Isaya 44:2 - Holy Bible Nigerian Pidgin English

² Dis na wetin God tok, “Na mi kreate and form una for una mama belle kon help una, so make una nor fear, bikos una bi my savant; di pipol wey I choose and love.

Isaya 44:2 ပူးပေါင်းရင်းမြစ်များ

Psalms 46:5

Bikos God dey stay di town, e nor go skata. Na from wen day just break, God dey protet am.

Psalms 71:6

Yes! Yu don dey with mi since wen dem born mi and Yu dey kare for mi from my mama belle. No wonder I dey always praiz Yu!

Psalms 95:6

Kom! Make wi go woship and bow to am. Make wi knee down before God wey make us,

Isaya 27:11

Di pipol bi like trees branches wey don dry and skata for groun; wey wimen dey gada take do firewood. So, bikos di pipol nor undastand anytin, God wey kreate dem nor go sorry or pity for dem.

Isaya 41:10

So make una nor fear, bikos I dey with una! Na mi bi una God, so make anytin nor make una fear! I go make una strong kon help una and I go protet and save una.

Isaya 41:14

God sey, “Israel pipol, as una small and dey weak rish, make una nor fear, bikos I go help una. Mi wey bi Israel God wey dey holy, na mi bi di only Pesin wey go save una.

Isaya 41:8

“But Israel na my savant! Di pipol wey I choose, wey bi my friend Abraham shidren-shidren;

Isaya 43:1

Naw, God wey kreate una sey, “Make una nor fear, I go save una. I don koll una by una name and una bi my pipol!

Isaya 43:21

Na mi form dis pipol for mysef and dem go sing praiz mi!”

Isaya 43:5

Make una nor fear, bikos I dey with una! I go bring una pipol from east and west kom house back.

Isaya 43:7

Dem bi my own pipol and I kreate dem, so dat dem go give mi glory.”

Isaya 44:21

God sey, “Israel pipol, make una remember sey una bi my savant and I nor go ever forget una.

Isaya 44:24

Dis na wetin God wey save una, di Pesin wey form una for una mama belle dey tok: “Na mi bi God wey kreate evritin. Na only mi stresh di heavens kom out kon design di eart as I wont.

Isaya 45:11

Di Oga wey bi Israel pipol God wey dey holy; di Pesin wey dey make awa future betta, don sey, “Yu nor get rite to kweshon mi about my shidren or tell mi wetin I go do!

Isaya 49:1

Una wey dey stay for far-far land, make una listin to mi! Before dem born mi, God don koll mi. Wen I dey my mama belle, God don already know my name.

Isaya 49:5

And naw, Oga God sey, na mi kreate and form yu from yor mama belle as my savant, so dat yu go bring Jakob, my pipol kom back to mi kon gada Israel togeda. Dis na bikos Oga God don honor mi and na-im bi my strent.

Jeremaya 1:5

“Before I put yu for yor mama belle, I don know and choose yu. I don selet yu, before dem even born yu. Yes! I don choose yu as my profet and yu go take my message go evriwhere.”

Jeremaya 30:10

My pipol, make una nor fear; make Israel pipol nor fear at-all. I go save una from di far land where una dey as prisonas. Una go kom back to una house kon stay for peace and nobody go make una fear again.

Luke 12:32

“Make una nor fear, una wey bi small sheep, bikos una Papa go happy to give una di kingdom.

Romans 8:30

Doz wey God don asept, na dem E koll; doz wey E koll, na dem E make raitious and E kon share en glory with dem.

Efesians 1:4

Before God kreate di world, E choose us thru Christ bikos E love us, so dat for en front, wi nor go get any fault and wi go dey holy.

Deutronomi 32:15

But Israel pipol kon fat and wiked more-more. Di pipol kon heavy, round and tick for body! Dem forget God wey kreate dem; den kon rijet di Rock wey bi dia salvashon.

Deutronomi 33:26

Israel pipol, no god bi like una God. E dey kom help una from heaven and di sky with en wonderful pawa.

Deutronomi 33:5

Na God bi king for Israel wen all di leader among di pipol go gada go meet kon gada all di tribe for Israel as one.”

1 Tesalonians 1:4

Awa brodas and sistas wey God love, wi know sey God don choose una as en own.

Hibru 4:16

Make wi nor fear to enter where God throne dey: di place where grace dey, so dat wi go get mesi and God grace go help us wen wi nid help.