pipol mash am die for di town gate.

Ezra 2:70

Di priests, Levi pipol and some of di pipol, di singas, di temple guards and di temple workers stay for di town wey dey near Jerusalem; while di remainin Israel pipol stay for di towns wey dia grand-grand papa stay before.

Nehemaya 1:3

Dem kon tell mi, “Tins hard for di pipol wey kom back. Dem dey for big trobol and disgrace. Dem neva fit ribuild Jerusalem wall and di gate wey awa enemies burn, still dey groun.”

Nehemaya 2:3

so I tell di king, “My king, make yu live forever! Wetin nor go make my face look like who dey sick wen e bi sey dem skata and burn di gates for di town where dem beri my grand-grand papa put.”

Psalms 102:17

Pipol wey dey sofa, E go listin to dia prayers. E nor go rijet dem wen dem dey beg am.

Psalms 147:2

God dey ribuild Jerusalem and E go bring en pipol kom back to Israel from di land where dem dey.

Psalms 69:35

Bikos God go diliver Zion kon ribuild Judah town and en pipol go stay der again kon take-ova Zion.

Psalms 69:36

En savant shidren-shidren go inherit am and pipol wey dey loyal to am go stay der.

Ekklesiastes 3:3

Time dey to kill and time dey to heal pesin; time dey to skata and time dey to build.

Isaya 40:9

So Jerusalem, make yu go on-top high mountin. Make yu prish di good news! Koll Zion pipol with loud vois, den announce di good news! Shaut as yu dey tok and nor fear at-all. Make yu tell Judah towns sey God dey kom!

Isaya 42:19

E get anybody wey blind pass my savant or deaf pass di messenja wey I send?

Isaya 42:9

“True-true, di tins wey I bin tok, don happen naw. So, I go tell una new tins naw, even before dem go start to happen.”

Isaya 49:8

God tell en pipol sey, “Wen di time don rish to save una, I go favor and ansa una wen una kry for help. I go guide and protet una kon make kovenant with evribody thru una. Una land wey skata and wey dirty bin full, I go klean am kon make una stay der again.

Isaya 52:9

Jerusalem wey dem skata, make una shaut dey happy, bikos God go save en pipol kon give dem peace.

Isaya 54:3

Una go spread go rite and left; una shidren-shidren go kover evriwhere kon stay for town wey dem don forget before.

Isaya 55:11

Na so e bi too with di word wey I dey tok; e go must do wetin I plan for am. E go must do evritin wey I send am make e kom do.

Isaya 58:12

Una pipol go build wetin don skata since, dem go build am put for di old foundashon again. Dem go know una as pipol wey ribuild di wall and house wey dem bin skata.”

Isaya 60:10

God tell Jerusalem pipol, “Oda pipol go build una wall and dia kings go serve una. I bin ponish una, bikos I dey vex, but naw, I go show una my favor and mesi.

Isaya 61:4

Dem go ribuild di towns wey skata kon ripair di place dem wey pipol distroy.

Jeremaya 1:10

So make yu know naw sey, I don give yu pawa ova nashons and kingdoms; to rut and skata; to distroy, ova-take, ribuild and to plant well again.”

Jeremaya 28:9

But if one profet, profesai peace and good life and e kon happen as e tok, den dat show sey na God really send am.”

Jeremaya 30:18

God sey, “I go bring my pipol kom back to dia land kon sorry for dem. Dem go build Jerusalem again and di king palis go dey as e bi before.

Jeremaya 31:4

I go build una again and una go take una sheke-sheke kon dance and dey happy again.

Jeremaya 32:15

Israel God sey, “Pipol go buy many house, field and vineyard for dis land, again.” ’

Jeremaya 32:44

Pipol go buy dia land and dem go sign di agriment, gum-am and pipol go witness am. Dis tins go happen for Benjamin land; di village wey dey round Jerusalem; all Judah town and for di towns wey dey di kountries for hill with all di land under di hill for Judah sout. I go bring di pipol kom back to dia land. Mi, wey bi God, don tok.” ’ ”

Jeremaya 33:7

I go make Israel and Judah pipol prosper and I go build dem as dem bi before.

Ezekiel 36:10

I go make una many. Una go stay for di town and evritin wey don skata before, una go ribuild dem back.

Ezekiel 38:17

“Na yu I dey tok about before wen I tell my savant wey bi Israel profet sey, ‘For dat day, I go ask somebody make e attack Israel. God wey get pawa don tok.’ ”

Daniel 9:12

Yu don do wetin Yu sey Yu go do wi and awa leaders. For all di towns wey dey for dis world, na Jerusalem Yu dey ponish pass.

Daniel 9:25

“So make yu know and undastand sey, ‘From naw wen I tell yu dis message, till di time wen dem go ribuild Jerusalem and di leader wey God choose go kom, e go bi seven weeks and sixty-two weeks. Dem go build di town well again, but wahala go dey for dat time.

Amos 9:14

I go bring my pipol kom back to dia land. Dem go ribuild dia towns wey skata kon stay der again; dem go plant vine kon drink di wine; dem go plant food for dia farm kon chop wetin dem plant.

Haggai 1:13

Den Haggai tell di pipol, “God sey: ‘I promise sey I go dey with una.’ ”

Zekaraya 1:17

Di angel still sey: “God go help Jerusalem and make di town prosper again and di town go bi en own.”

Zekaraya 1:6

But evritin wey I tok thru my profets, happen to una grand-grand papa dem, just as I tok am. So dem turn from sin kom meet mi kon sey, ‘Oga God wey dey lead heaven sojas, na en really ponish us, just as wi deserve am. E don do wetin E sey E go do.’ ”

Zekaraya 12:6

For dat day, I go make Judah leaders bi like fire wey dey burn forest and farm wey ripe korn full. Dem go distroy all di nashons wey surround dem, den Jerusalem pipol go dey save.

Zekaraya 2:4

Di first angel kon tell di sekond one, “Make yu run go tell di man wey whole di ruler sey, ‘Very soon, pipol and animals go plenty for Jerusalem, sotey di town nor go fit kontain dem again.’

Matiu 26:56

Dis one happen so dat wetin di profets rite for di book go bi true. Den all di disciples kon run leave am.

Matiu 5:18

I tell una true word, before dis world go end, evritin wey dey inside di Law, even di small-small ones, go happen.

Luke 24:44

Den Jesus tell dem, “Na di word wey I tell una wen I still dey with una bi dis, evritin wey dem rite about mi for Moses Law, di profets book and Psalms, must happen.”