Isaya 44:11 - Holy Bible Nigerian Pidgin English

¹¹ Si, shame go follow evribody wey dey woship dat god, bikos na human being make am. So make dem kom make wi judge di kase, den una go si sey, fear go katch dem and dem go disgrace demsef.

Isaya 44:11 ပူးပေါင်းရင်းမြစ်များ

1 Kings 18:40

Profet Elijah tell dem, “Make una hold di Baal profets! Make una nor let any one eskape!” So dem hold di profets and Elijah karry dem go Kishon Valley kon kill dem for der.

Psalms 97:7

But disgrace dey follow pipol wey dey woship juju; doz wey dey make mout about dia god wey nor bi anytin, bikos evry oda god must bow before di Oga awa God.

Isaya 1:29

Una go shame for unasef, bikos una woship trees kon build some juju gardin.

Isaya 42:17

But for all of una wey trust juju, wey dey koll image una gods, dem go sofa and disgrace una.”

Isaya 44:9

“Pipol wey dey make juju nor mean anytin and di juju wey dem tink sey dey give dem happiness, nor mean anytin at-all. Di pipol wey dey serve di juju nor dey si and dem nor know anytin; so na shame and disgrace go follow dem.

Isaya 45:16

Pipol wey dey make juju, go shame and disgrace go follow dem. All of dem go waka go with disgrace.

Isaya 65:13

I dey tell una sey, doz wey woship and obey mi, go get plenty food to chop and drink, but food and wota go hongry una wey dey disobey mi. My pipol go dey happy, but na disgrace go follow doz wey dey disobey mi.

Jeremaya 10:14

All dis bad tins kon turn di pipol to fool and dem nor get sense again. So, disgrace go follow doz wey dey make juju, bikos di juju na lie-lie and dem nor get life at-all.

Jeremaya 51:17

Wen pipol si dis tins, dem dey bi like fool wey nor get sense. Doz wey dey make juju, na di juju dey disgrace dem; di gods wey dem make, nor bi betta god and e nor even get life.

Hosea 13:2

Dem still dey sin and woship juju wey dem make kon design am with silva. Dem dey sey, “Make una kom sakrifice and kiss dis juju!”

Deutronomi 4:28

For der, una go woship gods wey pesin take hand make; wood and stones wey nor go ever fit si, hear, chop or smell.