Isaya 43:24 - Holy Bible Nigerian Pidgin English

²⁴ Una neva buy any incense for mi or give mi di fat for una animal as ofrin. Yet una dey wahala mi with una sins kon make mi dey vex bikos of una yeye ways.

Isaya 43:24 ပူးပေါင်းရင်းမြစ်များ

Psalms 95:10

So, I vex for dem for forty years kon sey, ‘Dis pipol heart don turn from mi and dem nor gri do wetin I tell dem.’

Exodus 30:34

God kon tell Moses, “Make yu take spices like: gum, resin, onyx, galbanum and pure frankincense and dem go bi di same amount.

Exodus 30:7

Evry morning wen Aaron kom prepare di lamp, e go burn sweet incense for di altar.

Isaya 1:14

I hate una new moon festival and di oda feast wey una dey celebrate, don taya mi. I nor fit bear dem again.

Isaya 1:24

Naw, make una listin to wetin Israel God wey get pawa, dey tok, “I go fight against my enemies kon pay dem back for wetin dem do.

Isaya 63:10

but dem fight against am kon make am vex. So God kon bi dia enemy and E fight against dem too.

Isaya 7:13

So Isaya sey, “Listin naw, una wey bi David shidren-shidren. Even doh e bad to dey try ordinary human being patient, una won try God own too?

Jeremaya 44:22

Bikos God nor fit bear all di yeye tins wey una dey do, na dis make am turn una land to where pipol dey curse. E don skata am and pipol nor dey stay der again.

Jeremaya 6:20

Dia gift wey dem dey bring from Sheba or di incense wey dem bring from far land nor mean anytin to mi. I nor go fit asept dia ofrin again and dia sakrifice nor fit make belle sweet mi.’

Ezekiel 16:43

“Since yu don forget how I kare for yu wen yu bi small pikin and yu don make bi vex with all di tins wey yu dey do, I must pay yu back for all dis bad tins. But, wetin make yu dey do ashawo join di bad-bad tins wey yu do?” God wey get pawa don tok.

Ezekiel 6:9

where dem go for bi strenja. Dat time, dem go remember kon know sey I don ponish and disgrace dem, bikos dia heart rijet mi and dem kon decide to serve juju. Dem go hate demsef, bikos of di bad and wiked tins wey dem don do.

Levitikus 3:16

Den di priest go burn dem for di altar as food ofrin to God and God like am well-well. All di fat na God own.

Levitikus 4:31

E go remove all di fat, just as e do with di fat for di peace ofrin. E go burn am for di altar with di food ofrin wey dem give God. As di priest give dis sakrifice, God go forgive di man.

Amos 2:13

But naw, I go distroy una finish and una go kry with pain like truck wey dem ova-load with korn.

Malakai 1:14

Curse dey di pesin head wey dey play wayo and offa yuzles animal, wen e bi sey e get many betta animals wey e promise sey e go give mi! I bi strong king and all di nashon dey fear mi.”